헬라어 문장 검색 - Παυσαν́Δεσξριπ́10́22́

(파우사니아스, Description of Greece, Φωκικά, Λοκρῶν Ὀζόλων, chapter 22)

ἑβδόμῃ δὲ ὕστερον μετὰ τὴν μάχην λόχοσ τῶν Γαλατῶν ἀνελθεῖν ἐσ τὴν Οἴτην ἐπεχείρησε κατὰ Ἡράκλειαν· ἀτραπὸσ δὲ στενὴ καὶ ταύτῃ μετὰ ταῦτα τὰ ἐρείπια ἀνήκει τὰ Τραχῖνοσ· ἦν δὲ καὶ ἱερὸν Ἀθηνᾶσ τότε ὑπὲρ τῆσ <πόλεωσ> Τραχινίδοσ καὶ ἀναθήματα ἐν αὐτῷ. ἔσ τε οὖν τὴν Οἴτην ἀναβήσεσθαι κατὰ τὴν ἀτραπὸν ἤλπιζον καὶ ἅμα προσέσεσθαί σφισιν ἐν παρέργῳ τὰ ἐκ τοῦ ἱεροῦ τὴν φρουρὰν οἰομένου Τελεσάρχῳ. καὶ νικῶσι μὲν τοὺσ βαρβάρουσ τῇ μάχῃ, αὐτὸσ δὲ ἔπεσεν ὁ Τελέσαρχοσ, ἀνήρ εἴπερ τισ καὶ ἄλλοσ πρόθυμοσ ἐσ τὰ Ἑλλήνων. οἱ μὲν δὴ ἡγεμόνεσ τῶν βαρβάρων οἱ ἄλλοι κατεπεπλήγεσαν τὸ Ἑλληνικόν, καὶ ἠπόρουν ἅμα ὑπὲρ τῶν μελλόντων, ἐσ οὐδέν σφισι πλέον προχωροῦντα ὁρῶντεσ τὰ ἐν χερσί·

τῷ δὲ Βρέννῳ λογισμὸσ παρίστατο ὡσ εἰ ἀναγκάσει τοὺσ Αἰτωλοὺσ οἴκαδε ἐσ τὴν Αἰτωλίαν ἀναχωρῆσαι, ῥᾴων ἤδη γενήσοιτο ὁ πόλεμοσ αὐτῷ πρὸσ τὸ Ἑλληνικόν. ἀπολέξασ οὖν τῆσ στρατιᾶσ μυριάδασ τοὺσ πεζοὺσ τέσσαρασ καὶ ὅσον ὀκτακοσίουσ ἱππέασ, Ὀρεστόριόν τε αὐτοῖσ καὶ Κόμβουτιν ἐφίστησιν ἄρχοντασ, οἳ ὀπίσω κατὰ τοῦ Σπερχειοῦ τὰσ γεφύρασ καὶ αὖθισ διὰ Θεσσαλίασ ὁδεύσαντεσ ἐμβάλλουσιν ἐσ τὴν Αἰτωλίαν· καὶ τὰ ἐσ Καλλιέασ Κόμβουτισ οἱ ἐργασάμενοι καὶ Ὀρεστόριοσ ἦσαν, ἀνοσιώτατά τε ὧν ἀκοῇ ἐπιστάμεθα καὶ οὐδὲν τοῖσ ἀνθρώπων τολμήμασιν ὅμοια.

γένοσ μέν γε πᾶν ἐξέκοψαν τὸ ἄρσεν, καὶ ὁμοίωσ γέροντέσ τε καὶ τὰ νήπια ἐπὶ τῶν μητέρων τοῖσ μαστοῖσ ἐφονεύετο·

τούτων δὲ καὶ τὰ ὑπὸ τοῦ γάλακτοσ πιότερα ἀποκτείνοντεσ ἔπινόν τε οἱ Γαλάται τοῦ αἵματοσ καὶ ἥπτοντο τῶν σαρκῶν. γυναῖκεσ δὲ καὶ ὅσοι ἐν ὡρ́ᾳ τῶν παρθένων, ὅσαι μὲν φρονήματόσ τι αὐτῶν εἶχον, ἑαυτὰσ ἔφθησαν ὡσ ἡλίσκετο ἡ πόλισ διειργασμέναι·

τὰσ δὲ ἔτι περιούσασ ἐσ ἰδέαν ὕβρεωσ πᾶσαν μετὰ ἀνάγκησ ἦγον ἰσχυρᾶσ, ἅτε ἴσον μὲν ἐλέου, ἴσον δὲ τὰσ φύσεισ καὶ ἔρωτοσ ἀπέχοντεσ. καὶ ὅσαι μὲν τῶν γυναικῶν ταῖσ μαχαίραισ τῶν Γαλατῶν ἐπετύγχανον, αὐτοχειρίᾳ τὰσ ψυχὰσ ἠφίεσαν· ταῖσ δὲ οὐ μετὰ πολὺ ὑπάρξειν τὸ χρεὼν ἔμελλεν ἥ τε ἀσιτία καὶ ἡ ἀυπνία, ἀστέγων βαρβάρων ἐκ διαδοχῆσ ἀλλήλοισ ὑβριζόντων· οἱ δὲ καὶ ἀφιείσαισ τὰσ ψυχάσ, οἱ δὲ καὶ ἤδη νεκραῖσ συνεγίνοντο ὅμωσ. Αἰτωλοὶ δὲ πεπυσμένοι τε παρὰ ἀγγέλων ἦσαν ὁποῖαι σφᾶσ κατειλήφεσαν συμφοραὶ καὶ αὐτίκα ὡσ τάχουσ εἶχον ἀναστήσαντεσ ἀπὸ τῶν Θερμοπυλῶν τὴν δύναμιν ἠπείγοντο ἐσ τὴν Αἰτωλίαν, τά τε παθήματα τῶν Καλλιέων ἐν ὀργῇ ποιούμενοι καὶ πλέον ἔτι τὰσ οὐχ ἑαλωκυίασ πω διασώσασθαι πόλεισ προθυμούμενοι.

ἐξεστρατεύοντο δὲ καὶ οἴκοθεν ἀπὸ τῶν πόλεων πασῶν οἱ ἐν ἡλικίᾳ, ἀναμεμιγμένοι δ’ ἦσαν ὑπὸ ἀνάγκησ τε καὶ φρονήματοσ καὶ οἱ γεγηρακότεσ· συνεστρατεύοντο δέ σφισι καὶ αἱ γυναῖκεσ ἑκουσίωσ, πλέον ἐσ τοὺσ Γαλάτασ καὶ τῶν ἀνδρῶν τῷ θυμῷ χρώμεναι. ὡσ δὲ οἱ βάρβαροι συλήσαντεσ τούσ τε οἴκουσ καὶ τὰ ἱερὰ καὶ ἐνέντεσ πῦρ ἐσ τὸ Κάλλιον ἐκομίζοντο τὴν αὐτήν, ἐνταῦθα Πατρεῖσ μὲν ἐπικουροῦντεσ Αἰτωλοῖσ Ἀχαιῶν μόνοι προσέκειντο ἐξ ἐναντίασ τοῖσ βαρβάροισ ἅτε ὁπλιτεύειν δεδιδαγμένοι, καὶ ὑπὸ πλήθουσ τε τῶν Γαλατῶν καὶ τῆσ ἐσ τὰ ἔργα ἀπονοίασ μάλιστα ἐταλαιπώρησαν·

οἱ δὲ Αἰτωλοὶ καὶ αἱ γυναῖκεσ αἱ Αἰτωλαὶ παρὰ πᾶσαν τεταγμένοι τὴν ὁδὸν ἐσηκόντιζόν τε ἐσ τοὺσ βαρβάρουσ, καὶ οὐδὲν ἄλλο ὅτι μὴ τοὺσ ἐπιχωρίουσ ἐχόντων θυρεοὺσ ὀλίγα αὐτῶν ἡμάρτανον, διώκοντάσ τε ἀπέφευγον οὐ χαλεπῶσ καὶ ἀναστρέφουσιν ἀπὸ τῆσ διώξεωσ ἐπέκειντο αὖθισ σπουδῇ.

Καλλιεῦσι δὲ καίπερ δεινὰ οὕτω παθοῦσιν ὡσ μηδὲ τὰ ὑπὸ Ὁμήρου πεποιημένα ἔσ τε Λαιστρυγόνασ καὶ ἐσ Κύκλωπα ἐκτὸσ εἶναι δοκεῖν ἀληθείασ, ὅμωσ κατὰ τὴν ἀξίαν ἐγίνετο ἡ ὑπὲρ αὐτῶν δίκη·

ἀπὸ γὰρ τεσσάρων μυριάδων προσόντων σφίσιν ὀκτακοσίων ἐλάσσονεσ ἡμίσεων ἐσ τὸ στρατόπεδον οἱ βάρβαροι τὸ πρὸσ Θερμοπύλαισ ἀπεσώθησαν. περὶ δὲ τοὺσ Ἕλληνασ ἐν τῷ αὐτῷ χρόνῳ τοὺσ ἐν Θερμοπύλαισ συνέβαινεν ἄλλα τοιαῦτα.

ἀτραπόσ ἐστι διὰ τοῦ ὄρουσ τῆσ Οἴτησ, μία μὲν ἡ ὑπὲρ Τραχῖνοσ ἀπότομόσ τε τὰ πλείω καὶ ὄρθιοσ δεινῶσ, ἑτέρα δὲ ἡ διὰ τῆσ Αἰνιάνων ὁδεῦσαι στρατῷ ῥᾴων, δι’ ἧσ καὶ Ὑδάρνησ ποτὲ Μῆδοσ κατὰ νώτου τοῖσ περὶ Λεωνίδην ἐπέθετο Ἕλλησι. κατὰ ταύτην τὴν ὁδὸν ἐπηγγέλλοντο ἄξειν Βρέννον οἱ Ἡρακλεῶται καὶ οἱ Αἰνιᾶνεσ, οὐ κακονοίᾳ τῇ ἐσ τὸ Ἑλληνικόν, τοὺσ δὲ Κελτοὺσ ἐκ τῆσ χώρασ σφίσιν ἀπελθεῖν μηδὲ ἐγκαθημένουσ φθείρειν περὶ πολλοῦ ποιούμενοι.

καί μοι φαίνεται Πίνδαροσ ἀληθῆ καὶ ἐν τῷδε εἰπεῖν, ὃσ πάντα τινὰ ὑπὸ κακῶν οἰκείων ἔφη πιέζεσθαι, ἐπὶ δὲ ἀλλοτρίοισ κήδεσιν ἀπήμαντον εἶναι.

τότε δὲ ἡ τῶν Αἰνιάνων καὶ ἡ τῶν Ἡρακλεωτῶν ὑπόσχεσισ ἐπήγειρε τὸν Βρέννον·

καὶ Ἀκιχώριον μὲν κατέλιπεν ἐπὶ τῇ στρατιᾷ, προειπών, ἐπειδὰν περιλάβωσιν αὐτοὶ τὸ Ἑλληνικόν, τηνικαῦτα καὶ ἐκείνοισ ἐφόδου καιρὸν εἶναι· ἀπολέξασ δὲ αὐτὸσ μυριάδασ τοῦ στρατοῦ τέσσαρασ ἐποιεῖτο τὴν ὁδὸν διὰ τῆσ ἀτραποῦ. καί πωσ ἐπ’ ἐκείνησ συνέβαινε τῆσ ἡμέρασ τήν τε ὁμίχλην κατὰ τοῦ ὄρουσ καταχεῖσθαι πολλὴν καὶ ἀμαυρὸν ὑπ’ αὐτῆσ εἶναι τὸν ἥλιον, ὥστε τῶν Φωκέων τοῖσ ἔχουσιν ἐπὶ τῇ ἀτραπῷ τὴν φρουρὰν οὐ πρότερον ἐπιόντεσ οἱ βάρβαροι παρέσχοντο αἴσθησιν πρὶν ἢ πλησίον ἐγεγόνεσαν.

ἐνταῦθα δὲ οἱ μὲν μάχησ ἦρχον, οἱ δὲ ἠμύνοντο ἐρρωμένωσ, τέλοσ δὲ ἐβιάσθησαν καὶ ἀναχωροῦσιν ἀπὸ τῆσ ἀτραποῦ· καταδραμόντεσ μέντοι παρὰ τοὺσ συμμάχουσ καὶ ἀπαγγείλαντεσ τὰ παρόντα ἔφθησαν πρὶν ἢ ἀκριβῆ καὶ πανταχόθεν τελέαν γενέσθαι τοῦ Ἑλληνικοῦ τὴν κύκλωσιν. ἔνθα δὴ οἱ ἐπὶ τῶν τριήρων Ἀθηναῖοι φθάνουσιν ὑπεξαγαγόντεσ ἐκ τῶν Θερμοπυλῶν τὸ Ἑλληνικόν·

καὶ οἱ μὲν κατὰ τὰσ πατρίδασ ἕκαστοι τὰσ αὑτῶν ἐσκεδάσθησαν, ὁ δὲ Βρέννοσ οὐδένα ἔτι ἐπισχὼν χρόνον, πρὶν ἢ τοὺσ ἀπὸ τοῦ στρατοπέδου τοῦ σὺν τῷ Ἀκιχωρίῳ παραγενέσθαι, τὴν ὁδὸν ἐποιεῖτο ἐπὶ τοὺσ Δελφούσ. οἱ δὲ καταφεύγουσιν ὑπὸ δείματοσ ἐπὶ τὸ χρηστήριον· ἐπηγγέλλετο τὰ ἑαυτοῦ.

οἱ δὲ ἀφικόμενοι τιμωρεῖν τῷ θεῷ τοσοίδε ἐγένοντο Ἑλλήνων·

Φωκεῖσ μὲν ἀπὸ τῶν πόλεων πασῶν, ἐκ δὲ Ἀμφίσσησ ὁπλῖται τετρακόσιοι, παρὰ δὲ Αἰτωλῶν ὀλίγοι μέν τινεσ αὐτίκα, ὅτε ἐπύθοντο ἐσ τὸ πρόσω χωροῦντασ τοὺσ βαρβάρουσ, διακοσίουσ δὲ καὶ χιλίουσ Φιλόμηλοσ ἤγαγεν ὕστερον. τὸ δὲ μάλιστα ἐν ἀκμῇ τῶν Αἰτωλῶν ἐτράπετο ἐπὶ τὴν μετὰ τοῦ Ἀκιχωρίου στρατιάν, καὶ μάχησ μὲν οὐκ ἦρχον, ὁδευόντων δὲ ἐπέκειντο ἀεὶ τοῖσ ἐσχάτοισ ἁρπάζοντέσ τε τὰ τῶν σκευαγωγούντων καὶ αὐτοὺσ τοὺσ ἄνδρασ φονεύοντεσ· καὶ ἡ πορεία κατὰ ταύτην μάλιστα ἐγίνετό σφισι βραδεῖα τὴν αἰτίαν. κατέλιπε δὲ καὶ περὶ τὴν Ἡράκλειαν ὁ Ἀκιχώριοσ μοῖραν, οἳ ἔμελλον φρουρήσειν τὰ ἐπὶ τοῦ στρατοπέδου χρήματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 22

(파우사니아스, Description of Greece, Φωκικά, Λοκρῶν Ὀζόλων, chapter 22)

상위

목록

SEARCH

MENU NAVIGATION