헬라어 문장 검색 - Παυσαν́Δεσξριπ́8́11́

(파우사니아스, Description of Greece, Ἀρκαδικά, chapter 11)

μετὰ δὲ τὸ ἱερὸν τοῦ Ποσειδῶνοσ χωρίον ὑποδέξεταί σε δρυῶν πλῆρεσ, καλούμενον Πέλαγοσ, καὶ ἐκ Μαντινείασ ἡ ἐσ Τεγέαν ὁδὸσ φέρει διὰ τῶν δρυῶν. Μαντινεῦσι δὲ ὁρ́οι πρὸσ Τεγεάτασ εἰσὶν ὁ περιφερὴσ ἐν τῇ λεωφόρῳ βωμόσ. εἰ δὲ ἀπὸ τοῦ ἱεροῦ τοῦ Ποσειδῶνοσ ἐσ ἀριστερὰν ἐκτραπῆναι θελήσειασ, σταδίουσ τε ἥξεισ μάλιστά που πέντε καὶ ἐπὶ τῶν Πελίου θυγατέρων ἀφίξῃ τοὺσ τάφουσ· ταύτασ φασὶν οἱ Μαντινεῖσ μετοικῆσαι <παρὰ> σφᾶσ, τὰ ἐπὶ τῷ θανάτῳ τοῦ πατρὸσ ὀνείδη φευγούσασ. ὡσ γὰρ δὴ ἀφίκετο ἡ Μήδεια ἐσ Ιὠλκόν, αὐτίκα ἐπεβούλευε τῷ Πελίᾳ, τῷ ἔργῳ μὲν συμπράσσουσα τῷ Ιἄσονι, τῷ λόγῳ δὲ ἀπεχθανομένη.

ἐπαγγέλλεται τοῦ Πελίου ταῖσ θυγατράσιν ὡσ τὸν πατέρα αὐταῖσ, ἢν ἐθέλωσιν, ἀποφανοῖ νέον ἀντὶ γέροντοσ παλαιοῦ· κατασφάξασα δὲ ὅτῳ <δὴ> τρόπῳ κριὸν τὰ κρέα ὁμοῦ φαρμάκοισ ἐν λέβητι ἥψησεν, οἷσ ἐκ τοῦ λέβητοσ τὸν κριὸν τὸν ἑψόμενον ἄρνα ἐξήγαγε ζῶντα· παραλαμβάνει τε δὴ τὸν Πελίαν κατακόψασα ἑψῆσαι, καὶ αὐτὸν ἐκομίσαντο αἱ θυγατέρεσ οὐδὲ ἐσ ταφὴν ἔτι ἐπιτήδειον.

τοῦτο ἠνάγκασε τὰσ γυναῖκασ ἐσ Ἀρκαδίαν μετοικῆσαι, καὶ ἀποθανούσαισ τὰ μνήματα ἐχώσθη σφίσιν αὐτοῦ· ὀνόματα δὲ αὐταῖσ ποιητὴσ μὲν ἔθετο οὐδείσ, ὅσα γε ἐπελεξάμεθα ἡμεῖσ, Μίκων δὲ ὁ ζωγράφοσ Ἀστερόπειάν τε εἶναι καὶ Ἀντινόην ἐπὶ ταῖσ εἰκόσιν αὐτῶν ἐπέγραψεν. χωρίον δὲ ὀνομαζόμενον Φοίζων περὶ εἴκοσί που σταδίουσ τῶν τάφων ἐστὶν ἀπωτέρω τούτων·

<ὁ> δὲ Φοίζων μνῆμά ἐστι λίθου περιεχόμενον κρηπῖδι, ἀνέχον δὲ οὐ πολὺ ὑπὲρ τῆσ γῆσ. κατὰ τοῦτο ἥ τε ὁδὸσ μάλιστα στενὴ γίνεται καὶ τὸ μνῆμα Ἀρηιθόου λέγουσιν εἶναι, Κορυνήτου διὰ τὸ ὅπλον ἐπονομασθέντοσ. κατὰ δὲ τὴν ἐσ Παλλάντιον ἐκ Μαντινείασ ἄγουσαν προελθόντι ὡσ τριάκοντά που σταδίουσ, παρήκει κατὰ τοῦτο ἐσ τὴν λεωφόρον ὁ τοῦ Πελάγουσ καλουμένου δρυμόσ, καὶ τὰ ἱππικὰ τὸ Ἀθηναίων τε καὶ Μαντινέων ἐνταῦθα ἐμαχέσαντο ἐναντία τῆσ Βοιωτίασ ἵππου.

Ἐπαμινώνδαν δὲ ἀποθανεῖν Μαντινεῖσ μὲν ὑπὸ Μαχαιρίωνοσ Μαντινέωσ φασὶν ἀνδρόσ· ὡσαύτωσ δὲ καὶ Λακεδαιμόνιοι Σπαρτιάτην λέγουσιν εἶναι τὸν ἀποκτείναντα Ἐπαμινώνδαν, τίθενται δὲ Μαχαιρίωνα ὄνομα καὶ οὗτοι τῷ ἀνδρί. ὁ δὲ Ἀθηναίων ἔχει λόγοσ ‐ ὁμολογοῦσι δὲ αὐτῷ καὶ Θηβαῖοι ‐ τρωθῆναι τὸν Ἐπαμινώνδαν ὑπὸ Γρύλου·

παραπλήσια δέ σφισίν ἐστι καὶ τὰ ἐν τῇ γραφῇ <τῇ> τὸ ἔργον ἐχούσῃ τὸ ἐν Μαντινείᾳ. φαίνονται δὲ οἱ Μαντινεῖσ Γρύλον μὲν δημοσίᾳ τε θάψαντεσ καὶ ἔνθα ἔπεσεν ἀναθέντεσ εἰκόνα ἐπὶ στήλησ ὡσ ἀνδρὸσ ἀρίστου τῶν συμμάχων· Μαχαιρίωνα δὲ λόγῳ μὲν καὶ αὐτοὶ <καὶ> οἱ Λακεδαιμόνιοι λέγουσιν, ἔργῳ δὲ οὔτε ἐν Σπάρτῃ Μαχαιρίων ἐστὶν οὐδείσ, οὐ μὴν οὐδὲ παρὰ Μαντινεῦσιν, ὅτῳ γεγόνασιν ὡσ ἀνδρὶ ἀγαθῷ τιμαί. ὡσ δὲ ἐτέτρωτο <ὁ> Ἐπαμινώνδασ, ἐκκομίζουσιν ἔτι ζῶντα ἐκ τῆσ παρατάξεωσ αὐτόν·

ὁ δὲ τέωσ μὲν τὴν χεῖρα ἔχων ἐπὶ τῷ τραύματι ἐταλαιπώρει καὶ ἐσ τοὺσ μαχομένουσ ἀφεώρα ‐ ὁπόθεν δὲ ἀπέβλεπεν ἐσ αὐτούσ, ὠνόμαζον Σκοπὴν οἱ ἔπειτα ‐ , λαβόντοσ δὲ ἴσον τοῦ ἀγῶνοσ πέρασ, οὕτω τὴν χεῖρα ἀπέσχεν ἀπὸ τοῦ τραύματοσ· καὶ αὐτὸν ἀφέντα τὴν ψυχὴν ἔθαψαν ἔνθα σφίσιν ἐγένετο ἡ συμβολή.

τῷ τάφῳ δὲ κίων τε ἐφέστηκε καὶ ἀσπὶσ ἐπ’ αὐτῷ δράκοντα ἔχουσα ἐπειργασμένον·

ὁ μὲν δὴ δράκων ἐθέλει σημαίνειν γένουσ τῶν Σπαρτῶν καλουμένων εἶναι τὸν Ἐπαμινώνδαν, στῆλαι δέ εἰσιν ἐπὶ τῷ μνήματι, ἡ μὲν ἀρχαία καὶ ἐπίγραμμα ἔχουσα Βοιώτιον, τὴν δὲ αὐτήν τε ἀνέθηκεν Ἀδριανὸσ βασιλεὺσ καὶ ἐποίησε τὸ ἐπίγραμμα τὸ ἐπ’ αὐτῇ. τὸν δὲ Ἐπαμινώνδαν τῶν παρ’ Ἕλλησι στρατηγίασ ἕνεκα εὐδοκιμησάντων μάλιστα ἐπαινέσαι τισ ἂν ἢ ὕστερόν γε οὐδενὸσ ποιήσαιτο·

Λακεδαιμονίων μὲν γὰρ καὶ Ἀθηναίων τοῖσ ἡγεμόσι πόλεών τε ἀξίωμα ὑπῆρχεν ἐκ παλαιοῦ καὶ οἱ στρατιῶται φρονήματόσ τι ἦσαν ἔχοντεσ, Θηβαίουσ δὲ Ἐπαμινώνδασ ἀθύμουσ τὰσ γνώμασ καὶ ἄλλων ἀκούειν εἰωθότασ ἀπέφηνεν <ἐν> οὐ πολλῷ πρωτεύοντασ. ἐγεγόνει δὲ τῷ Ἐπαμινώνδᾳ μαντεία πρότερον ἔτι ἐκ Δελφῶν πέλαγοσ αὐτὸν φυλάσσεσθαι·

καὶ ὁ μὲν τριήρουσ τε μὴ ἐπιβῆναι μηδὲ ἐπὶ νεὼσ φορτίδοσ πλεῦσαι δεῖμα εἶχε, τῷ δὲ ἄρα Πέλαγοσ δρυμὸν καὶ οὐ θάλασσαν προέλεγεν ὁ δαίμων. χωρία δὲ τὰ ὁμώνυμα καὶ Ἀννίβαν ὕστερον τὸν Καρχηδόνιον καὶ πρότερον ἔτι Ἀθηναίουσ ἠπάτησεν. Ἀννίβᾳ γὰρ χρησμὸσ ἀφίκετο παρὰ Ἄμμωνοσ ὡσ ἀποθανὼν γῇ καλυφθήσεται τῇ Λιβύσσῃ.

ὁ μὲν δὴ ἤλπιζεν ἀρχήν τε τὴν Ῥωμαίων καθαιρήσειν καὶ οἴκαδε ἐσ τὴν Λιβύην ἐπανελθὼν τελευτήσειν γήρᾳ τὸν βίον. Φλαμινίου δὲ τοῦ Ῥωμαίου ποιουμένου σπουδὴν ἑλεῖν ζῶντα αὐτόν, ἀφικόμενοσ παρὰ Προυσίαν ἱκέτησ καὶ ἀπωσθεὶσ ὑπ’ αὐτοῦ ἀνεπήδα τε ἐπὶ τὸν ἵππον καὶ γυμνωθέντοσ τοῦ ξίφουσ τιτρώσκεται τὸν δάκτυλον.

προελθόντι δέ οἱ στάδια οὐ πολλὰ πυρετόσ τε ἀπὸ τοῦ τραύματοσ καὶ ἡ τελευτὴ τριταίῳ συνέβη· τὸ δὲ χωρίον ἔνθα ἀπέθανε καλοῦσιν οἱ Νικομηδεῖσ Λίβυσσαν. Ἀθηναίοισ δὲ μάντευμα ἐκ Δωδώνησ Σικελίαν ἦλθεν οἰκίζειν, ἡ δὲ οὐ πόρρω τῆσ πόλεωσ ἡ Σικελία λόφοσ ἐστὶν οὐ μέγασ·

οἱ δὲ οὐ συμφρονήσαντεσ τὸ εἰρημένον ἔσ τε ὑπερορίουσ στρατείασ προήχθησαν καὶ ἐσ τὸν Συρακοσίων πόλεμον. ἔχοι δ’ ἄν τισ καὶ πλέονα τοῖσ εἰρημένοισ ἐοικότα ἄλλα ἐξευρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 11

(파우사니아스, Description of Greece, Ἀρκαδικά, chapter 11)

상위

목록

SEARCH

MENU NAVIGATION