헬라어 문장 검색 - Παυσαν́Δεσξριπ́10́21́

(파우사니아스, Description of Greece, Φωκικά, Λοκρῶν Ὀζόλων, chapter 21)

προελθὼν οὖν ἀπὸ τῆσ Ἡρακλείασ ‐ ἐπυνθάνετο γὰρ παρὰ αὐτομόλων τοὺσ συνειλεγμένουσ ἐσ Πύλασ ἀπὸ ἑκάστησ πόλεωσ ‐ ὑπερεφρόνει τε τοῦ Ἑλληνικοῦ καὶ ἦρχεν ἐσ τὴν ἐπιοῦσαν μάχησ ἅμα ἀνίσχοντι τῷ ἡλίῳ, οὔτε Ἕλληνα ἔχων μάντιν οὔτε ἱεροῖσ ἐπιχωρίοισ χρώμενοσ, εἰ δὴ ἔστι γε μαντεία Κελτική. ἐνταῦθα οἱ Ἕλληνεσ ἐν σιγῇ τε ἐπῄεσαν καὶ ἐν κόσμῳ· ὥστε τὴν φάλαγγα ἐπιταράσσειν τὴν οἰκείαν καὶ οἱ ψιλοὶ μένοντεσ κατὰ χώραν τά τε ἀκόντια ἔπεμπον καὶ ὅσα ἀπὸ τῶν τόξων ἢ σφενδονῶν.

τὰ δὲ ἱππικὰ ἀμφοτέροισ ἀχρεῖα ἐγένετο ἅτε οὐ στενοῦ μόνον χωρίου τοῦ μετὰ τὰσ Πύλασ ὄντοσ ἀλλὰ καὶ ὑπὸ αὐτοφυοῦσ πέτρασ λείου καὶ διὰ τῶν ῥευμάτων τὸ συνεχὲσ τὰ πλείονα καὶ ὀλισθηροῦ.

τοῖσ δὲ Γαλάταισ τὰ μὲν τῆσ σκευῆσ ἀσθενέστερα ἦν ‐ θυρεοὺσ γὰρ τοὺσ ἐπιχωρίουσ εἶχον, καὶ ἄλλο σφίσιν οὐκ ἦν ὅπλον σκέπη σώματοσ ‐ , πλέον δὲ ἔτι ἐμπειρίᾳ τῇ ἐσ τὰ πολεμικὰ ἀπέδεον. οἱ δὲ ἐν ὀργῇ τε ἐπὶ τοὺσ ἐναντίουσ καὶ θυμῷ μετὰ οὐδενὸσ λογισμοῦ καθάπερ τὰ θηρία ἐχώρουν·

καὶ οὔτε πελέκεσι διαιρουμένουσ ἢ ὑπὸ μαχαιρῶν <ἡ> ἀπόνοια τοὺσ ἔτι ἐμπνέοντασ ἔτι ἀπέλειπεν, οὔτε ὅσοι βέλεσι καὶ ἀκοντίοισ διεπείροντο, ὑφῄρουν τοῦ θυμοῦ, μέχρι οὗ παρέμενεν ἡ ψυχή· οἱ δὲ καὶ ἐκ τῶν τραυμάτων τὰ δόρατα οἷσ ἐβέβληντο ἀνασπῶντεσ ἠφίεσάν τε ἐσ τοὺσ Ἕλληνασ καὶ ἐχρῶντο ἐκ χειρόσ. ἐν τούτῳ δὲ οἱ ἐπὶ τῶν τριήρων Ἀθηναῖοι μόγισ μὲν καὶ οὐκ ἄνευ κινδύνου, παραπλεύσαντεσ δὲ ὅμωσ διὰ τῆσ ἰλύοσ, <ἣ> ἐπὶ πλεῖστον ἐπέχει τῆσ θαλάσσησ, καὶ τὰσ ναῦσ ὅτι ἐγγύτατα τῶν βαρβάρων σχόντεσ, βέλεσί τε παντοίοισ ἐσ τὰ πλάγια καὶ τοξεύμασιν ἐσ αὐτοὺσ ἐχρῶντο.

καμνόντων δὲ λόγου μειζόνωσ τῶν Κελτῶν καὶ ἅτε ἐν στενοχωρίᾳ μικρὰ μὲν δρώντων, διπλάσια δὲ καὶ τετραπλάσια πασχόντων, ἀναχωρεῖν ἐσ τὸ στρατόπεδον ἐσήμαινόν σφισιν <οἱ> ἡγεμόνεσ. συνεπατήθησαν ὑπὸ ἀλλήλων, πολλοὶ δὲ ἐσ τὸ τέλμα ἐμπεσόντεσ ἠφανίσθησαν κατὰ τοῦ πηλοῦ, καὶ ἀπώλεια οὐκ ἐλάσσων ἀναχωροῦσιν αὐτοῖσ ἢ ἐν τοῦ ἀγῶνοσ συνέβη τῇ ἀκμῇ.

τοὺσ μὲν δὴ Ἕλληνασ τὸ Ἀττικὸν ὑπερεβάλετο ἀρετῇ τὴν ἡμέραν ταύτην·

αὐτῶν δὲ Ἀθηναίων Κυδίασ μάλιστα ἐγένετο ἀγαθόσ, νέοσ τε ἡλικίαν καὶ τότε ἐσ ἀγῶνα ἐλθὼν πολέμου πρῶτον. ἀποθανόντοσ δὲ ὑπὸ τῶν Γαλατῶν τὴν ἀσπίδα οἱ προσήκοντεσ ἀνέθεσαν τῷ Ἐλευθερίῳ Διί, καὶ ἦν τὸ ἐπίγραμμα· ημαρλα δὴ ποθέουσα νέαν ἔτι Κυδίου ἥβηνἀσπὶσ ἀριζήλου φωτόσ, ἄγαλμα Διί,ἇσ διὰ δὴ πρώτασ λαιὸν τότε πῆχυν ἔτεινεν,εὖτ’ ἐπὶ τὸν Γαλάταν ἤκμασε θοῦροσ Ἄρησ. τοῦτο μὲν δὴ ἐπεγέγραπτο πρὶν ἢ τοὺσ ὁμοῦ Σύλλᾳ καὶ ἄλλα τῶν Ἀθήνῃσι καὶ τὰσ ἐν τῇ στοᾷ τοῦ Ἐλευθερίου Διὸσ καθελεῖν ἀσπίδασ·

τότε δὲ ἐν ταῖσ Θερμοπύλαισ οἱ μὲν Ἕλληνεσ μετὰ τὴν μάχην τούσ τε αὑτῶν ἔθαπτον καὶ ἐσκύλευον τοὺσ βαρβάρουσ, οἱ Γαλάται δὲ οὔτε ὑπὲρ ἀναιρέσεωσ τῶν νεκρῶν ἐπεκηρυκεύοντο ἐποιοῦντό τε ἐπ’ ἴσησ γῆσ σφᾶσ τυχεῖν ἢ θηρία τε αὐτῶν ἐμφορηθῆναι καὶ ὅσον τεθνεῶσι πολέμιόν ἐστιν ὀρνίθων. ὀλιγώρωσ δὲ αὐτοὺσ ἐσ τῶν ἀπογινομένων ἔχειν τὰσ ταφὰσ δύο ἐμοὶ δοκεῖν τὰ ἀναπείθοντα ἦν, πολεμίουσ τε ἄνδρασ ἐκπλῆξαι καὶ ὅτι ἔστι τεθνεώτων οὐ δι’ ἔθουσ οἶκτοσ αὐτοῖσ.

ἀπέθανον δὲ παρὰ τὴν μάχην τεσσαράκοντα μὲν τοῦ Ἑλληνικοῦ, τοὺσ δὲ τῶν βαρβάρων οὐχ οἱο͂́ν τε ἦν ἀκριβῶσ ἐξευρεῖν· πολὺ γὰρ καὶ τὸ ἀφανισθὲν κατὰ τῆσ ἰλύοσ ἐγένετο ἐξ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Φωκικά, Λοκρῶν Ὀζόλων, chapter 21

(파우사니아스, Description of Greece, Φωκικά, Λοκρῶν Ὀζόλων, chapter 21)

상위

목록

SEARCH

MENU NAVIGATION