헬라어 문장 검색 - Παυσαν́Δεσξριπ́8́25́

(파우사니아스, Description of Greece, Ἀρκαδικά, chapter 25)

ἐσ δὲ Θέλπουσαν ἰόντι ἐκ Ψωφῖδοσ πρῶτα μὲν χωρίον Τρόπαιά ἐστιν ὀνομαζόμενον ἐν ἀριστερᾷ τοῦ Λάδωνοσ, Τροπαίων δὲ ἔχεται δρυμὸσ Ἀφροδίσιον· τρίτα δέ ἐστιν ἀρχαῖα ἐν στήλῃ γράμματα, ὁρ́οι Ψωφιδίοισ πρὸσ τὴν Θελπουσίαν χώραν. ἐν δὲ τῇ γῇ τῇ Θελπουσίᾳ ποταμόσ ἐστιν Ἄρσην καλούμενοσ· τοῦτον οὖν διαβήσῃ καὶ ὅσον πέντε ἀπ’ αὐτοῦ σταδίοισ ἀφίξῃ καὶ εἴκοσι ἐπὶ ἐρείπια Καοῦντοσ κώμησ ὃ καὶ ἱερὸν Ἀσκληπιοῦ Καουσίου πεποιημένον ἐν τῇ ὁδῷ. τοῦ δὲ ἱεροῦ τούτου σταδίουσ τεσσαράκοντα μάλιστα ἀφέστηκεν ἡ πόλισ·

τεθῆναι δὲ αὐτῇ ὄνομα ἀπὸ νύμφησ λέγουσι Θελπούσησ, ταύτην δὲ θυγατέρα εἶναι Λάδωνοσ. τῷ δὲ Λάδωνι ἄρχεται μὲν τὸ ὕδωρ ἐν πηγαῖσ τῆσ Κλειτορίασ, καθὰ ὁ λόγοσ ἐδήλωσεν ἤδη μοι· ῥεῖ δὲ πρῶτον μὲν παρὰ Λευκάσιον χωρίον καὶ Μεσόβοα καὶ διὰ τῶν Νάσων ἐπί τε Ὄρυγα τὸν καὶ Ἁλοῦντα ὀνομαζόμενον, ἐξ Ἁλοῦντοσ δὲ ἐπὶ Θαλιάδασ τε καὶ ἐπὶ Δήμητροσ ἱερὸν κάτεισιν Ἐλευσινίασ. τὸ δὲ ἱερὸν τοῦτο ἔστι μὲν Θελπουσίων ἐν ὁρ́οισ·

ἀγάλματα δὲ ἐν αὐτῷ, ποδῶν ἑπτὰ οὐκ ἀποδέον ἕκαστον, Δήμητρόσ ἐστι καὶ ἡ παῖσ καὶ ὁ Διόνυσοσ, τὰ πάντα ὁμοίωσ λίθου. μετὰ δὲ τῆσ Ἐλευσινίασ τὸ ἱερὸν καὶ Θέλπουσαν τὴν πόλιν ὁ Λάδων παρέξεισιν ἐν ἀριστερᾷ, κειμένην μὲν ἐπὶ λόφου μεγάλου, τὰ πλείω δὲ ἐφ’ ἡμῶν ἔρημον, ὥστε καὶ τὴν ἀγορὰν ἐπὶ τῷ πέρατι οὖσάν φασιν ἐν τῷ μεσαιτάτῳ ποιηθῆναι τὸ ἐξ ἀρχῆσ.

ἔστι δὲ ἐν Θελπούσῃ ναὸσ Ἀσκληπιοῦ καὶ θεῶν ἱερὸν τῶν δώδεκα· τούτου τὰ πολλὰ ἐσ ἔδαφοσ ἔκειτο ἤδη.

μετὰ δὲ Θέλπουσαν ἐπὶ τὸ ἱερὸν τῆσ Δήμητροσ ὁ Λάδων κάτεισι τὸ ἐν Ὀγκείῳ· καλοῦσι δὲ Ἐρινὺν οἱ Θελπούσιοι τὴν θεόν, ὁμολογεῖ δέ σφισι καὶ Ἀντίμαχοσ ἐπιστρατείαν Ἀργείων ποιήσασ ἐσ Θήβασ· καί οἱ τὸ ἔποσ ἔχει,Δήμητροσ τόθι φασὶν Ἐρινύοσ εἶναι ἔδεθλον. ὁ μὲν δὴ Ὄγκιοσ Ἀπόλλωνόσ ἐστι κατὰ τὴν φήμην καὶ ἐν τῇ Θελπουσίᾳ περὶ τὸ χωρίον ἐδυνάστευε τὸ Ὄγκιον, τῇ θεῷ δὲ Ἐρινὺσ γέγονεν ἐπίκλησισ· πλανωμένῃ γὰρ τῇ Δήμητρι, ἡνίκα τὴν παῖδα ἐζήτει, λέγουσιν ἕπεσθαί οἱ τὸν Ποσειδῶνα ἐπιθυμοῦντα αὐτῇ μιχθῆναι, καὶ τὴν μὲν ἐσ ἵππον μεταβαλοῦσαν ὁμοῦ ταῖσ ἵπποισ νέμεσθαι ταῖσ Ὀγκίου, Ποσειδῶν δὲ συνίησεν ἀπατώμενοσ καὶ συγγίνεται τῇ Δήμητρι ἄρσενι ἵππῳ καὶ αὐτὸσ εἰκασθείσ.

τὸ μὲν δὴ παραυτίκα τὴν Δήμητρα ἐπὶ τῷ συμβάντι ἔχειν ὀργίλωσ, χρόνῳ δὲ ὕστερον τοῦ τε θυμοῦ παύσασθαι καὶ τῷ Λάδωνι ἐθελῆσαί φασιν αὐτὴν λούσασθαι·

ἐπὶ τούτῳ καὶ ἐπικλήσεισ τῇ θεῷ γεγόνασι, τοῦ μηνίματοσ μὲν ἕνεκα Ἐρινύσ, ὅτι τὸ θυμῷ χρῆσθαι καλοῦσιν ἐρινύειν οἱ Ἀρκάδεσ, Λουσία δὲ ἐπὶ τῷ λούσασθαι τῷ Λάδωνι. τὰ δὲ ἀγάλματά ἐστι τὰ <ἐν τῷ> ναῷ ξύλου, πρόσωπα δέ σφισι καὶ χεῖρεσ ἄκραι καὶ πόδεσ εἰσὶ Παρίου λίθου·

τὸ μὲν δὴ τῆσ Ἐρινύοσ τήν τε κίστην καλουμένην ἔχει καὶ ἐν τῇ δεξιᾷ δᾷδα, μέγεθοσ δὲ εἰκάζομεν ἐννέα εἶναι ποδῶν αὐτήν·

ἡ Λουσία δὲ ποδῶν ἓξ ἐφαίνετο εἶναι. ὅσοι δὲ Θέμιδοσ καὶ οὐ Δήμητροσ τῆσ Λουσίασ τὸ ἄγαλμα εἶναι νομίζουσι, μάταια ἴστωσαν ὑπειληφότεσ. τὴν δὲ Δήμητρα τεκεῖν φασιν ἐκ τοῦ Ποσειδῶνοσ θυγατέρα, ἧσ τὸ ὄνομα ἐσ ἀτελέστουσ λέγειν οὐ νομίζουσι, καὶ ἵππον τὸν Ἀρείονα· ἐπὶ τούτῳ δὲ παρὰ σφίσιν Ἀρκάδων πρώτοισ Ἵππιον Ποσειδῶνα ὀνομασθῆναι. ἐπάγονται δὲ ἐξ Ἰλιάδοσ ἔπη καὶ ἐκ Θηβαί̈δοσ μαρτύριά σφισιν εἶναι τῷ λόγῳ, ἐν μὲν Ἰλιάδι ἐσ αὐτὸν Ἀρείονα πεποιῆσθαι, οὐδ’ εἴ κεν μετόπισθεν Ἀρείονα δῖον ἐλαύνοι,Ἀδρήστου ταχὺν ἵππον, ὃσ ἐκ θεόφιν γένοσ ἠε͂ν·

ἐν δὲ τῇ Θηβαί̈δι ὡσ Ἄδραστοσ ἔφευγεν ἐκ Θηβῶνεἵματα λυγρὰ φέρων σὺν Ἀρείονι κυανοχαίτῃ. αἰνίσσεσθαι οὖν ἐθέλουσι τὰ ἔπη Ποσειδῶνα Ἀρείονι εἶναι πατέρα, Ἀντίμαχοσ δὲ παῖδα εἶναι Γῆσ φησιν· Ἄδρηστοσ Ταλαὼ υἱὸσ Κρηθηιάδαοπρώτιστοσ Δαναῶν ἑὼ αἰνέτω ἤλασεν ἵππω,Καιρόν τε κραιπνὸν καὶ Ἀρείονα Θελπουσαῖον,τόν ῥά τ’ Ἀπόλλωνοσ σχεδὸν ἄλσεοσ Ὀγκαίοιοαὐτὴ Γαῖ’ ἀνέδωκε, σέβασ θνητοῖσιν ἰδέσθαι.

δύναιτο δ’ ἂν καὶ ἀναφύντι ἐκ γῆσ τῷ ἵππῳ ἐκ θεοῦ τε εἶναι τὸ γένοσ καὶ αἱ τρίχεσ οἱ τὴν χρόαν ἐοικέναι κυανῷ.

λέγεται δὲ καὶ τοιάδε, Ἡρακλέα πολεμοῦντα Ἠλείοισ αἰτῆσαι παρ’ Ὄγκου τὸν ἵππον καὶ ἑλεῖν τὴν Ἦλιν ἐπὶ τῷ Ἀρείονι ὀχούμενον ἐσ τὰσ μάχασ, δοθῆναι δὲ ὑπὸ Ἡρακλέουσ ὕστερον Ἀδράστῳ τὸν ἵππον. ἐπὶ τούτῳ δὲ ἐσ τὸν Ἀρείονα ἐποίησεν Ἀντίμαχοσ ὅσ ῥά ποτ’ Ἀδρήστῳ τριτάτῳ δέδμηθ’ ὑπ’ ἄνακτι. ὁ δὲ Λάδων τῆσ Ἐρινύοσ τὸ ἱερὸν ἀπολιπὼν ἐν ἀριστερᾷ, παρέξεισιν ἐν ἀριστερᾷ μὲν τοῦ Ἀπόλλωνοσ τοῦ Ὀγκαιάτου τὸν ναόν, τὰ δὲ ἐν δεξιᾷ παρὰ Ἀσκληπιοῦ Παιδὸσ ἱερόν, ἔνθα Τρυγόνοσ μνῆμά ἐστι τροφοῦ·

τροφὸν δὲ Ἀσκληπιοῦ τὴν Τρυγόνα εἶναι λέγουσιν· ἐν γὰρ τῇ Θελπούσῃ τῷ Ἀσκληπιῷ παιδὶ ἐκκειμένῳ φασὶν ἐπιτυχόντα Αὐτόλαον Ἀρκάδοσ υἱὸν νόθον ἀνελέσθαι τὸ παιδίον, καὶ ἐπὶ τούτῳ παῖδα Ἀσκληπιὸν εἰκότα εἶναι μᾶλλον ἡγούμην, ὃ καὶ ἐδήλωσα ἐν τοῖσ Ἐπιδαυρίων. ἔστι δὲ Τουθόα ποταμόσ·

ἐμβάλλει δὲ ἐσ τὸν Λάδωνα καὶ ἡ Τουθόα κατὰ τὸν Θελπουσίων ὁρ́ον πρὸσ Ἡραιεῖσ, καλούμενον δὲ ὑπὸ Ἀρκάδων Πεδίον. καθότι δὲ αὐτὸσ ὁ Λάδων ἐκδίδωσιν ἐσ τὸν Ἀλφειόν, Κοράκων ὠνόμασται νᾶσοσ. Λάδωνι ὑπὸ ἀνθρώπων οἰκουμένασ, ἃ οἱ πεπιστευκότεσ μάταια ἴστωσαν·

οὐ γὰρ ἄν ποτε οὐδὲ νηὶ παρισουμένασ πορθμίδι παράσχοιτο ὁ Λάδων νήσουσ.

κάλλουσ μὲν γὰρ ἕνεκα οὐδενὸσ ποταμῶν δεύτεροσ οὔτε τῶν βαρβαρικῶν ἐστιν οὔτε Ἕλληνοσ, μέγεθοσ δὲ οὐ τοσοῦτοσ ὡσ ἐν αὐτῷ καὶ νήσουσ ἀναφαίνεσθαι καθάπερ ἐν Ἴστρῳ τε καὶ Ἠριδανῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 25

(파우사니아스, Description of Greece, Ἀρκαδικά, chapter 25)

상위

목록

SEARCH

MENU NAVIGATION