헬라어 문장 검색 - Παυσαν́Δεσξριπ́8́15́

(파우사니아스, Description of Greece, Ἀρκαδικά, chapter 15)

Φενεάταισ δὲ καὶ Δήμητρόσ ἐστιν ἱερὸν ἐπίκλησιν Ἐλευσινίασ, καὶ ἄγουσι τῇ θεῷ τελετήν, τὰ Ἐλευσῖνι δρώμενα καὶ παρὰ σφίσι τὰ αὐτὰ φάσκοντεσ καθεστηκέναι· ἀφικέσθαι γὰρ αὐτοῖσ Ναὸν κατὰ μάντευμα ἐκ Δελφῶν, τρίτον δὲ ἀπόγονον Εὐμόλπου τοῦτον εἶναι τὸν Ναόν. παρὰ δὲ τῆσ Ἐλευσινίασ τὸ ἱερὸν πεποίηται Πέτρωμα καλούμενον, λίθοι δύο ἡρμοσμένοι πρὸσ ἀλλήλουσ μεγάλοι. ἄγοντεσ δὲ παρὰ ἔτοσ ἥντινα τελετὴν μείζονα ὀνομάζουσι, τοὺσ λίθουσ τούτουσ τηνικαῦτα ἀνοίγουσι·

λαβόντεσ <δὲ> γράμματα ἐξ αὐτῶν ἔχοντα ἐσ τὴν τελετὴν καὶ ἀναγνόντεσ <ἐσ> ἐπήκοον τῶν μυστῶν, κατέθεντο ἐν νυκτὶ αὖθισ τῇ αὐτῇ. Φενεατῶν δὲ οἶδα τοὺσ πολλοὺσ καὶ ὀμνύντασ ὑπὲρ μεγίστων τῷ Πετρώματι. καὶ ἐπίθημα ἐπ’ αὐτῷ περιφερέσ ἐστιν, ἔχον ἐντὸσ Δήμητροσ πρόσωπον Κιδαρίασ·

τοῦτο ὁ ἱερεὺσ περιθέμενοσ τὸ πρόσωπον ἐν τῇ μείζονι καλουμένῃ τελετῇ ῥάβδοισ κατὰ λόγον δή τινα τοὺσ ὑποχθονίουσ παίει. Φενεατῶν δέ ἐστι λόγοσ, καὶ πρὶν ἢ Ναὸν ἀφικέσθαι γὰρ καὶ ἐνταῦθα Δήμητρα πλανωμένην·

ὅσοι δὲ Φενεατῶν οἴκῳ τε καὶ ξενίοισ ἐδέξαντο αὐτήν, τούτοισ τὰ ὄσπρια ἡ θεὸσ τὰ ἄλλα, κύαμον δὲ οὐκ ἔδωκέ σφισι. κύαμον μὲν οὖν ἐφ’ ὅτῳ μὴ καθαρὸν εἶναι νομίζουσιν ὄσπριον, ἔστιν ἱερὸσ ἐπ’ αὐτῷ λόγοσ·

οἱ δὲ τῷ Φενεατῶν λόγῳ δεξάμενοι τὴν θεόν, Τρισαύλησ καὶ Δαμιθάλησ, ἐποιήσαντο μὲν Δήμητροσ ναὸν Θεσμίασ ὑπὸ τῷ ὄρει τῇ Κυλλήνῃ, κατεστήσαντο δὲ αὐτῇ καὶ τελετήν, ἥντινα καὶ νῦν ἄγουσιν. ὁ δὲ ναὸσ οὗτοσ τῆσ Θεσμίασ σταδίουσ πέντε μάλιστά που καὶ δέκα ἐστὶν ἀπωτέρω τῆσ πόλεωσ. ἐσ δὲ Πελλήνην ἐκ Φενεοῦ καὶ ἐσ Αἴγειραν ἰόντι Ἀχαιῶν πόλιν, πέντε που προεληλυθότι καὶ δέκα σταδίουσ, Ἀπόλλωνόσ ἐστι Πυθίου ναόσ·

ἐρείπια δὲ ἐλείπετο αὐτοῦ μόνα καὶ βωμὸσ μέγασ λίθου λευκοῦ. ἐνταῦθα ἔτι καὶ νῦν Ἀπόλλωνι Φενεᾶται καὶ Ἀρτέμιδι θύουσιν, Ἡρακλέα ἑλόντα Ἦλιν τὸ ἱερὸν λέγοντεσ ποιῆσαι. ἔστι δὲ αὐτόθι καὶ ἡρώων μνήματα, ὅσοι σὺν Ἡρακλεῖ στρατείασ ἐπὶ Ἠλείουσ μετασχόντεσ οὐκ ἀπεσώθησαν οἴκαδε ἐκ τῆσ μάχησ. τέθαπται δὲ Τελαμὼν ἐγγύτατα τοῦ ποταμοῦ τοῦ Ἀροανίου, ἀπωτέρω μικρὸν ἢ ἔστι τὸ ἱερὸν τοῦ Ἀπόλλωνοσ, Χαλκώδων δὲ οὐ πόρρω κρήνησ καλουμένησ Οἰνόησ.

τὸν μὲν δὴ Ἐλεφήνοροσ τοῦ Εὐβοεῦσιν ἐσ Ἴλιον ἡγησαμένου καὶ τὸν Αἰάντόσ τε καὶ Τεύκρου, τούτων μὲν τοὺσ πατέρασ οὐκ ἀποδέξαιτο ἄν τισ ἐν τούτῳ πεσεῖν τῷ ἀγῶνι· πῶσ μὲν γὰρ <ἂν> συνεπελάβετο Ἡρακλεῖ τοῦ ἔργου Χαλκώδων, ὃν πρότερον ἔτι ἀποκτεῖναι Ἀμφιτρύωνα καὶ μαρτυρεῖται καὶ πιστεύειν ἄξιά ἐστιν ἐν Θήβαισ;

πῶσ δὲ Τεῦκροσ ᾤκισεν ἂν Σαλαμῖνα ἐν Κύπρῳ πόλιν, μηδενὸσ ὡσ ἀνέστρεψεν ἐκ Τροίασ ἐκβαλόντοσ ἐκ τῆσ οἰκείασ;

τίσ δ’ ἂν ἐξήλασεν ἄλλοσ πλὴν ὁ Τελαμὼν αὐτόν; δῆλα οὖν ἐστι Χαλκώδοντα οὐ τὸν ἐξ Εὐβοίασ καὶ Τελαμῶνα οὐ τὸν Αἰγινήτην ἐπὶ Ἠλείουσ Ἡρακλεῖ μετεσχηκέναι τῆσ στρατείασ· ὁμώνυμοι δὲ ἐπιφανέσιν ἄνδρεσ ἀφανέστεροι καὶ ἐφ’ ἡμῶν ἔτι καὶ τὸν ἅπαντα ἐγίνοντο ὁμοίωσ χρόνον. Φενεάταισ δὲ πρὸσ τὸ Ἀχαϊκὸν τὸ ὅμορον οὐ καθ’ ἓν ὁρ́οι τῆσ γῆσ εἰσιν, ἀλλὰ πρὸσ μὲν Πελλήνην ὁ καλούμενοσ Πωρίνασ, πρὸσ δὲ τὴν Αἰγειρᾶτιν τὸ ἐπ’ Ἄρτεμιν.

ἐν δὲ αὐτῶν Φενεατῶν τῇ χώρᾳ μετὰ τὸ ἱερὸν τοῦ Ἀπόλλωνοσ τοῦ Πυθίου προήξεισ τε οὐκ ἐπὶ πολὺ καὶ ἐντὸσ ἔσῃ τῆσ ὁδοῦ τῆσ ἐπὶ τὸ ὄροσ ἀγούσησ τὴν Κρᾶθιν. ἐν τούτῳ τῷ ὄρει τοῦ ποταμοῦ τοῦ Κράθιδόσ εἰσιν αἱ πηγαί·

ῥεῖ δὲ ἐσ θάλασσαν παρὰ Αἰγάσ, ἔρημον τὰ ἐπ’ ἐμοῦ χωρίον, τὰ δὲ παλαιότερα Ἀχαιῶν πόλιν. ἀπὸ τούτου δὲ καλεῖται τοῦ Κράθιδοσ καὶ ἐν Ἰταλίᾳ ποταμὸσ ἐν γῇ τῇ Βρεττίων· ἐν δὲ τῇ Κράθιδι τῷ ὄρει Πυρωνίασ ἱερόν ἐστιν Ἀρτέμιδοσ, καὶ τὰ ἔτι ἀρχαιότερα παρὰ τῆσ θεοῦ ταύτησ ἐπήγοντο Ἀργεῖοι πῦρ ἐσ τὰ Λερναῖα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 15

(파우사니아스, Description of Greece, Ἀρκαδικά, chapter 15)

상위

목록

SEARCH

MENU NAVIGATION