헬라어 문장 검색 - Παυσαν́Δεσξριπ́8́27́

(파우사니아스, Description of Greece, Ἀρκαδικά, chapter 27)

ἡ δὲ Μεγάλη πόλισ νεωτάτη πόλεών ἐστιν οὐ τῶν Ἀρκαδικῶν μόνον ἀλλὰ καὶ τῶν ἐν Ἕλλησι, πλὴν ὅσων κατὰ συμφορὰν ἀρχῆσ τῆσ Ῥωμαίων μεταβεβήκασιν οἰκήτορεσ· συνῆλθον δὲ ὑπὲρ ἰσχύοσ ἐσ αὐτὴν οἱ Ἀρκάδεσ, ἅτε καὶ Ἀργείουσ ἐπιστάμενοι τὰ μὲν ἔτι παλαιότερα μόνον οὐ κατὰ μίαν ἡμέραν ἑκάστην κινδυνεύοντασ ὑπὸ Λακεδαιμονίων παραστῆναι τῷ πολέμῳ, ἐπειδὴ δὲ ἀνθρώπων πλήθει τὸ Ἄργοσ ἐπηύξησαν καταλύσαντεσ Τίρυνθα καὶ Ὑσιάσ τε καὶ Ὀρνεὰσ καὶ Μυκήνασ καὶ Μίδειαν καὶ εἰ δή τι ἄλλο πόλισμα οὐκ ἀξιόλογον ἐν τῇ Ἀργολίδι ἦν, τά τε ἀπὸ Λακεδαιμονίων ἀδεέστερα τοῖσ Ἀργείοισ ὑπάρξαντα καὶ ἅμα ἐσ τοὺσ περιοίκουσ ἰσχὺν γενομένην αὐτοῖσ. γνώμῃ μὲν τοιαύτῃ συνῳκίζοντο οἱ Ἀρκάδεσ, τῆσ πόλεωσ δὲ οἰκιστὴσ Ἐπαμινώνδασ ὁ Θηβαῖοσ σὺν τῷ δικαίῳ καλοῖτο ἄν·

τούσ τε γὰρ Ἀρκάδασ οὗτοσ ἦν ὁ ἐπεγείρασ ἐσ τὸν συνοικισμὸν Θηβαίων τε χιλίουσ λογάδασ καὶ Παμμένην ἀπέστειλεν ἡγεμόνα ἀμύνειν τοῖσ Ἀρκάσιν, εἰ κωλύειν πειρῶνται οἱ Λακεδαιμόνιοι τὸν οἰκισμόν. Κλειτορίων δὲ Κλεόλαοσ καὶ Ἀκρίφιοσ, Εὐκαμπίδασ δὲ καὶ Ιἑρώνυμοσ ἐκ Μαινάλου, Παρρασίων δὲ Ποσσικράτησ τε καὶ Θεόξενοσ.

πόλεισ δὲ τοσαίδε ἦσαν ὁπόσασ ὑπό τε προθυμίασ καὶ διὰ τὸ ἔχθοσ τὸ Λακεδαιμονίων πατρίδασ σφίσιν οὔσασ ἐκλιπεῖν ἐπείθοντο οἱ Ἀρκάδεσ, Ἀλέα Παλλάντιον Εὐταία Σουμάτειον Ἀσέα Περαιθεῖσ Ἑλισσὼν Ὀρεσθάσιον Δίπαια Λύκαια·

ταύτασ μὲν ἐκ Μαινάλου· ἐκ δὲ Εὐτρησίων Τρικόλωνοι καὶ Ζοίτιον καὶ Χαρισία καὶ Πτολέδερμα καὶ Κναῦσον καὶ Παρώρεια· παρὰ δὲ Αἰγυτῶν <Αἴγυσ> καὶ Σκιρτώνιον καὶ Μαλέα καὶ Κρῶμοι καὶ Βλένινα καὶ Λεῦκτρον·

Παρρασίων <δὲ> Λυκοσουρεῖσ Θωκνεῖσ Τραπεζούντιοι Προσεῖσ Ἀκακήσιον Ἀκόντι<ον> Μακαρία Δασέα· ἐκ δὲ Κυνουραίων τῶν ἐν Ἀρκαδίᾳ Γόρτυσ καὶ Θεισόα ἡ πρὸσ Λυκαίῳ καὶ Λυκαιᾶται καὶ Ἀλίφηρα· ἐκ δὲ τῶν συντελούντων ἐσ Ὀρχομενὸν Θεισόα Μεθύδριον Τεῦθισ· προσεγένετο δὲ καὶ Τρίπολισ ὀνομαζομένη, Καλλία καὶ Δίποινα καὶ Νώνακρισ. τὸ μὲν δὴ ἄλλο Ἀρκαδικὸν οὔτε τι παρέλυε τοῦ κοινοῦ δόγματοσ καὶ συνελέγοντο ἐσ τὴν Μεγάλην πόλιν σπουδῇ·

Λυκαιᾶται δὲ καὶ Τρικολωνεῖσ καὶ Λυκοσουρεῖσ τε καὶ Τραπεζούντιοι μετεβάλοντο Ἀρκάδων μόνοι, καὶ ‐ οὐ γὰρ συνεχώρουν ἔτι τὰ ἄστη τὰ ἀρχαῖα ἐκλιπεῖν ‐ οἱ μὲν αὐτῶν καὶ ἄκοντεσ ἀνάγκῃ κατήγοντο ἐσ τὴν Μεγάλην πόλιν, Τραπεζούντιοι δὲ ἐκ Πελοποννήσου τὸ παράπαν ἐξεχώρησαν, ὅσοι γε αὐτῶν ἐλείφθησαν καὶ μὴ σφᾶσ ὑπὸ τοῦ θυμοῦ παραυτίκα διεχρήσαντο οἱ Ἀρκάδεσ· τοὺσ δὲ αὐτῶν ἀνασωθέντασ ἀναπλεύσαντασ ναυσὶν ἐσ τὸν Πόντον συνοίκουσ ἐδέξαντο μητροπολίτασ τ’ ὄντασ καὶ ὁμωνύμουσ οἱ Τραπεζοῦντα ἔχοντεσ τὴν ἐν τῷ Εὐξείνῳ.

Λυκοσουρεῦσι δὲ καὶ ἀπειθήσασιν ἐγένετο ὅμωσ παρὰ τῶν Ἀρκάδων αἰδὼσ Δήμητρόσ τε ἕνεκα καὶ Δεσποίνησ ἐλθοῦσιν <ἐσ> τὸ ἱερόν. τῶν δὲ ἄλλων τῶν κατειλεγμένων πόλεων αἱ μὲν ἐσ ἅπαν εἰσὶν ἐφ’ ἡμῶν ἔρημοι, τὰσ δὲ ἔχουσιν οἱ Μεγαλοπολῖται κώμασ, Γόρτυνα Διποί<ν>ασ Θεισόαν τὴν πρὸσ Ὀρχομενῷ Μεθύδριον Τεῦθιν Καλλιὰσ Ἑλισσόντα·

μόνη δὲ ἐξ αὐτῶν Παλλάντιον ἔμελλεν ἄρα ἠπιωτέρου πειρᾶσθαι καὶ τότε τοῦ δαίμονοσ. τοῖσ δὲ Ἀλιφηρεῦσι παραμεμένηκεν ἐξ ἀρχῆσ πόλιν σφᾶσ καὶ ἐσ τόδε νομίζεσθαι. συνῳκίσθη δὲ ἡ Μεγάλη πόλισ ἐνιαυτῷ τε τῷ αὐτῷ καὶ μησίν τε ὀλίγοισ ὕστερον ἢ τὸ πταῖσμα ἐγένετο Λακεδαιμονίων τὸ ἐν Λεύκτροισ, Φρασικλείδου μὲν Ἀθήνησιν ἄρχοντοσ, δευτέρῳ δὲ ἔτει τῆσ ἑκατοστῆσ Ὀλυμπιάδοσ καὶ δευτέρασ, ἣν Δάμων Θούριοσ ἐνίκα στάδιον.

Μεγαλοπολίταισ δὲ ἐσ τὴν Θηβαίων συμμαχίαν ἐγγραφεῖσιν ἀπὸ Λακεδαιμονίων δεῖμα ἦν οὐδέν.

ὡσ δὲ ἐσ τὸν πόλεμον τὸν ἱερὸν ὀνομασθέντα οἱ Θηβαῖοι κατέστησαν καὶ αὐτοῖσ ἐπέκειντο οἱ Φωκεῖσ, τήν τε ὅμορον τῇ Βοιωτῶν ἔχοντεσ καὶ ὄντεσ οὐκ ἀδύνατοι χρήμασιν ἅτε τὸ ἱερὸν τὸ ἐν Δελφοῖσ κατειληφότεσ, τηνικαῦτα οἱ Λακεδαιμόνιοι προθυμίασ μὲν οὖν ἕνεκα Ἀρκάδασ τε ἂν τοὺσ ἄλλουσ καὶ τοὺσ Μεγαλοπολίτασ ἐποίησαν ἀναστάτουσ, ἀμυνομένων δὲ τῶν τότε οὐκ ἀθύμωσ καὶ ἅμα τῶν περιοίκων ἀπροφασίστωσ σφίσιν ἐπικουρούντων, λόγου μὲν συνέπεσεν οὐδὲν ἄξιον γενέσθαι παρὰ οὐδετέρων· Φίλιππον δὲ τὸν Ἀμύντου καὶ Μακεδόνων τὴν ἀρχὴν οὐχ ἥκιστα αὐξηθῆναι τὸ ἔχθοσ τὸ Ἀρκάδων ἐσ Λακεδαιμονίουσ ἐποίησε, καὶ Ἕλλησιν ἐν Χαιρωνείᾳ καὶ αὖθισ περὶ Θεσσαλίαν τοῦ ἀγῶνοσ οὐ μετέσχον οἱ Ἀρκάδεσ.

χρόνον δὲ οὐ μετὰ πολὺν Ἀριστόδημοσ Μεγαλοπολίταισ ἀνέφυ τύραννοσ, Φιγαλεὺσ μὲν γένοσ καὶ υἱὸσ Ἀρτύλα, ποιησαμένου δὲ αὐτὸν Τριταίου τῶν οὐκ ἀδυνάτων ἐν Μεγάλῃ πόλει·

τούτῳ τῷ Ἀριστοδήμῳ καὶ τυραννοῦντι ἐξεγένετο ὅμωσ ἐπικληθῆναι Χρηστῷ. ἐπὶ τούτου τυραννοῦντοσ ἐσβάλλουσιν ἐσ τὴν Μεγαλοπολῖτιν στρατιᾷ Λακεδαιμόνιοι καὶ τοῦ βασιλέωσ Κλεομένουσ ὁ πρεσβύτατοσ τῶν παίδων Ἀκρότατοσ· ἐγενεαλόγησα δὲ ἤδη τά τε ἐσ τοῦτον καὶ ἐσ τὸ πᾶν γένοσ τῶν ἐν Σπάρτῃ βασιλέων. γενομένησ δὲ ἰσχυρᾶσ μάχησ καὶ ἀποθανόντων πολλῶν παρ’ ἀμφοτέρων κρατοῦσιν οἱ Μεγαλοπολῖται τῇ συμβολῇ· καὶ ἄλλοι τε διεφθάρησαν Σπαρτιατῶν καὶ Ἀκρότατοσ, οὐδέ οἱ τὴν πατρῴαν παραλαβεῖν ἐξεγένετο ἀρχήν. μετὰ δὲ Ἀριστόδημον τελευτήσαντα δύο μάλιστα ὕστερον γενεαῖσ ἐτυράννησε Λυδιάδησ, οἴκου μὲν οὐκ ἀφανοῦσ, φύσιν δὲ φιλότιμοσ ὢν καὶ οὐχ ἥκιστα, ὡσ ἐπέδειξεν ὕστερον, καὶ φιλόπολισ.

ἔσχε μὲν γὰρ ἔτι νέοσ ὢν τὴν ἀρχήν· ἐπεὶ δὲ ἤρχετο φρονεῖν, κατέπαυεν ἑαυτὸν ἑκὼν τυραννίδοσ, καίπερ ἐσ τὸ ἀσφαλὲσ ἤδη οἱ τῆσ ἀρχῆσ καθωρμισμένησ. Μεγαλοπολιτῶν δὲ συντελούντων ἤδη τότε ἐσ τὸ Ἀχαϊκόν, ὁ Λυδιάδησ ἔν τε αὐτοῖσ Μεγαλοπολίταισ καὶ ἐν τοῖσ πᾶσιν Ἀχαιοῖσ ἐγένετο οὕτω δόκιμοσ ὡσ Ἀράτῳ παρισωθῆναι τὰ ἐσ δόξαν.

Λακεδαιμόνιοι δὲ αὐτοί τε πανδημεὶ καὶ ὁ τῆσ οἰκίασ βασιλεὺσ τῆσ ἑτέρασ Ἆγισ ὁ Εὐδαμίδου στρατεύουσιν ἐπὶ Μεγάλην πόλιν παρασκευῇ μείζονι καὶ ἀξιολογωτέρᾳ τῆσ ὑπὸ Ἀκροτάτου συναχθείσησ·

καὶ μάχῃ τε ἐπεξελθόντασ τοὺσ Μεγαλοπολίτασ ἐνίκησαν καὶ μηχάνημα ἰσχυρὸν προσάγοντεσ τῷ τείχει τὸν πύργον τὸν ταύτῃ δι’ αὐτοῦ σείουσι καὶ ἐσ τὴν ὑστεραίαν καταρρίψειν τῷ μηχανήματι ἤλπιζον. ἔμελλε δὲ ἄρα οὐχ Ἕλλησιν ὁ Βορέασ ἔσεσθαι μόνον τοῖσ πᾶσιν ὄφελοσ, τοῦ Μήδων ναυτικοῦ ταῖσ Σηπιάσι προσράξασ τὰσ πολλάσ, ἀλλὰ καὶ Μεγαλοπολίτασ ὁ ἄνεμοσ οὗτοσ ἐρρύσατο μὴ ἁλῶναι·

κατέλυσέ τε γὰρ τὸ μηχάνημα τοῦ Ἄγιδοσ καὶ διεφόρησεν ἐσ ἀπώλειαν παντελῆ βιαίῳ τῷ πνεύματι ὁμοῦ καὶ συνεχεῖ. ὁ δὲ Ἆγισ ὅτῳ τὰ ἐκ τοῦ Βορέου μὴ ἑλεῖν τὴν Μεγαλόπολιν ἐγένετο ἐμποδών, ἔστιν ὁ τὴν ἐν Ἀχαί̈ᾳ Πελλήνην ἀφαιρεθεὶσ ὑπὸ Ἀράτου καὶ Σικυωνίων καὶ ὕστερον πρὸσ Μαντινείᾳ χρησάμενοσ τῷ τέλει. μετὰ δὲ οὐ πολὺν χρόνον Κλεομένησ ὁ Λεωνίδου Μεγαλόπολιν κατέλαβεν ἐν σπονδαῖσ.

Μεγαλοπολιτῶν δὲ οἱ μὲν ἐν τῇ νυκτὶ εὐθὺσ τότε ἀμύνοντεσ τῇ πατρίδι ἐπεπτώκεσαν, ἔνθα καὶ Λυδιάδην ἀγωνιζόμενον ἀξίωσ λόγου κατέλαβεν ἐν τῇ μάχῃ τὸ χρεών· καὶ γυναῖκασ διέφυγεν ἐσ τὴν Μεσσηνίαν.

Κλεομένησ δὲ τούσ τε ἐγκαταληφθέντασ ἐφόνευε καὶ κατέσκαπτέ τε καὶ ἔκαιε τὴν πόλιν.

Μεγαλοπολῖται μὲν δὴ τρόπον ὁποῖον ἀνεσώσαντο τὴν αὑτῶν καὶ ὁποῖα κατελθοῦσιν αὖθισ ἐπράχθη σφίσι, δηλώσει τοῦ λόγου μοι τὰ ἐσ Φιλοποίμενα· Λακεδαιμονίων δὲ τῷ δήμῳ τοῦ τῶν Μεγαλοπολιτῶν παθήματοσ μέτεστιν αἰτίασ οὐδέν, ὅτι σφίσιν ἐκ βασιλείασ μετέστησεν ἐσ τυραννίδα ὁ Κλεομένησ τὴν πολιτείαν. Μεγαλοπολίταισ δὲ καὶ Ἡραιεῦσι κατὰ τὰ εἰρημένα ἤδη μοι τοῦ Βουφάγου ποταμοῦ περὶ τὰσ πηγάσ εἰσιν ὁρ́οι τῆσ χώρασ.

γενέσθαι δὲ τῷ ποταμῷ τὸ ὄνομα ἀπὸ Βουφάγου φασὶν ἡρ́ωοσ, εἶναι δὲ Ιἀπετοῦ τε παῖδα αὐτὸν καὶ Θόρνακοσ. ταύτην καὶ ἐν τῇ Λακωνικῇ Θόρνακα ὀνομάζουσι. λέγουσι δὲ καὶ ὡσ ἐν Φολόῃ τῷ ὄρει τοξεύσειεν Ἄρτεμισ Βουφάγον ἔργα τολμήσαντα οὐχ ὅσια ἐσ τὴν θεόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 27

(파우사니아스, Description of Greece, Ἀρκαδικά, chapter 27)

상위

목록

SEARCH

MENU NAVIGATION