헬라어 문장 검색 - Παυσαν́Δεσξριπ́10́36́

(파우사니아스, Description of Greece, Φωκικά, Λοκρῶν Ὀζόλων, chapter 36)

ἐσ δὲ Ἄμβροσσον στάδιοι περὶ ἑξήκοντά εἰσιν ἐκ Στίρεωσ· πεδιὰσ ἡ ὁδόσ, ὀρῶν ἐν μέσῳ πεδίον κείμενον. ἄμπελοι δὲ τὸ πολύ εἰσι τοῦ πεδίου, καὶ ἐν γῇ τῇ Ἀμβροσσέων <οὐ> συνεχεῖσ μὲν ὥσπερ αἱ ἄμπελοι, πεφύκασι μέντοι καὶ αἱ θάμνοι· τὴν δὲ θάμνον ταύτην Ιὤνεσ μὲν καὶ τὸ ἄλλο Ἑλληνικὸν κόκκον, Γαλάται δὲ οἱ ὑπὲρ Φρυγίασ φωνῇ τῇ ἐπιχωρίῳ σφίσιν ὀνομάζουσιν ὗσ. γίνεται δὲ αὕτη μέγεθοσ μὲν ἡ κόκκοσ κατὰ τὴν ῥάμνον καλουμένην, φύλλα δὲ μελάντερα μὲν καὶ μαλακώτερα ἢ ἡ σχῖνοσ, τὰ μέντοι ἄλλα ἐοικότα ἔχει τῇ σχίνῳ. ὁ δὲ αὐτῆσ καρπὸσ ὅμοιοσ τῷ καρπῷ τῆσ στρύχνου, μέγεθοσ δέ ἐστι κατὰ ὄροβον.

γίνεται δέ τι ἐν τῷ καρπῷ τῆσ κόκκου βραχὺ ζῷον· τοῦτο εἰ ἀφίκοιτο ἐσ τὸν ἀέρα πεπανθέντοσ τοῦ καρποῦ, πέτεταί τε αὐτίκα καὶ ἐοικὸσ κώνωπι φαίνοιτο ἄν· κόκκου τὸν καρπόν, καὶ ἔστι τοῖσ ἐρίοισ ἡ βαφὴ τὸ αἷμα τοῦ ζῴου.

ἡ δὲ Ἄμβροσσοσ κεῖται μὲν ὑπὸ τὸ ὄροσ τὸν Παρνασσόν, τὰ ἐπέκεινα δὲ ἢ Δελφοί·

τεθῆναι δὲ τὸ ὄνομα τῇ πόλει ἀπὸ ἡρ́ωόσ φασιν Ἀμβρόσσου. Θηβαῖοι δὲ ἐσ τὸν Μακεδόνων καὶ Φιλίππου καθιστάμενοι πόλεμον περιέβαλον τῇ Ἀμβρόσσῳ διπλοῦν τεῖχοσ· τὸ δέ ἐστιν ἐπιχωρίου λίθου, χρόαν μέλανοσ, ἐσ τὰ μάλιστα ἰσχυροῦ· κύκλοσ δὲ ἑκάτεροσ τοῦ τείχουσ πλάτοσ μὲν ἀποδέων ὀλίγον ἐστὶν ὀργυιᾶσ, τὸ δὲ ὕψοσ ἐσ ἡμίσειάν τε καὶ δύο ὀργυιάσ, ὅπου μὴ τὸ τεῖχοσ πεπόνηκε· διάστημα δὲ ἀπὸ τοῦ προτέρου τῶν κύκλων ἐπὶ τὸν δεύτερόν ἐστιν ὀργυιά·

κατασκευὴ δὲ πύργων ἢ ἐπάλξεων ἢ εἴ τι ἄλλο ἐσ εὐπρέπειαν τείχουσ, παρεῖται τὰ πάντα σφίσιν ἅτε τειχίζουσιν ἐπὶ μόνῳ τῷ αὐτίκα ἀμύνεσθαι. ἔστι δὲ ἀγορά τε Ἀμβροσσεῦσιν οὐ μεγάλη καὶ ἀνδριάντων ἐν αὐτῇ λίθου πεποιημένων κατεάγασιν οἱ πολλοί. τραπέντι δὲ ἐπὶ Ἀντίκυραν ἀνάντησ τὰ πρῶτά ἐστιν ὁδόσ·

ἀναβάντι δὲ ὅσον δύο στάδια ὁμαλέσ τε χωρίον καὶ ἐν δεξιᾷ τῆσ ὁδοῦ Δικτυνναίασ ἐπίκλησιν ἱερόν ἐστιν Ἀρτέμιδοσ. ταύτην οἱ Ἀμβροσσεῖσ ἄγουσι μάλιστα ἐν τιμῇ· τῷ δὲ ἀγάλματι ἐργασία τέ ἐστιν Αἰγιναία καὶ μέλανοσ τοῦ λίθου πεποίηται. τὸ δὲ ἀπὸ τοῦ ἱεροῦ τῆσ Δικτυνναίασ κατάντησ ὁδὸσ ἐσ Ἀντίκυραν πᾶσά ἐστι. τὰ δὲ ἀρχαιότερα ὄνομα εἶναι Κυπάρισσον τῇ πόλει φασί, καὶ Ὅμηρον ἐν Φωκέων καταλόγῳ τὸ ὄνομα θελῆσαι θέσθαι γε αὐτόν, ὅτι ἤδη τηνικαῦτα ἐκαλεῖτο Ἀντίκυρα· Ἀντικυρέα κατὰ Ἡρακλέα ἡλικίαν.

κεῖται μὲν δὴ ἡ πόλισ κατὰ Μεδεῶνοσ τὰ ἐρείπια·

ἐδήλωσα δὲ ἀρχομένησ τῆσ ἐσ Φωκέασ <συγγραφῆσ> ἐσ τὸ ἱερὸν ἀσεβῆσαι τὸ ἐν Δελφοῖσ <Ἀντικυρέασ>. Ἀντικυρέασ δὲ ἐποίησε μὲν ἀναστάτουσ καὶ ὁ Ἀμύντου Φίλιπποσ, ἐποίησε δὲ καὶ δεύτερα Ὀτίλιοσ ὁ Ῥωμαῖοσ, ὅτι ἦσαν ὑπήκοοι καὶ οὗτοι Φιλίππου τοῦ Δημητρίου βασιλεύοντοσ Μακεδόνων· ὁ δὲ ἐπὶ τὸν Φίλιππον ἀμύνειν Ἀθηναίοισ ὁ Ὀτίλιοσ ἀπέσταλτο ἐκ Ῥώμησ. τὰ δὲ ὄρη τὰ ὑπὲρ τὴν Ἀντίκυραν πετρώδη τε ἄγαν ἐστὶ καὶ ἐν αὐτοῖσ φύεται μάλιστα ὁ ἐλλέβοροσ.

ὁ μὲν αὐτοῦ μέλασ χωρεῖ τε ἀνθρώποισ καὶ ἔστι γαστρὶ καθάρσιον, ὁ δὲ ἕτεροσ <ὁ> λευκὸσ δι’ ἐμέτου καθαίρειν πέφυκε· τὸ δὲ φάρμακον τὸ ἐσ τὴν κάθαρσιν ἡ τοῦ ἐλλεβόρου ῥίζα ἐστίν. Ἀντικυρεῦσι δὲ εἰσὶ μὲν ἀνδριάντεσ ἐν τῇ ἀγορᾷ χαλκοῖ, ἔστι δέ σφισιν ἐπὶ τῷ λιμένι Ποσειδῶνοσ οὐ μέγα ἱερόν, λογάσιν ᾠκοδομημένον λίθοισ·

κεκονίαται δὲ τὰ ἐντόσ. τὸ δὲ ἄγαλμα ὀρθὸν χαλκοῦ πεποιημένον, βέβηκε δὲ ἐπὶ δελφῖνι τῷ ἑτέρῳ τῶν ποδῶν· κατὰ τοῦτο δὲ ἔχει καὶ τὴν χεῖρα ἐπὶ τῷ μηρῷ, ἐν δὲ τῇ ἑτέρᾳ χειρὶ τρίαινά ἐστιν αὐτῷ. τοῦ γυμνασίου δὲ ἐν ᾧ καὶ τὰ λουτρά σφισι πεποίηται, τούτου πέραν ἄλλο γυμνάσιόν ἐστιν ἀρχαῖον·

ἀνδριὰσ δὲ ἕστηκεν ἐν αὐτῷ χαλκοῦσ· φησὶ δ’ ἐπ’ αὐτῷ τὸ ἐπίγραμμα Ξενόδαμον παγκρατιαστὴν Ἀντικυρέα ἐν ἀνδράσιν Ὀλυμπικὴν ἀνῃρῆσθαι νίκην. εἰ δὲ ἀληθεύει τὸ ἐπίγραμμα, Ὀλυμπιάδι τῇ πρώτῃ μετὰ δέκα καὶ διακοσίασ φαίνοιτο ἂν τὸν κότινον ὁ Ξενόδαμοσ εἰληφώσ· Ἠλείων γράμμασι παρεῖται μόνη πασῶν ἡ Ὀλυμπιάσ.

ἔστι δὲ ὑπὲρ τὴν ἀγορὰν ἐν φρέατι ὕδατοσ πηγή·

σκέπη δὲ ἀπὸ ἡλίου τῷ φρέατι ὄροφόσ τε καὶ ἀνέχοντεσ τὸν ὄροφον κίονεσ. ἔστι δὲ οὐ πολὺ ἀνωτέρω τοῦ φρέατοσ λίθοισ τοῖσ ἐπιτυχοῦσιν ᾠκοδομημένον μνῆμα· ταφῆναι δέ φασιν ἐνταῦθα τοὺσ Ἰφίτου παῖδασ, τὸν μὲν ἀνασωθέντα ἐξ Ἰλίου καὶ ἀποθανόντα ἐν τῇ οἰκείᾳ, Σχεδίῳ δὲ ἐν μὲν γῇ τῇ Τρῳάδι τὴν τελευτὴν συμβῆναι λέγουσιν, ἀχθῆναι δὲ οἴκαδε καὶ τούτου τὰ ὀστᾶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 36

(파우사니아스, Description of Greece, Φωκικά, Λοκρῶν Ὀζόλων, chapter 36)

상위

목록

SEARCH

MENU NAVIGATION