헬라어 문장 검색 - Παυσαν́Δεσξριπ́8́05́

(파우사니아스, Description of Greece, Ἀρκαδικά, chapter 5)

Λυκούργου δὲ ἀποθανόντοσ Ἔχεμοσ ὁ Αἐρόπου τοῦ Κηφέωσ τοῦ Ἀλέου τὴν Ἀρκάδων ἔσχεν ἀρχήν. ἐπὶ τούτου Δωριεῖσ κατιόντασ ἐσ Πελοπόννησον ὑπὸ ἡγεμόνι Ὕλλῳ τῷ Ἡρακλέουσ Ἀχαιοὶ περὶ ἰσθμὸν τὸν Κορινθίων κρατοῦσι μάχῃ, καὶ Ἔχεμοσ ἀποκτίννυσιν Ὕλλον μονομαχήσαντά οἱ κατὰ πρόκλησιν. τάδε γὰρ ἐφαίνετο εἰκότα εἶναί μοι μᾶλλον ἢ ὁ πρότεροσ λόγοσ, ἐν ᾧ βασιλεύειν τε Ἀχαιῶν τηνικαῦτα Ὀρέστην ἔγραψα καὶ Ὕλλον καὶ Ὀρέστου βασιλεύοντοσ ἀποπειρᾶσαι καθόδου τῆσ ἐσ Πελοπόννησον. φαίνοιτο δ’ ἂν τῷ ὑστέρῳ τῶν λόγων καὶ Τιμάνδρα συνοικήσασα ἡ Τυνδάρεω τῷ ἀποκτείναντι Ὕλλον Ἐχέμῳ. Ἀγαπήνωρ δὲ ὁ Ἀγκαίου τοῦ Λυκούργου μετὰ Ἔχεμον βασιλεύσασ ἐσ Τροίαν ἡγήσατο Ἀρκάσιν.

Ἰλίου δὲ ἁλούσησ ὁ τοῖσ Ἕλλησι κατὰ τὸν πλοῦν τὸν οἴκαδε ἐπιγενόμενοσ χειμὼν Ἀγαπήνορα καὶ τὸ Ἀρκάδων ναυτικὸν κατήνεγκεν ἐσ Κύπρον, καὶ Πάφου τε Ἀγαπήνωρ ἐγένετο οἰκιστὴσ καὶ τῆσ Ἀφροδίτησ κατεσκευάσατο ἐν Παλαιπάφῳ τὸ ἱερόν· τέωσ δὲ ἡ θεὸσ παρὰ Κυπρίων τιμὰσ εἶχεν ἐν Γολγοῖσ καλουμένῳ χωρίῳ.

χρόνῳ δὲ ὕστερον Λαοδίκη γεγονυῖα ἀπὸ Ἀγαπήνοροσ ἔπεμψεν ἐσ Τεγέαν τῇ Ἀθηνᾷ τῇ Ἀλέᾳ πέπλον·

τὸ δὲ ἐπὶ τῷ ἀναθήματι ἐπίγραμμα καὶ αὐτῆσ Λαοδίκησ ἅμα ἐδήλου τὸ γένοσ· Λαοδίκησ ὅδε πέπλοσ· ἑᾷ δ’ ἀνέθηκεν Ἀθηνᾷπατρίδ’ ἐσ εὐρύχορον Κύπρου ἀπὸ ζαθέασ. Ἀγαπήνοροσ δὲ οὐκ ἀνασωθέντοσ οἴκαδε ἐξ Ἰλίου, παρέλαβε τὴν ἀρχὴν Ἱππόθουσ Κερκυόνοσ τοῦ Ἀγαμήδουσ τοῦ Στυμφήλου.

καὶ τῷ μὲν ἐπιφανὲσ συμβῆναι παρὰ τὸν βίον φασὶν οὐδέν, πλὴν ὅσον οὐκ ἐν Τεγέᾳ τὴν βασιλείαν κατεστήσατο ἀλλὰ ἐν Τραπεζοῦντι·

Αἴπυτοσ δὲ ὁ Ἱππόθου μετὰ τὸν πατέρα ἔσχε τὴν ἀρχήν, καὶ Ὀρέστησ ὁ Ἀγαμέμνονοσ κατὰ μαντείαν τοῦ ἐν Δελφοῖσ Ἀπόλλωνοσ μετῴκησεν ἐσ Ἀρκαδίαν ἐκ Μυκηνῶν. Αἰπύτῳ δὲ τῷ Ἱππόθου παρελθεῖν ἐσ τὸ ἱερὸν τοῦ Ποσειδῶνοσ τὸ ἐν Μαντινείᾳ τολμήσαντι ‐ ἔσοδοσ δὲ ἀνθρώποισ οὔτε τότε ἐσ αὐτὸ ἦν οὔτε ἄχρι ἡμῶν ἔστιν ‐ , ἐσ τοῦτο ἐσελθόντι τυφλωθῆναι καὶ οὐ μετὰ πολὺ τῆσ συμφορᾶσ τελευτῆσαί οἱ τὸν βίον ἐγένετο.

Κυψέλου δὲ τοῦ Αἰπύτου βασιλεύοντοσ μετὰ Αἴπυτον, ὁ Δωριέων στόλοσ οὐ διὰ τοῦ Κορινθίων ἰσθμοῦ, καθὰ ἐπὶ τρεῖσ τὰσ πρότερον γενεάσ, ναυσὶ δὲ κατὰ τὸ ὀνομαζόμενον Ῥίον κάτεισιν ἐσ Πελοπόννησον·

εὑρ́ισκε, τούτῳ τὴν θυγατέρα ἐκδοὺσ καὶ οἰκειωσάμενοσ τὸν Κρεσφόντην αὐτόσ τε καὶ οἱ Ἀρκάδεσ ἐκτὸσ ἑστήκεσαν δείματοσ.

Ὁλαίασ δὲ ἦν Κυψέλου παῖσ, ὃσ καὶ τῆσ ἀδελφῆσ τὸν παῖδα Αἴπυτον, σὺν δὲ αὐτῷ καὶ οἱ ἐκ Λακεδαίμονοσ καὶ Ἄργουσ Ἡρακλεῖδαι κατάγουσιν ἐσ Μεσσήνην.

τοῦ δὲ ἦν Βουκολίων, τοῦ δὲ Φίαλοσ, ὃσ τὸν Λυκάονοσ Φίγαλον οἰκιστὴν ὄντα ἀφελόμενοσ τὴν τιμὴν Φιαλίαν τὸ ὄνομα τῇ πόλει μετέθετο ἀφ’ ἑαυτοῦ· οὐ μὴν καὶ ἐσ ἅπαν γε ἐξενίκησεν. ἐπὶ δὲ Σίμου τοῦ Φιάλου βασιλεύοντοσ ἠφανίσθη Φιγαλεῦσιν ὑπὸ πυρὸσ τῆσ Μελαίνησ Δήμητροσ τὸ ἀρχαῖον ξόανον·

ἐσήμαινε δὲ ἄρα οὐ μετὰ πολὺ ἔσεσθαι καὶ αὐτῷ Σίμῳ τοῦ βίου τὴν τελευτήν. Πόμπου δὲ ἐκδεξαμένου τοῦ Σίμου τὴν ἀρχήν, Αἰγινῆται κατὰ ἐμπορίαν ἐσέπλεον ναυσὶν ἐσ Κυλλήνην, ἐκεῖθεν δὲ ὑποζυγίοισ τὰ φορτία ἀνῆγον παρὰ τοὺσ Ἀρκάδασ. ἀντὶ τούτου ἐτίμησεν ὁ Πόμποσ μεγάλωσ, καὶ δὴ καὶ ὄνομα Αἰγινήτην τῷ παιδὶ ἔθετο ἐπὶ τῶν Αἰγινητῶν τῇ φιλίᾳ. μετὰ δὲ Αἰγινήτην Πολυμήστωρ ἐγένετο <ὁ> Αἰγινήτου βασιλεὺσ Ἀρκάδων, καὶ Λακεδαιμόνιοι καὶ Χάριλλοσ πρῶτον τότε ἐσ τὴν Τεγεατῶν ἐσβάλλουσι στρατιᾷ·

καὶ σφᾶσ αὐτοί τε οἱ Τεγεᾶται καὶ γυναῖκεσ ὅπλα ἐνδῦσαι μάχῃ νικῶσι, καὶ τόν τε ἄλλον στρατὸν καὶ αὐτὸν Χάριλλον ζῶντα αἱροῦσι. Χαρίλλου μὲν δὴ καὶ τῆσ σὺν αὐτῷ στρατιᾶσ ἐσ πλέον μνήμην ποιησόμεθα ἐν τοῖσ Τεγεατικοῖσ· Πολυμήστορι δὲ οὐ γενομένων παίδων παρέλαβεν Αἶχμισ τὴν ἀρχήν, Βριάκα μὲν παῖσ, Πολυμήστοροσ δὲ ἀδελφιδοῦσ·

Αἰγινήτου γὰρ ἦν καὶ Βριάκασ, νεώτεροσ δὲ ἦν Πολυμήστοροσ.

Αἴχμιδοσ δὲ βασιλεύσαντοσ Λακεδαιμονίοισ ἐγένετο ὁ πρὸσ Μεσσηνίουσ πόλεμοσ· τοῖσ δὲ Ἀρκάσιν ὑπῆρχε μὲν ἐσ τοὺσ Μεσσηνίουσ εὔνοια ἐξ ἀρχῆσ, τότε δὲ καὶ ἐκ τοῦ φανεροῦ πρὸσ Λακεδαιμονίουσ ἐμαχέσαντο μετὰ Ἀριστοδήμου βασιλεύοντοσ ἐν Μεσσήνῃ. Ἀριστοκράτησ δὲ ὁ Αἴχμιδοσ τάχα μέν που καὶ ἄλλα ἐσ τοὺσ Ἀρκάδασ ὕβρισεν·

ἃ δὲ ἀνοσιώτατα ἔργων ἐσ θεοὺσ ἐργασάμενον οἶδα αὐτόν, ἐπέξεισί μοι ταῦτα ὁ λόγοσ. ἔστιν Ἀρτέμιδοσ ἱερὸν Ὑμνίασ ἐπίκλησιν. τοῦτο ἐν ὁρ́οισ μέν ἐστιν Ὀρχομενίων, πρὸσ δὲ τῇ Μαντινικῇ· σέβουσιν ἐκ παλαιοτάτου καὶ οἱ πάντεσ Ἀρκάδεσ Ὑμνίαν Ἄρτεμιν. ἐλάμβανε δὲ τὴν ἱερωσύνην τῆσ θεοῦ τότε ἔτι κόρη παρθένοσ. Ἀριστοκράτησ δέ, ὥσ οἱ πειρῶντι τὴν παρθένον ἀντέβαινεν ἀεὶ τὰ παρ’ αὐτῆσ, τέλοσ καταφυγοῦσαν ἐσ τὸ ἱερὸν παρὰ τῇ Ἀρτέμιδι ᾔσχυνεν.

ὡσ δὲ ἐσ ἅπαντασ ἐξηγγέλθη τὸ τόλμημα, τὸν μὲν καταλιθοῦσιν οἱ Ἀρκάδεσ, μετεβλήθη δὲ ἐξ ἐκείνου καὶ ὁ νόμοσ· ἀντὶ γὰρ παρθένου διδόασι τῇ Ἀρτέμιδι ἱέρειαν γυναῖκα ὁμιλίασ ἀνδρῶν ἀποχρώντωσ ἔχουσαν. τούτου δὲ υἱὸσ ἐγένετο Ἱκέτασ, Ἱκέτα δὲ Ἀριστοκράτησ ἄλλοσ ὁμώνυμόσ τε τῷ προγόνῳ καὶ δὴ καὶ τοῦ βίου τὴν αὐτὴν ἔσχεν ἐκείνῳ τελευτήν·

κατελίθωσαν γὰρ καὶ τοῦτον οἱ Ἀρκάδεσ, φωράσαντεσ δῶρα ἐκ Λακεδαίμονοσ εἰληφότα καὶ Μεσσηνίοισ τὸ ἐπὶ τῇ Μεγάλῃ τάφρῳ πταῖσμα προδοσίαν τοῦ Ἀριστοκράτουσ οὖσαν. αὕτη δὲ ἡ ἀδικία καὶ τῷ γένει τῷ ἀπὸ Κυψέλου παντὶ παρέσχεν αἰτίαν παυσθῆναι τῆσ ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 5

(파우사니아스, Description of Greece, Ἀρκαδικά, chapter 5)

상위

목록

SEARCH

MENU NAVIGATION