헬라어 문장 검색 - Παυσαν́Δεσξριπ́10́19́

(파우사니아스, Description of Greece, Φωκικά, Λοκρῶν Ὀζόλων, chapter 19)

παρὰ δὲ τὸν Γοργίαν ἀνάθημά ἐστιν Ἀμφικτυόνων Σκιωναῖοσ Σκύλλισ, ὃσ καταδῦναι καὶ ἐσ τὰ βαθύτατα θαλάσσησ πάσησ ἔχει φήμην· ἐδιδάξατο δὲ καὶ Ὕδναν τὴν θυγατέρα δύεσθαι. οὗτοι περὶ τὸ ὄροσ τὸ Πήλιον ἐπιπεσόντοσ ναυτικῷ τῷ Ξέρξου βιαίου χειμῶνοσ προσεξειργάσαντό σφισιν ἀπώλειαν, τάσ τε ἀγκύρασ καὶ εἰ δή τι ἄλλο ἔρυμα ταῖσ τριήρεσιν ἦν ὑφέλκοντεσ.

ἀντὶ τούτου μὲν οἱ Ἀμφικτύονεσ καὶ αὐτὸν Σκύλλιν καὶ τὴν παῖδα ἀνέθεσαν· ἐν δὲ τοῖσ ἀνδριᾶσιν ὁπόσουσ Νέρων ἔλαβεν ἐκ Δελφῶν, ἐν τούτοισ τὸν ἀριθμὸν καὶ τῆσ Ὕδνησ ἀπεπλήρωσεν ἡ εἰκών. καταδύονται δὲ ἐσ θάλασσαν γένουσ τοῦ θήλεοσ αἱ καθαρῶσ ἔτι παρθένοι. τὸ ἀπὸ τούτου δὲ ἔρχομαι διηγησόμενοσ λόγον Λέσβιον.

ἁλιεῦσιν ἐν Μηθύμνῃ τὰ δίκτυα ἀνείλκυσεν ἐκ θαλάσσησ πρόσωπον ἐλαίασ ξύλου πεποιημένον· τοῦτο ἰδέαν παρείχετο φέρουσαν μὲν τοι ἐσ τὸ θεῖον, ξένην δὲ καὶ ἐπὶ θεοῖσ Ἑλληνικοῖσ οὐ καθεστῶσαν. εἴροντο οὖν οἱ Μηθυμναῖοι τὴν Πυθίαν ὅτου θεῶν ἢ καὶ ἡρώων ἐστὶν ἡ εἰκών· ἡ δὲ αὐτοὺσ σέβεσθαι Διόνυσον Φαλλῆνα ἐκέλευσεν.

ἐπὶ τούτῳ οἱ Μηθυμναῖοι ξόανον μὲν τὸ ἐκ τῆσ θαλάσσησ παρὰ σφίσιν ἔχοντεσ καὶ θυσίαισ καὶ εὐχαῖσ τιμῶσι, χαλκοῦν δὲ ἀποπέμπουσιν ἐσ Δελφούσ. τὰ δὲ ἐν τοῖσ ἀετοῖσ, ἔστιν Ἄρτεμισ καὶ Λητὼ καὶ Ἀπόλλων καὶ Μοῦσαι δύσισ τε Ἡλίου καὶ Διόνυσόσ τε καὶ αἱ γυναῖκεσ αἱ Θυιάδεσ.

τὰ μὲν δὴ πρῶτα αὐτῶν Ἀθηναῖοσ Πραξίασ μαθητὴσ Καλάμιδόσ ἐστιν <ὁ> ἐργασάμενοσ· χρόνου δὲ ὡσ ὁ ναὸσ ἐποιεῖτο ἐγγινομένου Πραξίαν μὲν ἔμελλεν ἀπάξειν τὸ χρεών, τὰ δὲ ὑπολειπόμενα τοῦ ἐν τοῖσ ἀετοῖσ κόσμου ἐποίησεν Ἀνδροσθένησ, γένοσ μὲν καὶ οὗτοσ Ἀθηναῖοσ, μαθητὴσ δὲ Εὐκάδμου. ὅπλα δὲ ἐπὶ τῶν ἐπιστυλίων χρυσᾶ, Ἀθηναῖοι μὲν τὰσ ἀσπίδασ ἀπὸ τοῦ ἔργου τοῦ Μαραθῶνι ἀνέθεσαν, Αἰτωλοὶ δὲ τά τε ὄπισθεν καὶ τὰ ἐν ἀριστερᾷ Γαλατῶν δὴ ὅπλα· σχῆμα δὲ αὐτῶν ἐστιν ἐγγυτάτω τῶν Περσικῶν γέρρων. Γαλατῶν δὲ τῆσ ἐσ τὴν Ἑλλάδα ἐπιστρατείασ ἔχει μέν τινα μνήμην καὶ ἡ ἐσ τὸ βουλευτήριον ἡμῖν τὸ Ἀττικὸν συγγραφή·

προάγειν δὲ ἐσ τὸ σαφέστερον τὰ ἐσ αὐτοὺσ ἠθέλησα ἐν τῷ λόγῳ τῷ ἐσ Δελφούσ, ὅτι ἔργων τῶν ἐπὶ τοὺσ βαρβάρουσ τὰ μέγιστα Ἕλλησιν ἐνταῦθα ἦν. ὑπερόριον μὲν οἱ Κελτοὶ στρατείαν πρώτην ὑπὸ ἡγεμόνι ἐποιήσαντο Καμβαύλῃ· προελθόντεσ δὲ ἄχρι τῆσ Θρᾴκησ τὸ πρόσω τῆσ πορείασ οὐκ ἀπεθάρσησαν, καταγνόντεσ αὑτῶν ὅτι ὀλίγοι τε ἦσαν καὶ οὐκ ἀξιόμαχοι κατ’ ἀριθμὸν Ἕλλησιν. ἐπεὶ δὲ καὶ δεύτερον ἐπιφέρειν ἐδόκει ὅπλα ἐπὶ τὴν ἄλλων ‐ ἐνῆγον δὲ μάλιστα οἱ ὁμοῦ Καμβαύλῃ ἐκστρατεύσαντεσ ἅτε λῃστειῶν τε ἤδη γεγευμένοι καὶ ἁρπαγῆσ καὶ κερδῶν ἐσ ἔρωτα ἥκοντεσ ‐ , πολὺσ μὲν δὴ πεζόσ, οὐκ ἐλάχιστοι δὲ ἠθροίσθησαν καὶ ἐσ τὸ ἱππικόν·

ἐσ μοίρασ οὖν τρεῖσ ἔνεμον οἱ ἡγεμόνεσ τὸν στρατόν, καὶ ἄλλοσ ἐξ αὐτῶν ἐπὶ ἄλλην ἐτέτακτο ἰέναι χώραν.

ἐπὶ μὲν οὖν Θρᾷκασ καὶ τὸ ἔθνοσ τὸ Τριβαλλῶν ἔμελλε Κερέθριοσ ἡγήσεσθαι·

τοῖσ δὲ ἐσ Παιονίαν ἰοῦσι Βρέννοσ ἦσαν καὶ Ἀκιχώριοσ ἄρχοντεσ· Βόλγιοσ δὲ ἐπὶ Μακεδόνασ τε καὶ Ἰλλυριοὺσ ἤλασε, καὶ ἐσ ἀγῶνα πρὸσ Πτολεμαῖον κατέστη τότε ἔχοντα τὴν Μακεδόνων βασιλείαν. Πτολεμαῖοσ δὲ ἦν οὗτοσ ὃσ Σέλευκόν τε ἐδολοφόνησε τὸν Ἀντιόχου, καταπεφευγὼσ ὅμωσ ἱκέτησ ὡσ αὐτόν, καὶ εἶχεν ἐπίκλησιν Κεραυνὸσ διὰ τὸ ἄγαν τολμηρόν. καὶ ὁ μὲν αὐτόσ τε ὁ Πτολεμαῖοσ ἀπέθανεν ἐν τῇ μάχῃ καὶ τῶν Μακεδόνων ἐγένετο οὐκ ἐλαχίστη φθορά· προελθεῖν δὲ ὡσ ἐπὶ τὴν Ἑλλάδα οὐδὲ τότε ἐθάρσησαν οἱ Κελτοί, καὶ ὁ δεύτεροσ οὕτω στόλοσ ἐπανῆλθεν ἐσ τὴν οἰκείαν. ἔνθα δὴ ὁ Βρέννοσ πολὺσ μὲν ἐν συλλόγοισ τοῖσ κοινοῖσ, πολὺσ δὲ καθ’ ἕκαστον ἦν τῶν ἐν τέλει Γαλατῶν ἐπὶ τὴν Ἑλλάδα ἐπαίρων στρατεύεσθαι, ἀσθένειάν τε Ἑλλήνων τὴν ἐν τῷ παρόντι διηγούμενοσ καὶ ὡσ χρήματα πολλὰ μὲν ἐν τῷ κοινῷ, πλείονα δὲ ἐν ἱεροῖσ τά τε ἀναθήματα καὶ ἄργυροσ καὶ χρυσόσ ἐστιν ἐπίσημοσ·

ἀνέπεισέ τε δὴ τοὺσ Γαλάτασ ἐλαύνειν ἐπὶ τὴν Ἑλλάδα, καὶ αὑτῷ συνάρχοντασ ἄλλουσ τε προσείλετο τῶν ἐν τέλει καὶ τὸν Ἀκιχώριον. ὁ δὲ ἀθροισθεὶσ στρατὸσ πεζοὶ μὲν μυριάδεσ ἐγένοντο πεντεκαίδεκα προσόντων σφίσι δισχιλίων, οἱ δὲ ἱππεύοντεσ τετρακόσιοι καὶ δισμύριοι.

τοσοῦτοι μὲν ἦσαν τῶν ἱππέων τὸ ἀεὶ ἐνεργόν, ἀριθμὸσ δὲ αὐτῶν ὁ ἀληθὴσ διακόσιοί τε καὶ χίλιοι καὶ ἓξ μυριάδεσ·

δύο γὰρ οἰκέται περὶ ἕκαστον τῶν ἱππευόντων ἦσαν, ἀγαθοὶ καὶ αὐτοὶ τὰ ἱππικὰ καὶ ἵππουσ ὁμοίωσ ἔχοντεσ. Γαλατῶν δὲ τοῖσ ἱππεύουσιν ἀγῶνοσ συνεστηκότοσ ὑπομένοντεσ τῆσ τάξεωσ ὄπισθεν οἱ οἰκέται τοσάδε σφίσιν ἐγίνοντο χρήσιμοι·

τῷ γὰρ ἱππεῖ συμβὰν ἢ τῷ ἵππῳ πεσεῖν, τὸν μὲν ἵππον παρεῖχεν ἀναβῆναι τῷ ἀνδρί, τελευτήσαντοσ δὲ τοῦ ἀνδρὸσ ὁ δοῦλοσ ἀντὶ τοῦ δεσπότου τὸν ἵππον ἀνέβαινεν· εἰ δὲ ἀμφοτέρουσ ἐπιλάβοι τὸ χρεών, ἐνταῦθα ἕτοιμοσ ἦν ἱππεύσ. λαμβανόντων δὲ τραύματα αὐτῶν, ὁ μὲν ὑπεξῆγε τῶν δούλων ἐσ τὸ στρατόπεδον τὸν τραυματίαν, ὁ δὲ καθίστατο ἐσ τὴν τάξιν ἀντὶ τοῦ ἀπελθόντοσ. ταῦτα ἐμοὶ δοκεῖν ἐνομίσθη τοῖσ Γαλάταισ <ἐσ> μίμησιν τοῦ ἐν Πέρσαισ ἀριθμοῦ τῶν μυρίων, οἳ ἐκαλοῦντο Ἀθάνατοι.

διάφορα δὲ ἦν, ὅτι κατελέγοντο ἀντὶ τῶν ἀποθνησκόντων ὑπὸ μὲν Περσῶν τῆσ μάχησ ὕστερον, Γαλάταισ δὲ ὑπ’ αὐτὴν τοῦ ἔργου τὴν ἀκμὴν ὁ ἀριθμὸσ ἀπεπληροῦτο τῶν ἱππέων. τοῦτο ὠνόμαζον τὸ σύνταγμα τριμαρκισίαν τῇ ἐπιχωρίῳ φωνῇ· καὶ ἵππῳ τὸ ὄνομα ἴστω τισ μάρκαν ὂν τὰ ὑπὸ τῶν Κελτῶν. παρασκευῇ μὲν τοσαύτῃ καὶ μετὰ διανοίασ τοιαύτησ ἐπὶ τὴν Ἑλλάδα ὁ Βρέννοσ ἤλαυνε·

τοῖσ δέ γε Ἕλλησι κατεπεπτώκει μὲν ἐσ ἅπαν τὰ φρονήματα, τὸ δὲ ἰσχυρὸν τοῦ δείματοσ προῆγεν ἐσ ἀνάγκην τῇ Ἑλλάδι ἀμύνειν. ἑώρων δὲ τὸν ἐν τῷ παρόντι ἀγῶνα οὐχ ὑπὲρ ἐλευθερίασ γενησόμενον, καθὰ ἐπὶ τοῦ Μήδου ποτέ, οὐδὲ δοῦσιν ὕδωρ καὶ γῆν τὰ ἀπὸ τούτου σφίσιν ἄδειαν φέροντα·

ἀλλὰ τά τε ἐσ Μακεδόνασ καὶ Θρᾷκασ καὶ Παίονασ τὰ ἐπὶ τῆσ προτέρασ καταδρομῆσ τῶν Γαλατῶν ἔτι σφίσιν ἔκειτο ἐν μνήμῃ, καὶ τὰ ἐν τῷ παρόντι τὰ ἐσ Θεσσαλοὺσ παρανομήματα ἀπηγγέλλετο. ὡσ οὖν ἀπολωλέναι <δέον> ἢ δ’ οὖν ἐπικρατεστέρουσ εἶναι, κατ’ ἄνδρα τε ἰδίᾳ καὶ αἱ πόλεισ διέκειντο ἐν κοινῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 19

(파우사니아스, Description of Greece, Φωκικά, Λοκρῶν Ὀζόλων, chapter 19)

상위

목록

SEARCH

MENU NAVIGATION