헬라어 문장 검색 - Παυσαν́Δεσξριπ́10́23́

(파우사니아스, Description of Greece, Φωκικά, Λοκρῶν Ὀζόλων, chapter 23)

Βρέννῳ δὲ καὶ τῇ στρατιᾷ τῶν τε Ἑλλήνων οἱ ἐσ Δελφοὺσ ἀθροισθέντεσ ἀντετάξαντο, καὶ τοῖσ βαρβάροισ ἀντεσήμαινε τὰ ἐκ τοῦ θεοῦ ταχύ τε καὶ ὧν ἴσμεν φανερώτατα. ἥ τε γὰρ γῆ πᾶσα, ὅσην ἐπεῖχεν ἡ τῶν Γαλατῶν στρατιά, βιαίωσ καὶ ἐπὶ πλεῖστον ἐσείετο τῆσ ἡμέρασ, βρονταί τε καὶ κεραυνοὶ συνεχεῖσ ἐγίνοντο· καὶ οἱ μὲν ἐξέπληττόν τε τοὺσ Κελτοὺσ καὶ δέχεσθαι τοῖσ ὠσὶ τὰ παραγγελλόμενα ἐκώλυον, τὰ δὲ ἐκ τοῦ οὐρανοῦ οὐκ ἐσ ὅντινα κατασκήψαι μόνον ἀλλὰ καὶ τοὺσ πλησίον καὶ αὐτοὺσ ὁμοίωσ καὶ τὰ ὅπλα ἐξῆπτε.

τά τε τῶν ἡρώων τηνικαῦτά σφισιν ἐφάνη φάσματα, ὁ Ὑπέροχοσ καὶ ὁ Λαόδοκόσ τε καὶ Πύρροσ· οἱ δὲ καὶ τέταρτον Φύλακον ἐπιχώριον Δελφοῖσ ἀπαριθμοῦσιν ἡρ́ωα. ἀπέθανον δὲ καὶ αὐτῶν παρὰ τὸ ἔργον τῶν Φωκέων ἄλλοι τε ἀριθμὸν πολλοὶ καὶ Ἀλεξίμαχοσ, ὃσ ἐν τῇ μάχῃ ταύτῃ μάλιστα Ἑλλήνων ἡλικίασ τε τῷ ἀκμάζοντι καὶ ἰσχύι σώματοσ καὶ τῷ ἐρρωμένῳ τοῦ θυμοῦ κατεχρήσατο ἐσ τῶν βαρβάρων τὸν φόνον·

Φωκεῖσ δὲ εἰκόνα τοῦ Ἀλεξιμάχου ποιησάμενοι ἀπέστειλαν τῷ Ἀπόλλωνι ἐσ Δελφούσ.

τοιούτοισ μὲν οἱ βάρβαροι παρὰ πᾶσαν τὴν ἡμέραν παθήμασί τε καὶ ἐκπλήξει συνείχοντο·

τὰ δὲ <ἐν> τῇ νυκτὶ πολλῷ σφᾶσ ἔμελλεν ἀλγεινότερα ἐπιλήψεσθαι. ῥῖγόσ τε γὰρ ἰσχυρὸν καὶ νιφετὸσ ἦν ὁμοῦ τῷ ῥίγει, πέτραι τε ἀπολισθάνουσαι τοῦ Παρνασσοῦ μεγάλαι τε καὶ κρημνοὶ καταρρηγνύμενοι σκοπὸν τοὺσ βαρβάρουσ εἶχον, καὶ αὐτοῖσ οὐ κατὰ ἕνα ἢ δύο ἀλλὰ κατὰ τριάκοντα καὶ ἔτι πλείοσιν, ὡσ ἕκαστοι ἐν τῷ αὐτῷ φρουροῦντεσ ἢ καὶ ἀναπαυόμενοι τύχοιεν, ἀθρόοισ ἡ ἀπώλεια ἐγένετο ὑπὸ τῆσ ἐμβολῆσ τῶν κρημνῶν. ἅμα δὲ τῷ ἡλίῳ ἀνίσχοντι οἱ Ἕλληνεσ ἐπῄεσάν σφισιν ἐκ τῶν Δελφῶν, οἱ μὲν ἄλλοι τὴν ἐπὶ τὸ στράτευμα εὐθεῖαν, οἱ Φωκεῖσ δὲ ἅτε καὶ μᾶλλον ἔχοντεσ τῶν χωρίων ἐμπείρωσ κατέβησάν τε διὰ τῆσ χιόνοσ κατὰ τὰ ἀπότομα τοῦ Παρνασσοῦ καὶ ἔλαθον κατὰ νώτου γενόμενοι τοῖσ Κελτοῖσ, ἠκόντιζόν τε ἐσ αὐτοὺσ καὶ ἐτόξευον σὺν οὐδενὶ ἀπὸ τῶν βαρβάρων δείματι.

οἱ δὲ ἀρχομένησ μὲν τῆσ μάχησ, καὶ μάλιστα οἱ περὶ τὸν Βρέννον ‐ οὗτοι δὲ μήκιστοί τε ἦσαν καὶ ἀλκιμώτατοι τῶν Γαλατῶν ‐ τότε μὲν ὑπὸ προθυμίασ ἔτι ἀντεῖχον βαλλόμενοί τε πανταχόθεν καὶ οὐχ ἧσσον ὑπὸ τοῦ ῥίγουσ, μάλιστα οἱ τραυματίαι, ταλαιπωροῦντεσ·

λιποψυχήσαντα ἐκκομίζουσιν ἐκ τῆσ μάχησ, οἱ δὲ βάρβαροι πανταχόθεν σφίσιν ἐγκειμένων τῶν Ἑλλήνων ὑπέφευγόν τε ἄκοντεσ καὶ ἑαυτῶν τοὺσ ἀδυνάτουσ διὰ τραύματα ἕπεσθαι καὶ ἀρρωστίαν φονεύουσιν.

καὶ οἱ μὲν ἐστρατοπεδεύσαντο ἔνθα νὺξ κατελάμβανεν ἀναχωροῦντασ, ἐν δὲ τῇ νυκτὶ φόβοσ σφίσιν ἐμπίπτει Πανικόσ·

τὰ γὰρ ἀπὸ αἰτίασ οὐδεμιᾶσ δείματα ἐκ τούτου φασὶ γίνεσθαι. ἐνέπεσε μὲν ἐσ τὸ στράτευμα ἡ ταραχὴ περὶ βαθεῖαν τὴν ἑσπέραν, καὶ ὀλίγοι τὸ κατ’ ἀρχὰσ ἐγένοντο οἱ παραχθέντεσ ἐκ τοῦ νοῦ, ἐδόξαζόν τε οὗτοι κτύπου τε ἐπελαυνομένων ἵππων καὶ ἐφόδου πολεμίων <αἰσθάνεσθαι>· μετὰ δὲ οὐ πολὺ καὶ ἐσ ἅπαντασ διέδρα ἡ ἄγνοια. ἀναλαβόντεσ οὖν τὰ ὅπλα καὶ διαστάντεσ ἔκτεινόν τε ἀλλήλουσ καὶ ἀνὰ μέροσ ἐκτείνοντο, οὔτε γλώσσησ τῆσ ἐπιχωρίου συνιέντεσ οὔτε τὰσ ἀλλήλων μορφὰσ οὔτε τῶν θυρεῶν καθορῶντεσ τὰ σχήματα·

ἀλλὰ ἀμφοτέραισ ταῖσ τάξεσιν ὁμοίωσ ὑπὸ τῆσ ἐν τῷ παρόντι ἀγνοίασ οἵ τε ἄνδρεσ οἱ ἀνθεστηκότεσ εἶναί σφισιν Ἕλληνεσ καὶ αὐτοὶ καὶ τὰ ὅπλα ἐφαίνοντο καὶ Ἑλλάδα ἀφιέναι τὴν φωνήν, ἥ τε ἐκ τοῦ θεοῦ μανία πλεῖστον ἐξειργάσατο ὑπ’ ἀλλήλων τοῖσ Γαλάταισ τὸν φόνον. τῶν δὲ Φωκέων ὅσοι κατελίποντο κατὰ τοὺσ ἀγροὺσ φυλακῆσ βοσκημάτων ἕνεκα, πρῶτοί τε ᾔσθοντο καὶ ἀπαγγέλλουσι τοῖσ Ἕλλησι τὰ ἐν τῇ νυκτὶ κατασχόντα τοὺσ βαρβάρουσ.

ἀναθαρσήσαντεσ δὲ οἱ Φωκεῖσ προθυμότερον ἔτι ἐνέκειντο τοῖσ Κελτοῖσ· τε αὐτίκα τοῖσ Γαλάταισ διὰ παντὸσ τοῦ στρατοῦ καὶ σίτου καὶ ὅσα ἐσ τροφὴν ἄλλα ἔνδεια ἰσχυρά.

πλῆθοσ δὲ τὸ ἐν τῇ Φωκίδι αὐτῶν ἀναλωθέν, ὀλίγῳ μὲν ἑξακισχιλίων ἐλάσσονεσ οἱ ἐν ταῖσ μάχαισ, οἱ δ’ ἐν τῇ χειμερίῳ διαφθαρέντεσ νυκτὶ καὶ ὕστερον οἱ ἐν τῷ Πανικῷ δείματι ἐγένοντο ὑπὲρ τοὺσ μυρίουσ, τοσοῦτοι δὲ ἄλλοι καὶ ὑπὸ τοῦ λιμοῦ.

Ἀθηναίων δὲ ἄνδρεσ ἐπισκεψόμενοι μὲν ἀφίκοντο ἐν Δελφοῖσ·

τότε δὲ ἐπανήκοντεσ τά τε ἄλλα ἤγγελλον ὁποῖα συμβεβήκει τοῖσ βαρβάροισ καὶ τὰ ἐκ τοῦ θεοῦ κατειληφότα. οἱ δὲ αὐτοί τε ἐξεστρατεύοντο καὶ ὡσ τὴν Βοιωτίαν διώδευον οἱ Βοιωτοί σφισιν ἀνεμίχθησαν· οὕτω δὴ ἀμφότεροι τοῖσ βαρβάροισ ἐπακολουθοῦντεσ ἐλόχων τε καὶ ἔκτεινον τοὺσ ἀεὶ ἐσχάτουσ. τοῖσ δὲ φεύγουσιν ὁμοῦ τῷ Βρέννῳ καὶ οἱ περὶ τὸν Ἀκιχώριον ἐν τῇ προτέρᾳ νυκτὶ ἀνεμίχθησαν·

βραδεῖαν γὰρ τὴν πορείαν ἐποίησάν σφισιν οἱ Αἰτωλοὶ τοῖσ τε ἀκοντίοισ ἐσ αὐτοὺσ ἀφειδέστερον καὶ ὅτῳ τύχοιεν καὶ ἄλλῳ χρώμενοι, ὥστε ἐσ τὸ στρατόπεδον τὸ πρὸσ τῇ Ἡρακλείᾳ μοῖρα οὐ πολλὴ διέφυγεν ἐξ αὐτῶν. τῷ δὲ Βρέννῳ κατὰ μὲν τὰ τραύματα ἐλείπετο ἔτι σωτηρίασ ἐλπίσ· τῶν δὲ πολιτῶν φόβῳ φασὶν αὐτὸν καὶ τῇ αἰδοῖ πλέον, ἅτε τῶν ἐν τῇ Ἑλλάδι κακῶν αἴτιον, ἑκουσίωσ ἀφεῖναι τὴν ψυχὴν ἀκράτου πίνοντα τοῦ οἴνου. καὶ τὸ ἀπὸ τούτου δὲ οἱ βάρβαροι μέχρι μὲν τοῦ Σπερχειοῦ χαλεπῶσ ἐκομίσθησαν, τῶν Αἰτωλῶν βιαίωσ σφίσιν ἐγκειμένων·

ἀποσωθῆναι.

ἐγένετο δὲ τῶν Κελτῶν στρατεία τε ἐπὶ τὴν Ἑλλάδα καὶ ἡ ἀπώλεια Ἀναξικράτουσ Ἀθήνῃσιν ἄρχοντοσ, δευτέρῳ δὲ ἔτει τῆσ πέμπτησ Ὀλυμπιάδοσ ἐπὶ εἴκοσι καὶ ἑκατόν, ἣν Λάδασ Αἰγιεὺσ ἐνίκα στάδιον·

τῷ δὲ ἔτει τῷ ἐφεξῆσ Δημοκλέουσ Ἀθήνῃσιν ἄρχοντοσ, οἱ δὲ αὖθισ ἐσ τὴν Ἀσίαν διαβαίνουσιν οἱ Κελτοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 23

(파우사니아스, Description of Greece, Φωκικά, Λοκρῶν Ὀζόλων, chapter 23)

상위

목록

SEARCH

MENU NAVIGATION