헬라어 문장 검색 - Παυσαν́Δεσξριπ́8́18́

(파우사니아스, Description of Greece, Ἀρκαδικά, chapter 18)

εἶναι δὲ τὴν Στύγα Ἡσίοδοσ μὲν ἐν Θεογονίᾳ πεποίηκεν ‐ Ἡσιόδου γὰρ δὴ ἔπη τὴν Θεογονίαν εἰσὶν οἳ νομίζουσι ‐ , πεποιημένα οὖν ἐστιν ἐνταῦθα Ὠκεανοῦ θυγατέρα τὴν Στύγα, γυναῖκα δὲ αὐτὴν εἶναι Πάλλαντοσ. ἐοικότα δὲ πεποιηκέναι τούτοισ καὶ Λίνον φασίν· ἐμοὶ δὲ ἐπιλεγομένῳ παντάπασιν ἐφαίνετο ταῦτά γε εἶναι κίβδηλα. Ἐπιμενίδησ δὲ ὁ Κρὴσ εἶναι μὲν καὶ οὗτοσ θυγατέρα Ὠκεανοῦ τὴν Στύγα ἐποίησε, συνοικεῖν δὲ αὐτὴν οὐ Πάλλαντι, ἀλλὰ ἐκ Πείραντοσ Ἔχιδναν τεκεῖν, ὅστισ δὴ ὁ Πείρασ ἐστί.

μάλιστα δὲ τῆσ Στυγὸσ τὸ ὄνομα ἐσ τὴν ποίησιν ἐπεισηγάγετο Ὅμηροσ. ἐν μέν γε Ἥρασ ἐποίησεν ὁρ́κῳ ἴστω νῦν τόδε γαῖα καὶ οὐρανὸσ εὐρὺσ ὕπερθενκαὶ τὸ κατειβόμενον Στυγὸσ ὕδωρ· ταῦτα μὲν δὴ ἐποίησεν ὡσ ἂν ἰδὼν ἐσ τὸ ὕδωρ τῆσ Στυγὸσ στάζον· βούλεται δὲ καὶ ἐν καταλόγῳ τῶν μετὰ Γουνέωσ Τιταρησίῳ ποταμῷ ῥεῖν τὸ ὕδωρ ἀπὸ τῆσ Στυγόσ. ἐποίησε δὲ καὶ ἐν Αἵδου ὕδωρ εἶναι, καὶ Ἀθηνᾶ τὸν Δία οὐ μεμνῆσθαί φησιν ὅτι δι’ αὐτῆσ Ἡρακλέα ἔσωζεν ἐκ τῶν Εὐρυσθέωσ ἄθλων·

εἰ γὰρ ἐγὼ τόδε ᾔδη ἐνὶ φρεσὶ πευκαλίμῃσιν,εὖτέ μιν εἰσ Αἴδαο πυλάρταο προὔπεμψενἐξ Ἐρέβευσ ἄξοντα κύνα στυγεροῦ Αἴδαο,οὐκ ἂν ὑπεξέφυγε Στυγὸσ ὕδατοσ αἰπὰ ῥέεθρα. τὸ δὲ ὕδωρ τὸ ἀπὸ τοῦ κρημνοῦ τοῦ παρὰ τὴν Νώνακριν στάζον ἐσπίπτει μὲν πρῶτον ἐσ πέτραν ὑψηλήν, διεξελθὸν δὲ διὰ τῆσ πέτρασ ἐσ τὸν Κρᾶθιν ποταμὸν κάτεισι·

θάνατον δὲ τὸ ὕδωρ φέρει τοῦτο καὶ ἀνθρώπῳ καὶ ἄλλῳ ζῴῳ παντί.

λέγεται δὲ ὅτι γένοιτό ποτε ὄλεθροσ ἀπ’ αὐτοῦ καὶ αἰξίν, αἳ τοῦ ὕδατοσ ἔπιον πρῶτον· χρόνῳ δὲ ὕστερον ἐγνώσθη καὶ εἰ δή τι ἄλλο πρόσεστι τῷ ὕδατι τῶν ἐσ θαῦμα ἡκόντων. ὑάλοσ μέν γε καὶ κρύσταλλοσ καὶ μόρρια καὶ ὅσα ἐστὶν ἀνθρώποισ ἄλλα λίθου ποιούμενα καὶ τῶν σκευῶν τὰ κεραμεᾶ, τὰ μὲν ὑπὸ τῆσ Στυγὸσ τοῦ ὕδατοσ ῥήγνυται·

κεράτινα δὲ καὶ ὀστέινα σίδηρόσ τε καὶ χαλκόσ, ἔτι δὲ μόλιβδόσ τε καὶ κασσίτεροσ καὶ ἄργυροσ καὶ τὸ ἤλεκτρον ὑπὸ τούτου σήπεται τοῦ ὕδατοσ. τὸ δὲ αὐτὸ ἐν μετάλλοισ τοῖσ πᾶσι καὶ ὁ χρυσὸσ πέπονθε· καίτοι γε καθαρεύειν γε τὸν χρυσὸν ἀπὸ τοῦ ἰοῦ ἥ τε ποιήτρια μάρτυσ ἐστὶν ἡ Λεσβία καὶ αὐτὸσ ὁ χρυσὸσ ἐπιδείκνυσιν. ἔδωκε δὲ ἄρα ὁ θεὸσ τοῖσ μάλιστα ἀπερριμμένοισ κρατεῖν τῶν ὑπερηρκότων τῇ δόξῃ.

τοῦτο μὲν γὰρ τὰ μάργαρα ἀπόλλυσθαι πέφυκεν ὑπὸ τοῦ ὄξουσ, τοῦτο δὲ τὸν ἀδάμαντα λίθων ὄντα ἰσχυρότατον τοῦ τράγου κατατήκει τὸ αἷμα· καὶ δὴ καὶ τὸ ὕδωρ οὐ δύναται τῆσ Στυγὸσ ὁπλὴν ἵππου βιάσασθαι μόνην, ἀλλὰ ἐμβληθὲν κατέχεταί τε ὑπ’ αὐτῆσ καὶ οὐ διεργάζεται τὴν ὁπλήν. εἰ δὲ καὶ Ἀλεξάνδρου τοῦ Φιλίππου συνέβη τὴν τελευτὴν διὰ τοῦ φαρμάκου γενέσθαι τούτου, σαφῶσ μὲν οὐκ οἶδα, λεγόμενον δὲ οἶδα. ὑπὲρ δὲ τὴν Νώνακριν ὄρη τε καλούμενα Ἀροάνια καὶ σπήλαιόν ἐστιν ἐν αὐτοῖσ.

ἐσ τοῦτο ἀναφυγεῖν τὸ σπήλαιον τὰσ θυγατέρασ τὰσ Προίτου μανείσασ λέγουσιν, ἃσ ὁ Μελάμπουσ θυσίαισ τε ἀπορρήτοισ καὶ καθαρμοῖσ κατήγαγεν ἐσ χωρίον καλούμενον Λουσούσ. τοῦ μὲν δὴ ὄρουσ τῶν Ἀροανίων Φενεᾶται τὰ πολλὰ ἐνέμοντο· οἱ δὲ ἐν ὁρ́οισ ἤδη Κλειτορίων εἰσὶν οἱ Λουσοί.

πόλιν μὲν δή ποτε εἶναι λέγουσι τοὺσ Λουσούσ, καὶ Ἀγησίλασ ἀνὴρ Λουσεὺσ ἀνηγορεύθη κέλητι ἵππῳ νικῶν, ὅτε πρώτην ἐπὶ ταῖσ δέκα ἐτίθεσαν πυθιάδα Ἀμφικτύονεσ·

τὰ δὲ ἐφ’ ἡμῶν οὐδὲ ἐρείπια ἔτι λειπόμενα ἦν Λουσῶν. τὰσ δ’ οὖν θυγατέρασ τοῦ Προίτου κατήγαγεν ὁ Μελάμπουσ ἐσ τοὺσ Λουσοὺσ καὶ ἠκέσατο τῆσ μανίασ ἐν Ἀρτέμιδοσ ἱερῷ· καὶ ἀπ’ ἐκείνου τὴν Ἄρτεμιν ταύτην Ἡμερασίαν καλοῦσιν οἱ Κλειτόριοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 18

(파우사니아스, Description of Greece, Ἀρκαδικά, chapter 18)

상위

목록

SEARCH

MENU NAVIGATION