헬라어 문장 검색 - Παυσαν́Δεσξριπ́8́23́

(파우사니아스, Description of Greece, Ἀρκαδικά, chapter 23)

μετὰ δὲ Στύμφαλόν ἐστιν Ἀλέα, συνεδρίου μὲν τοῦ Ἀργολικοῦ μετέχουσα καὶ αὕτη, Ἄλεον δὲ τὸν Ἀφείδαντοσ γενέσθαι σφίσιν ἀποφαίνουσιν οἰκιστήν. θεῶν δὲ ἱερὰ αὐτόθι Ἀρτέμιδόσ ἐστιν Ἐφεσίασ καὶ Ἀθηνᾶσ Ἀλέασ, καὶ Διονύσου ναὸσ καὶ ἄγαλμα. τούτῳ παρὰ ἔτοσ Σκιέρεια ἑορτὴν ἄγουσι, καὶ ἐν Διονύσου τῇ ἑορτῇ κατὰ μάντευμα ἐκ Δελφῶν μαστιγοῦνται γυναῖκεσ, καθὰ καὶ οἱ Σπαρτιατῶν ἔφηβοι παρὰ τῇ Ὀρθίᾳ. ἐδήλωσα δὲ ἐν τῷ λόγῳ τῷ ἐσ Ὀρχομενίουσ ὡσ πρῶτα μὲν παρὰ τὴν χαράδραν ἐστὶν <ἡ> εὐθεῖα, τὸ ἀπὸ τούτου δὲ ἐν ἀριστερᾷ τοῦ ὕδατοσ τοῦ λιμνάζοντοσ.

ἐν δὲ τῷ πεδίῳ τῷ Καφυῶν πεποίηται γῆσ χῶμα, δι’ οὗ ἀπείργεται τὸ ὕδωρ τὸ ἐκ τῆσ Ὀρχομενίασ μὴ εἶναι Καφυεῦσιν βλάβοσ τῇ ἐνεργῷ.

κατὰ δὲ τὸ ἐντὸσ τοῦ χώματοσ παρέξεισιν ὕδωρ ἄλλο, πλήθει μὲν ὅσον τε εἶναι ποταμόν, κατερχόμενον δὲ ἐσ χάσμα γῆσ ἄνεισιν αὖθισ παρὰ Νάσουσ καλουμένασ· τὸ δὲ χωρίον ἔνθα ἄνεισιν ὀνομάζεται Ῥεῦνοσ· ἀνατείλαντοσ δὲ ἐνταῦθα, τὸ ὕδωρ τὸ ἀπὸ τούτου παρέχεται ποταμὸν ἀέναον Τράγον. τὸ δὲ ὄνομά ἐστι μὲν δῆλον ἀπὸ Κηφέωσ τοῦ Ἀλέου τῇ πόλει γεγονόσ, ὀνομάζεσθαι δὲ αὐτὴν φωνῇ τῇ Ἀρκάδων Καφυὰσ ἐκνενίκηκε.

φασὶ δὲ οἱ Καφυεῖσ τὰ ἄνωθεν ἐκ τῆσ Ἀττικῆσ εἶναι χώρασ, ἐκβληθέντεσ δὲ ὑπὸ Αἰγέωσ ἐξ Ἀθηνῶν ἐσ Ἀρκαδίαν φυγεῖν καὶ ἱκέται γενόμενοι Κηφέωσ οἰκῆσαι ἐνταῦθα. τὸ μὲν δὴ πόλισμα ἐπὶ τοῦ πεδίου τῷ πέρατι ὀρῶν οὐκ ἄγαν ὑψηλῶν παρὰ τοῖσ ποσίν ἐστι· Καφυάταισ δὲ ἱερὰ θεῶν Ποσειδῶνόσ ἐστι καὶ ἐπίκλησιν Κνακαλησίασ Ἀρτέμιδοσ. ἔστι δὲ αὐτοῖσ καὶ ὄροσ Κνάκαλοσ, ἔνθα ἐπέτειον τελετὴν ἄγουσι τῇ Ἀρτέμιδι.

ὀλίγον δὲ ὑπὲρ τὴν πόλιν πηγή τέ ἐστι καὶ ἐπὶ τῇ πηγῇ πλάτανοσ μεγάλη καὶ εὐειδὴσ πέφυκε· καλοῦσι δὲ αὐτὴν Μενελαί̈δα, Μενέλαον γὰρ στρατὸν ἀθροίζοντα ἐσ Τροίαν ἀφικέσθαι τε ἐνταῦθα καὶ ἐπὶ τῇ πηγῇ τὴν πλάτανον φυτεῦσαι λέγοντεσ· ἐφ’ ἡμῶν δὲ καὶ τὴν πηγὴν κατὰ ταὐτὰ τῇ πλατάνῳ καλοῦσι Μενελαί̈δα. εἰ δὲ Ἑλλήνων τοῖσ λόγοισ ἑπόμενον καταριθμήσασθαι δεῖ με ὁπόσα δένδρα σῶα ἔτι καὶ τεθηλότα λείπεται, πρεσβύτατον μὲν ἡ λύγοσ ἐστὶν αὐτῶν ἡ ἐν τῷ Σαμίων πεφυκυῖα ἱερῷ Ἥρασ, μετὰ δὲ αὐτὴν ἡ ἐν Δωδώνῃ δρῦσ καὶ ἐλαία τε ἡ ἐν ἀκροπόλει καὶ ἡ παρὰ Δηλίοισ·

τρίτα δὲ ἕνεκα ἀρχαιότητοσ νέμοιεν ἂν τῇ δάφνῃ τῇ παρὰ σφίσιν οἱ Σύροι·

τῶν δὲ ἄλλων ἡ πλάτανόσ ἐστιν αὕτη παλαιότατον. Καφυῶν δὲ ἀφέστηκεν ὅσον στάδιον Κονδυλέα χωρίον, καὶ Ἀρτέμιδοσ ἄλσοσ καὶ ναόσ ἐστιν ἐνταῦθα καλουμένησ Κονδυλεάτιδοσ τὸ ἀρχαῖον·

μετονομασθῆναι δὲ ἐπὶ αἰτίᾳ τὴν θεόν φασι τοιαύτῃ. παιδία περὶ τὸ ἱερὸν παίζοντα ‐ ἀριθμὸν δὲ αὐτῶν οὐ μνημονεύουσιν ‐ ἐπέτυχε καλῳδίῳ, δήσαντα δὲ τὸ καλῴδιον τοῦ ἀγάλματοσ περὶ τὸν τράχηλον ἐπέλεγεν ὡσ ἀπάγχοιτο ἡ Ἄρτεμισ. φωράσαντεσ δὲ οἱ Καφυεῖσ τὰ ποιηθέντα ὑπὸ τῶν παιδίων καταλεύουσιν αὐτά·

καί σφισι ταῦτα ἐργασαμένοισ ἐσέπεσεν ἐσ τὰσ γυναῖκασ νόσοσ, τὰ ἐν τῇ γαστρὶ πρὸ τοκετοῦ τεθνεῶτα ἐκβάλλεσθαι, ἐσ ὃ ἡ Πυθία θάψαι τε τὰ παιδία ἀνεῖπε καὶ ἐναγίζειν αὐτοῖσ κατὰ ἔτοσ· ἀποθανεῖν γὰρ αὐτὰ οὐ σὺν δίκῃ. Καφυεῖσ δὲ ποιοῦσι τά τε ἄλλα ἔτι καὶ νῦν κατ’ ἐκεῖνο τὸ μάντευμα καὶ τὴν ἐν ταῖσ Κονδυλέαισ θεὸν ‐ προσεῖναι γὰρ καὶ τόδε ἔτι τῷ χρησμῷ φασι ‐ καλοῦσιν Ἀπαγχομένην ἐξ ἐκείνου. ἀνελθὼν δὲ ἐκ Καφυῶν ὅσον σταδίουσ ἑπτὰ ἐπὶ Νάσουσ καλουμένασ καταβήσῃ·

πεντήκοντα δὲ προελθόντι αὐτόθεν σταδίουσ ἐστὶν ὁ Λάδων. Ἀργεαθῶν καὶ Λυκούντων καλουμένων καὶ Σκοτάνησ.

ἄγει μὲν δὴ ὁ Σόρων τὴν ἐπὶ Ψωφῖδοσ·

θηρία δὲ οὗτόσ τε καὶ ὅσοι δρυμοὶ τοῖσ Ἀρκάσιν εἰσὶν ἄλλοι παρέχονται τοσάδε, ἀγρίουσ ὗσ καὶ ἄρκτουσ καὶ χελώνασ μεγίστασ μεγέθει· λύρασ ἂν ποιήσαιο ἐξ αὐτῶν χελώνησ Ἰνδικῆσ λύρᾳ παρισουμένασ. τοῦ Σόρωνοσ δὲ πρὸσ τοῖσ πέρασιν ἔστι μὲν Πάου κώμησ ἐρείπια, εἰσὶ δὲ οὐ πολὺ ἀπωτέρω <αἱ> καλούμεναι Σεῖραι· ὁρ́οι δὲ Κλειτορίοισ τῆσ χώρασ πρὸσ Ψωφιδίουσ εἰσὶν αἱ Σεῖραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 23

(파우사니아스, Description of Greece, Ἀρκαδικά, chapter 23)

상위

목록

SEARCH

MENU NAVIGATION