헬라어 문장 검색 - Παυσαν́Δεσξριπ́8́31́

(파우사니아스, Description of Greece, Ἀρκαδικά, chapter 31)

τὸ δὲ ἕτερον πέρασ τῆσ στοᾶσ παρέχεται τὸ πρὸσ ἡλίου δυσμῶν περίβολον θεῶν ἱερὸν τῶν Μεγάλων. αἱ δέ εἰσιν αἱ Μεγάλαι θεαὶ Δημήτηρ καὶ Κόρη, καθότι ἐδήλωσα ἤδη καὶ ἐν τῇ Μεσσηνίᾳ συγγραφῇ· τὴν Κόρην δὲ Σώτειραν καλοῦσιν οἱ Ἀρκάδεσ. Ὑγεία.

θεαὶ δὲ αἱ Μεγάλαι Δημήτηρ μὲν λίθου διὰ πάσησ, ἡ δὲ Σώτειρα τὰ ἐσθῆτοσ ἐχόμενα ξύλου πεποίηται·

μέγεθοσ δὲ ἑκατέρασ πέντε που καὶ δέκα εἰσὶ πόδεσ. τά τε ἀγάλματα <Δαμοφῶν> καὶ πρὸ αὐτῶν κόρασ ἐποίησεν οὐ μεγάλασ, ἐν χιτῶσί τε καθήκουσιν ἐσ σφυρὰ καὶ ἀνθῶν ἀνάπλεων ἑκατέρα τάλαρον ἐπὶ τῇ κεφαλῇ φέρει· εἶναι δὲ θυγατέρεσ τοῦ Δαμοφῶντοσ λέγονται, τοῖσ δὲ ἐπανάγουσιν ἐσ τὸ θειότερον δοκεῖ σφᾶσ Ἀθηνᾶν τε εἶναι καὶ Ἄρτεμιν τὰ ἄνθη μετὰ τῆσ Περσεφόνησ συλλεγούσασ. ἔστι δὲ καὶ Ἡρακλῆσ παρὰ τῇ Δήμητρι μέγεθοσ μάλιστα πῆχυν·

τοῦτον τὸν Ἡρακλέα εἶναι τῶν Ἰδαίων καλουμένων Δακτύλων Ὀνομάκριτόσ φησιν ἐν τοῖσ ἔπεσι. κεῖται δὲ τράπεζα ἔμπροσθεν, ἐπειργασμέναι τε ἐπ’ αὐτῇ δύο τέ εἰσιν Ὧραι καὶ ἔχων Πὰν σύριγγα καὶ Ἀπόλλων κιθαρίζων· ἔστι δὲ καὶ ἐπίγραμμα ἐπ’ αὐτοῖσ εἶναι σφᾶσ θεῶν τῶν πρώτων. πεποίηνται δὲ ἐπὶ τραπέζῃ καὶ Νύμφαι·

Νέδα μὲν Δία φέρουσά ἐστι νήπιον παῖδα, Ἀνθρακία δὲ νύμφη τῶν Ἀρκαδικῶν καὶ αὕτη δᾷδα ἔχουσά ἐστιν, Ἁγνὼ δὲ τῇ μὲν ὑδρίαν, ἐν δὲ τῇ ἑτέρᾳ χειρὶ φιάλην· Ἀγχιρόησ δὲ καὶ Μυρτωέσσησ εἰσὶν ὑδρίαι τὰ φορήματα, καὶ ὕδωρ δῆθεν ἀπ’ αὐτῶν κάτεισιν. τοῦ περιβόλου δέ ἐστιν ἐντὸσ Φιλίου Διὸσ ναόσ, Πολυκλείτου μὲν τοῦ Ἀργείου τὸ ἄγαλμα, Διονύσῳ δὲ ἐμφερέσ· κόθορνοί τε γὰρ τὰ ὑποδήματά ἐστιν αὐτῷ καὶ ἔχει τῇ χειρὶ ἔκπωμα, τῇ δὲ ἑτέρᾳ θύρσον, κάθηται δὲ ἀετὸσ ἐπὶ τῷ θύρσῳ· τοῦτο οὐχ ὁμολογοῦν ἐστι.

τούτου δὲ ὄπισθεν τοῦ ναοῦ δένδρων ἐστὶν ἄλσοσ οὐ μέγα, θριγκῷ περιεχόμενον·

ἐσ μὲν δὴ τὸ ἐντὸσ ἔσοδοσ οὐκ ἔστιν ἀνθρώποισ, πρὸ δὲ αὐτοῦ Δήμητροσ καὶ Κόρησ ὅσον τε ποδῶν τριῶν εἰσιν ἀγάλματα. ἔστι δὲ ἐντὸσ τοῦ περιβόλου τῶν Μεγάλων θεῶν καὶ Ἀφροδίτησ ἱερόν. πρὸ μὲν δὴ τῆσ ἐσόδου ξόανά ἐστιν ἀρχαῖα, Ἥρα καὶ Ἀπόλλων τε καὶ Μοῦσαι ‐ ταῦτα κομισθῆναί φασιν ἐκ Τραπεζοῦντοσ ‐ , ἀγάλματα δὲ ἐν τῷ ναῷ Δαμοφῶν ἐποίησεν Ἑρμῆν ξύλου καὶ Ἀφροδίτησ ξόανον· καὶ ταύτησ χεῖρέσ εἰσι λίθου καὶ πρόσωπόν τε καὶ ἄκροι πόδεσ.

τὴν δὲ ἐπίκλησιν τῇ θεῷ Μαχανῖτιν ὀρθότατα ἔθεντο ἐμοὶ δοκεῖν· Ἀφροδίτησ τε <γὰρ> ἕνεκα καὶ ἔργων τῶν ταύτησ πλεῖσται μὲν ἐπιτεχνήσεισ, παντοῖα δὲ ἀνθρώποισ ἀνευρημένα ἐσ λόγουσ ἐστίν. ἑστήκασι δὲ καὶ ἀνδριάντεσ ἐν οἰκήματι, Καλλιγνώτου τε καὶ Μέντα καὶ Σωσιγένουσ τε καὶ Πώλου·

καταστήσασθαι δὲ οὗτοι Μεγαλοπολίταισ λέγονται πρῶτον τῶν Μεγάλων θεῶν τὴν τελετήν, καὶ τὰ δρώμενα τῶν Ἐλευσῖνί ἐστι μιμήματα. κεῖται δὲ ἐντὸσ τοῦ περιβόλου θεῶν τοσάδε ἄλλων ἀγάλματα τὸ τετράγωνον παρεχόμενα σχῆμα, Ἑρμῆσ τε ἐπίκλησιν Ἀγήτωρ καὶ Ἀπόλλων καὶ Ἀθηνᾶ τε καὶ Ποσειδῶν, ἔτι δὲ Ἥλιοσ ἐπωνυμίαν ἔχων Σωτὴρ δὲ εἶναι καὶ Ἡρακλῆσ. ᾠκοδόμηται δὲ καὶ <ἱερόν> σφισι μεγέθει μέγα, καὶ ἄγουσιν ἐνταῦθα τὴν τελετὴν ταῖσ θεαῖσ. τοῦ ναοῦ δὲ τῶν Μεγάλων θεῶν ἐστιν ἱερὸν ἐν δεξιᾷ καὶ Κόρησ·

λίθου δὲ τὸ ἄγαλμα ποδῶν ὀκτὼ μάλιστα·

ταινίαι δὲ ἐπέχουσι διὰ παντὸσ τὸ βάθρον. ἐσ τοῦτο τὸ ἱερὸν γυναιξὶ μὲν τὸν πάντα ἐστὶν ἔσοδοσ χρόνον, οἱ δὲ ἄνδρεσ οὐ πλέον ἢ ἅπαξ κατὰ ἔτοσ ἕκαστον ἐσ αὐτὸ ἐσίασι. γυμνάσιον δὲ τῇ ἀγορᾷ συνεχὲσ κατὰ ἡλίου δυσμάσ ἐστιν ᾠκοδομημένον. τῆσ στοᾶσ δὲ ἣν ἀπὸ τοῦ Μακεδόνοσ Φιλίππου καλοῦσι, ταύτησ εἰσὶ δύο ὄπισθεν λόφοι, οὐκ ἐσ ὕψοσ ἀνήκοντεσ·

ἐρείπια δὲ Ἀθηνᾶσ ἱεροῦ Πολιάδοσ ἐπὶ αὐτῷ, καὶ τῷ ἑτέρῳ ναόσ ἐστιν Ἥρασ Τελείασ, ὁμοίωσ καὶ ταῦτα ἐρείπια. ὑπὸ τούτῳ τῷ λόφῳ Βάθυλλοσ καλουμένη πηγὴ συντελεῖ καὶ αὕτη τῷ ποταμῷ Ἑλισσόντι ἐσ μέγεθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 31

(파우사니아스, Description of Greece, Ἀρκαδικά, chapter 31)

상위

목록

SEARCH

MENU NAVIGATION