헬라어 문장 검색 - Παυσαν́Δεσξριπ́10́35́

(파우사니아스, Description of Greece, Φωκικά, Λοκρῶν Ὀζόλων, chapter 35)

ἐσ Ἄβασ δὲ ἀφικέσθαι καὶ ἐσ Υἅμπολιν ἔστι μὲν καὶ ἐξ Ἐλατείασ ὀρεινὴν ὁδὸν ἐν δεξιᾷ τοῦ Ἐλατέων ἄστεωσ, ἡ δὲ ἐπὶ Ὀποῦντα λεωφόροσ ἡ ἐξ Ὀρχομενοῦ καὶ ἐσ ταύτασ φέρει τὰσ πόλεισ. ἰόντι οὖν ἐσ Ὀποῦντα ἐξ Ὀρχομενοῦ καὶ ἐκτραπέντι οὐ πολὺ ἐπ’ ἀριστερὰν ὁδόσ <ἐστιν> ἡ ἐσ Ἄβασ. οἱ δὲ ἐν ταῖσ Ἄβαισ ἐσ γῆν τὴν Φωκίδα ἀφικέσθαι λέγουσιν ἐξ Ἄργουσ καὶ τὸ ὄνομα ἀπὸ Ἄβαντοσ τοῦ οἰκιστοῦ λαβεῖν τὴν πόλιν, τὸν δὲ Λυγκέωσ τε καὶ Ὑπερμήστρασ τῆσ Δαναοῦ παῖδα εἶναι. Ἀπόλλωνοσ δὲ ἱερὰσ νενομίκασιν εἶναι τὰσ Ἄβασ ἐκ παλαιοῦ, καὶ χρηστήριον καὶ αὐτόθι ἦν Ἀπόλλωνοσ. θεῷ δὲ τῷ ἐν Ἄβαισ οὐχ ὁμοίωσ Ῥωμαῖοί τε ἀπένειμαν τὰ ἐσ τιμὴν καὶ ὁ Πέρσησ·

ἀλλὰ Ῥωμαῖοι μὲν εὐσεβείᾳ τῇ ἐσ τὸν Ἀπόλλωνα Ἀβαίοισ δεδώκασιν αὐτονόμουσ σφᾶσ εἶναι, στρατιὰ δὲ ἡ μετὰ Ξέρξου κατέπρησε καὶ τὸ ἐν Ἄβαισ ἱερόν. Ἑλλήνων δὲ τοῖσ ἀντιστᾶσι τῷ βαρβάρῳ τὰ κατακαυθέντα ἱερὰ μὴ ἀνιστάναι σφίσιν ἔδοξεν, ἀλλὰ ἐσ τὸν πάντα ὑπολείπεσθαι χρόνον τοῦ ἔχθουσ ὑπομνήματα· καὶ τοῦδε ἕνεκα οἵ τε ἐν τῇ Ἁλιαρτίᾳ ναοὶ καὶ Ἀθηναίοισ τῆσ Ἥρασ ἐπὶ ὁδῷ τῇ Φαληρικῇ καὶ ὁ ἐπὶ Φαληρῷ τῆσ Δήμητροσ καὶ κατ’ ἐμὲ ἔτι ἡμίκαυτοι μένουσι.

τοιαύτην θέαν καὶ τοῦ ἐν Ἄβαισ ἱεροῦ τότε γε εἶναι δοκῶ, ἐσ ὃ ἐν τῷ πολέμῳ τῷ Φωκικῷ βιασθέντασ μάχῃ Φωκέων ἄνδρασ καὶ ἐσ Ἄβασ ἐκπεφευγότασ αὐτούσ τε οἱ Θηβαῖοι τοὺσ ἱκέτασ καὶ τὸ ἱερόν, δεύτερον δὴ οὗτοι μετὰ Μήδουσ, ἔδοσαν πυρί·

εἱστήκει δ’ οὖν καὶ ἐσ ἐμὲ ἔτι οἰκοδομημάτων ἀσθενέστατον ὁπόσα δὴ ἡ φλὸξ ἐλυμήνατο, ἅτε ἐπὶ τῷ Μηδικῷ προλωβησαμένῳ πυρὶ αὖθισ ὑπὸ τοῦ Βοιωτίου πυρὸσ κατειργασμένον. παρὰ δὲ τὸν ναὸν τὸν μέγαν ἐστὶν ἄλλοσ ναόσ, ἀποδέων ἐκείνου μέγεθοσ·

βασιλεὺσ δὲ Ἀδριανὸσ ἐποίησε τῷ Ἀπόλλωνι· τὰ δὲ ἀγάλματα ἀρχαιότερα καὶ αὐτῶν ἐστιν Ἀβαίων ἀνάθημα, χαλκοῦ δὲ εἴργασται καὶ ὁμοίωσ ἐστὶν ὀρθά, Ἀπόλλων καὶ Λητώ τε καὶ Ἄρτεμισ. Ἀβαίοισ δὲ ἔστι μὲν θέατρον, ἔστι δὲ καὶ ἀγορά σφισι, κατασκευῆσ ἀμφότερα ἀρχαίασ. ἐπανελθόντα δὲ ἐσ τὴν ὁδὸν τὴν ἐσ Ὀποῦντα εὐθεῖαν Υἅμπολισ τὸ ἀπὸ τούτου σε ἐκδέξεται.

τῶν δὲ ἐνταῦθα ἀνθρώπων καὶ αὐτὸ κατηγορεῖ τὸ ὄνομα οἵτινεσ ἦσαν ἐξ ἀρχῆσ καὶ ὁπόθεν ἐξαναστάντεσ ἀφίκοντο ἐσ ταύτην τὴν χώραν· Υἅντεσ γὰρ οἱ ἐκ Θηβῶν Κάδμον καὶ τὸν σὺν ἐκείνῳ φυγόντεσ στρατὸν ἀφίκοντο ἐνταῦθα. προσχώρων ἐκαλοῦντο Υἅντων πόλισ, χρόνῳ μέντοι ὕστερον Υἅμπολιν ἐξενίκησεν ὀνομασθῆναι.

ἅτε δὲ καὶ βασιλέωσ Ξέρξου καταπρήσαντοσ τὴν πόλιν καὶ αὖθισ Φιλίππου κατασκάψαντοσ, ὅμωσ τὰ ὑπολειπόμενα ἦν ἀγορᾶσ τε ἀρχαίασ κατασκευὴ καὶ βουλευτήριον, οἴκημα οὐ μέγα, καὶ θέατρον οὐ πόρρω τῶν πυλῶν.

Ἀδριανὸσ δὲ βασιλεὺσ στοὰν ᾠκοδομήσατο, καὶ ἐπώνυμοσ ἡ στοὰ τοῦ ἀναθέντοσ βασιλέωσ ἐστί. φρέαρ δέ σφισίν ἐστιν ἕν· ἀπὸ τούτου μόνου καὶ πίνουσι καὶ λούονται, ἀπ’ ἄλλου δὲ ἔχουσιν οὐδενὸσ πλήν γε δὴ ὡρ́ᾳ χειμῶνοσ τὸ ἐκ τοῦ θεοῦ. σέβονται δὲ μάλιστα Ἄρτεμιν, καὶ ναὸσ Ἀρτέμιδόσ ἐστιν αὐτοῖσ·

τὸ δὲ ἄγαλμα ὁποῖόν τί ἐστιν οὐκ ἐδήλωσα· δὶσ γὰρ καὶ οὐ πλέον ἑκάστου ἐνιαυτοῦ τὸ ἱερὸν ἀνοιγνύναι νομίζουσιν. ὁπόσα δ’ ἂν τῶν βοσκημάτων ἱερὰ ἐπονομάσωσιν εἶναι τῇ Ἀρτέμιδι, ἄνευ νόσου ταῦτα καὶ πιότερα τῶν ἄλλων ἐκτρέφεσθαι λέγουσιν. ἐσβολὴ δὲ ἐκ Χαιρωνείασ ἐσ γῆν τὴν Φωκίδα οὐ μόνον ἡ εὐθεῖά ἐστιν ἐσ Δελφοὺσ ἡ διά τε Πανοπέωσ καὶ παρὰ τὴν Δαυλίδα καὶ ὁδὸν τὴν Σχιστήν·

φέρει δὲ ἐκ Χαιρωνείασ καὶ ἑτέρα τραχεῖά τε ὁδὸσ καὶ ὀρεινὴ τὰ πλέονα ἐσ πόλιν Φωκέων Στῖριν· μῆκοσ δὲ εἴκοσι στάδιοι τῆσ ὁδοῦ καὶ ἑκατόν. οἱ δὲ ἐνταῦθά φασιν οὐ Φωκεῖσ, Ἀθηναῖοι δὲ εἶναι τὰ ἄνωθεν, καὶ ἐκ τῆσ Ἀττικῆσ ὁμοῦ Πετεῷ τῷ Ὀρνέωσ ἀφικέσθαι διωχθέντι ὑπὸ Αἰγέωσ ἐξ Ἀθηνῶν· ὅτι δὲ τῷ Πετεῷ τὸ πολὺ ἐκ τοῦ δήμου τοῦ Στιρέων ἠκολούθησεν, ἐπὶ τούτῳ κληθῆναι τὴν πόλιν Στῖριν. Στιρίταισ δέ ἐστιν ἐπὶ ὑψηλοῦ καὶ πετρώδουσ ἡ οἴκησισ·

σπανίζουσιν οὖν κατὰ τοῦτο ὕδατοσ θέρουσ ὡρ́ᾳ·

φρέατα γὰρ αὐτόθι οὔτε πολλὰ οὔτε ὕδωρ παρεχόμενά ἐστιν ἐπιτήδειον. ταῦτα μὲν δὴ λουτρά σφισι καὶ ὑποζυγίοισ ποτὸν γίνεται, τὸ δὲ ὕδωρ οἱ ἄνθρωποι τὸ πότιμον ὅσον στάδια τέσσαρα ὑποκαταβαίνοντεσ λαμβάνουσιν ἐκ πηγῆσ· ἡ δὲ ἐν πέτραισ ἐστὶν ὀρωρυγμένη, καὶ ἀρύονται κατιόντεσ ἐσ τὴν πηγήν. Δήμητροσ δὲ ἐπίκλησιν Στιρίτιδοσ ἱερόν ἐστιν ἐν Στῖρι·

πλίνθου μὲν τῆσ ὠμῆσ τὸ ἱερόν, λίθου δὲ τοῦ Πεντελῆσι τὸ ἄγαλμα, δᾷδασ ἡ θεὸσ ἔχουσα. παρὰ δὲ αὐτῇ κατειλημμένον ταινίαισ ἄγαλμα ἀρχαῖόν ἐστιν ἄλλο ὁπόσα Δήμητροσ ἐσ τιμήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 35

(파우사니아스, Description of Greece, Φωκικά, Λοκρῶν Ὀζόλων, chapter 35)

상위

목록

SEARCH

MENU NAVIGATION