헬라어 문장 검색 - Παυσαν́Δεσξριπ́10́06́

(파우사니아스, Description of Greece, Φωκικά, Λοκρῶν Ὀζόλων, chapter 6)

πόλιν δὲ ἀρχαιοτάτην οἰκισθῆναί φασιν ἐνταῦθα ὑπὸ Παρνασσοῦ, Κλεοδώρασ δὲ εἶναι νύμφησ παῖδα αὐτόν· καί οἱ πατέρασ, καθάπερ γε καὶ ἄλλοισ τῶν καλουμένων ἡρώων, Ποσειδῶνά τε θεὸν καὶ Κλεόπομπον ἄνδρα ἐπονομάζουσιν. ἀπὸ τούτου δὲ τοῦ Παρνασσοῦ τῷ τε ὄρει τὸ ὄνομα τεθῆναι λέγουσι καὶ ἀπὸ τούτου Παρνασσίαν ὀνομασθῆναι νάπην·

τῶν πετομένων τε ὀρνίθων τὴν ἀπ’ αὐτῶν μαντείαν γενέσθαι Παρνασσοῦ τὸ εὑρ́ημα. ταύτην μὲν οὖν κατακλυσθῆναι τὴν πόλιν ὑπὸ τῶν ὄμβρων τῶν κατὰ Δευκαλίωνα συμβάντων·

τῶν δὲ ἀνθρώπων ὅσοι διαφυγεῖν τὸν χειμῶνα ἠδυνήθησαν, λύκων ὠρυγαῖσ ἀπεσώθησαν ἐσ τοῦ Παρνασσοῦ τὰ ἄκρα ὑπὸ ἡγεμόσι τῆσ πορείασ τοῖσ θηρίοισ, πόλιν δὲ ἣν ἔκτισαν ἐκάλεσαν ἐπὶ τούτῳ Λυκώρειαν. λέγεται δὲ καὶ ἄλλοσ διάφοροσ λόγοσ τῷ προτέρῳ, Ἀπόλλωνι ἐκ νύμφησ Κωρυκίασ γενέσθαι Λύκωρον, καὶ ἀπὸ μὲν Λυκώρου πόλιν Λυκώρειαν, τὸ ἄντρον δὲ ὀνομασθῆναι τὸ Κωρύκιον ἀπὸ τῆσ νύμφησ.

λέγεται δὲ καὶ τάδε, Κελαινὼ θυγατέρα Υἅμῳ τῷ Λυκώρου γενέσθαι, Δελφὸν δέ, ἀφ’ οὗ τῇ πόλει τὸ ὄνομα τὸ ἐφ’ ἡμῶν ἐστι, Κελαινοῦσ τε αὐτὸν τῆσ Υἅμου καὶ Ἀπόλλωνοσ εἶναι. οἱ δὲ Καστάλιόν τε ἄνδρα αὐτόχθονα καὶ θυγατέρα ἐθέλουσιν αὐτῷ γενέσθαι Θυίαν, καὶ ἱερᾶσθαί τε τὴν Θυίαν Διονύσῳ πρῶτον καὶ ὄργια ἀγαγεῖν τῷ θεῷ·

ἀπὸ ταύτησ δὲ καὶ ὕστερον ὅσαι τῷ Διονύσῳ μαίνονται Θυιάδασ καλεῖσθαι σφᾶσ ὑπὸ ἀνθρώπων· Ἀπόλλωνοσ δ’ οὖν παῖδα καὶ Θυίασ νομίζουσιν εἶναι Δελφόν. οἱ δὲ μητρὸσ μὲν Μελαίνησ φασὶν αὐτόν, θυγατρὸσ Κηφισοῦ. χρόνῳ δὲ ὕστερον καὶ Πυθὼ τὴν πόλιν, οὐ Δελφοὺσ μόνον ἐκάλεσαν οἱ περιοικοῦντεσ, καθὰ καὶ Ὁμήρῳ πεποιημένα ἐν καταλόγῳ Φωκέων ἐστίν.

οἱ μὲν δὴ γενεαλογεῖν τὰ πάντα ἐθέλοντεσ παῖδα εἶναι Δελφοῦ Πύθην καὶ ἀπὸ τούτου βασιλεύσαντοσ γενέσθαι τῇ πόλει τὸ ὄνομα ἥγηνται· λόγοσ δὲ ὃσ ἥκει τῶν ἀνθρώπων ἐσ τοὺσ πολλούσ, τὸν ὑπὸ τοῦ Ἀπόλλωνοσ τοξευθέντα σήπεσθαί φησιν ἐνταῦθα, καὶ διὰ τοῦτο ὄνομα τῇ πόλει γενέσθαι Πυθώ·

πύθεσθαι γὰρ δὴ τὰ σηπόμενα οἱ τότε ἔλεγον, καὶ τοῦδε ἕνεκα Ὅμηροσ πεποίηκεν ὡσ ἡ τῶν Σειρήνων νῆσοσ ἀνάπλεωσ ὀστῶν εἰή, ὅτι οἱ τῆσ ᾠδῆσ αὐτῶν ἀκούοντεσ ἐπύθοντο ἄνθρωποι. τὸν δὲ ἀποθανόντα ὑπὸ τοῦ Ἀπόλλωνοσ ποιηταὶ μὲν δράκοντα εἶναι καὶ ἐπὶ τῷ μαντείῳ φύλακα ὑπὸ Γῆσ τετάχθαι φασί·

λέγεται δὲ καὶ ὡσ Κριοῦ δυναστεύοντοσ ἀνδρὸσ περὶ Εὔβοιαν παῖσ γένοιτο ὑβριστήσ, καὶ ἐσύλησε μὲν τοῦ θεοῦ τὸ ἱερόν, ἐσύλησε δὲ καὶ οἴκουσ ἀνδρῶν εὐδαιμόνων. ὡσ δὲ ἐπεστράτευε καὶ δεύτερον, ἐνταῦθα οἱ Δελφοὶ τὸν Ἀπόλλωνα ἱκέτευον ἀμῦναί σφισι τὸν ἐπιόντα κίνδυνον· καὶ ἡ Φημονόη πρόμαντισ τηνικαῦτα οὖσα ἐν ἑξαμέτρῳ σφίσιν ἔχρησεν·

ἀγχοῦ δὴ βαρὺν ἰὸν ἐπ’ ἀνέρι Φοῖβοσ ἐφήσεισίντῃ Παρνησσοῖο· φόνου δέ ἑ Κρήσιοι ἄνδρεσχεῖρασ ἁγιστεύ<σ>ουσι· τὸ δὲ κλέοσ οὔ ποτ’ ὀλεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 6

(파우사니아스, Description of Greece, Φωκικά, Λοκρῶν Ὀζόλων, chapter 6)

상위

목록

SEARCH

MENU NAVIGATION