헬라어 문장 검색 - Παυσαν́Δεσξριπ́8́32́

(파우사니아스, Description of Greece, Ἀρκαδικά, chapter 32)

τοσάδε ἐνταῦθα ἀξιόχρεα ἦν· ἡ δὲ ἐπέκεινα τοῦ ποταμοῦ μοῖρα ἡ κατὰ μεσημβρίαν παρείχετο ἐσ μνήμην θέατρον μέγιστον τῶν ἐν τῇ Ἑλλάδι· ἐν δὲ αὐτῷ καὶ ἀέναόσ ἐστιν ὕδατοσ πηγή. τοῦ θεάτρου δὲ οὐ πόρρω λείπεται τοῦ βουλευτηρίου θεμέλια, ὃ τοῖσ μυρίοισ ἐπεποίητο Ἀρκάδων· ἐκαλεῖτο δὲ ἀπὸ τοῦ ἀναθέντοσ Θερσίλιον. πλησίον δὲ οἰκίαν, ἰδιώτου κατ’ ἐμὲ κτῆμα ἀνδρόσ, ὃ Ἀλεξάνδρῳ τῷ Φιλίππου τὸ ἐξ ἀρχῆσ ἐποίησαν· ἔστι δὲ ἄγαλμα Ἄμμωνοσ πρὸσ τῇ οἰκίᾳ, τοῖσ τετραγώνοισ Ἑρμαῖσ εἰκασμένον, κέρατα ἐπὶ τῆσ κεφαλῆσ ἔχον κριοῦ. τὸ δὲ τῶν Μουσῶν Ἀπόλλωνόσ τε ἱερὸν καὶ Ἑρμοῦ, κατασκευασθέν σφισιν ἐν κοινῷ, παρείχετο δὲ ἐσ μνήμην θεμέλια οὐ πολλά·

ἦν δὲ καὶ τῶν Μουσῶν μία ἔτι καὶ Ἀπόλλωνοσ ἄγαλμα κατὰ τοὺσ Ἑρμᾶσ τοὺσ τετραγώνουσ τέχνην. ἐλείπετο ἔτι καὶ ἀγάλματα ἀριθμὸν τρία, ἐπίκλησισ δὲ Οὐρανία, τῇ δ’ ἔστι Πάνδημοσ, τῇ τρίτῃ δὲ οὐδὲν ἐτίθεντο·

ἀπέχει δὲ οὐ πολὺ Ἄρεωσ βωμόσ, ἐλέγετο δὲ ὡσ καὶ ἱερὸν ἐξ ἀρχῆσ ᾠκοδομήθη τῷ θεῷ.

πεποίηται δὲ καὶ στάδιον ὑπὲρ τῆσ Ἀφροδίτησ τῇ μὲν ἐπὶ τὸ θέατρον καθῆκον ‐ καὶ κρήνη σφίσιν ἐστὶν αὐτόθι, ἣν ἱερὰν Διονύσου νομίζουσι ‐ , κατὰ δὲ τὸ ἕτερον τοῦ σταδίου πέρασ Διονύσου ναὸσ ἐλέγετο ὑπὸ τοῦ θεοῦ κεραυνωθῆναι γενεαῖσ δύο ἐμοῦ πρότερον, καὶ ἐρείπια οὐ πολλὰ ἔτι ἐσ ἐμὲ ἦν αὐτοῦ. Ἡρακλέουσ δὲ κοινὸσ καὶ Ἑρμοῦ πρὸσ τῷ σταδίῳ ναὸσ μὲν οὐκέτι ἦν, μόνοσ δέ σφισι βωμὸσ ἐλείπετο. ἔστι δὲ ἐν τῇ μοίρᾳ ταύτῃ λόφοσ πρὸσ ἀνίσχοντα ἥλιον καὶ Ἀγροτέρασ ἐν αὐτῷ ναὸσ Ἀρτέμιδοσ, ἀνάθημα Ἀριστοδήμου καὶ τοῦτο.

τῆσ δὲ Ἀγροτέρασ ἐστὶν ἐν δεξιᾷ τέμενοσ· ἐνταῦθα ἔστι μὲν ἱερὸν Ἀσκληπιοῦ καὶ ἀγάλματα αὐτόσ τε καὶ Ὑγεία, εἰσὶ δὲ ὑποκαταβάντι ὀλίγον θεοὶ ‐ παρέχονται δὲ καὶ οὗτοι σχῆμα τετράγωνον, Ἐργάται δέ ἐστιν αὐτοῖσ ἐπίκλησισ ‐ Ἀθηνᾶ τε Ἐργάνη καὶ Ἀπόλλων Ἀγυιεύσ· τῷ δὲ Ἑρμῇ καὶ Ἡρακλεῖ καὶ Εἰλειθυίᾳ πρόσεστιν ἐξ ἐπῶν τῶν Ὁμήρου φήμη, τῷ μὲν Διόσ τε αὐτὸν διάκονον εἶναι καὶ ὑπὸ τὸν Αἵδην ἄγειν τῶν ἀπογινομένων τὰσ ψυχάσ, Ἡρακλεῖ δὲ ὡσ πολλούσ τε καὶ χαλεποὺσ τελέσειεν ἄθλουσ· Εἰλειθυίᾳ δὲ ἐποίησεν ἐν Ἰλιάδι ὠδῖνασ γυναικῶν μέλειν. ἔστι δὲ καὶ ἄλλο ὑπὸ τὸν λόφον τοῦτον Ἀσκληπιοῦ Παιδὸσ ἱερόν·

τούτου μὲν δὴ τὸ ἄγαλμα ὀρθὸν πεποίηται πηχυαῖον μάλιστα, Ἀπόλλωνοσ δὲ ἐν θρόνῳ κάθηται ποδῶν ἓξ οὐκ ἀποδέον μέγεθοσ. ἀνάκειται δὲ αὐτόθι καὶ ὀστᾶ ὑπερηρκότα ἢ ὡσ ἀνθρώπου δοκεῖν·

καὶ δὴ καὶ ἐλέγετο ἐπ’ αὐτοῖσ εἶναι τῶν γιγάντων ἑνόσ, οὓσ ἐσ τὴν συμμαχίαν τῆσ Ῥέασ ἤθροισεν Ὁπλάδαμοσ, ἃ δὴ καὶ ἐσ ὕστερον ἐπέξεισιν ἡμῖν ὁ λόγοσ. τούτου δέ ἐστι πηγὴ τοῦ ἱεροῦ πλησίον, καὶ ἀπ’ αὐτῆσ ὁ Ἑλισσὼν τὸ ὕδωρ δέχεται κατερχόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 32

(파우사니아스, Description of Greece, Ἀρκαδικά, chapter 32)

상위

목록

SEARCH

MENU NAVIGATION