헬라어 문장 검색 - Παυσαν́Δεσξριπ́10́01́

(파우사니아스, Description of Greece, Φωκικά, Λοκρῶν Ὀζόλων, chapter 1)

γῆσ δὲ τῆσ Φωκίδοσ, ὅσον μὲν περὶ Τιθορέαν καὶ Δελφούσ ἐστιν αὐτῆσ, ἐκ παλαιοτάτου φανερὰ τὸ ὄνομα τοῦτο εἰληφυῖά ἐστιν ἀπὸ ἀνδρὸσ Κορινθίου Φώκου τοῦ Ὀρνυτίωνοσ· ἔτεσι δ’ ὕστερον οὐ πολλοῖσ ἐξενίκησε καὶ ἁπάσῃ γενέσθαι τῇ ἐφ’ ἡμῶν καλουμένῃ Φωκίδι, Αἰγινητῶν ναυσὶν ἐσ τὴν χώραν διαβάντων ὁμοῦ Φώκῳ τῷ Αἰακοῦ. τὰ μὲν δὴ ἀπαντικρὺ Πελοποννήσου καὶ τὰ ἐπὶ Βοιωτίασ καθήκουσιν ἐπὶ θάλασσαν οἱ Φωκεῖσ, τῇ μὲν ἐσ Κίρραν τὸ ἐπίνειον Δελφῶν, τῇ δ’ ἐπὶ Ἀντίκυραν πόλιν·

τὰ δὲ πρὸσ τοῦ Λαμιακοῦ κόλπου Λοκροὶ σφᾶσ παραθαλασσίουσ οἱ Ὑποκνημίδιοι κωλύουσιν εἶναι· οὗτοι γὰρ δή εἰσιν οἱ ταύτῃ τὴν Φωκίδα ὑπεροικοῦντεσ, Σκαρφεῖσ μὲν τὰ ἐπέκεινα Ἐλατείασ, ὑπὲρ δὲ Υἅμπολιν καὶ Ἄβασ οἱ πόλιν τε Ὀποῦντα καὶ Ὀπουντίων ἐπίνειον νεμόμενοι Κῦνον. τὰ δὲ ἐπιφανέστατα Φωκεῦσίν ἐστιν ἐν κοινῷ·

πολέμου γὰρ τοῦ πρὸσ Ἰλίῳ μετεσχήκασι, καὶ Θεσσαλῶν ἐναντία ἐπολέμησαν πρότερον ἔτι ἢ ἐλάσαι τὸν Μῆδον ἐπὶ Ἕλληνασ, ὅτε δὴ καὶ ἐπεδείξαντο οἱ Φωκεῖσ ἔργα ἐσ μνήμην. κατὰ γὰρ τὴν Υἅμπολιν, ᾗ τοὺσ Θεσσαλοὺσ προσεδέχοντο ἐμβαλεῖν σφισιν ἐσ τὴν χώραν, ὑδρίασ κεράμου πεποιημένασ κατορύξαντεσ καὶ ἐπ’ αὐτὰσ γῆν ἐπιφορήσαντεσ ὑπέμενον τὴν ἵππον τῶν Θεσσαλῶν· οἱ δέ, ἅτε οὐ προπεπυσμένοι τῶν Φωκέων τὴν τέχνην, ἐπελάσαντεσ τοὺσ ἵππουσ λανθάνουσιν ἐπὶ τὰσ ὑδρίασ.

ἐνταῦθα ἀπεχωλοῦντο μὲν οἱ ἵπποι τῶν ποδῶν ἐσπιπτόντων σφίσιν ἐσ τὰσ ὑδρίασ, ἐκτείνοντο δὲ καὶ ἀπέπιπτον οἱ ἄνδρεσ ἀπὸ τῶν ἵππων. ὡσ δὲ οἱ Θεσσαλοὶ μείζονι ἢ τὰ πρότερα ἐσ τοὺσ Φωκέασ χρώμενοι τῇ ὀργῇ συνελέχθησαν ἀπὸ τῶν πόλεων πασῶν καὶ ἐσ τὴν Φωκίδα ἐστρατεύοντο, ἐνταῦθα οἱ Φωκεῖσ ἐν οὐ μικρῷ ποιούμενοι δείματι τήν τε ἄλλην τῶν Θεσσαλῶν ἐσ τὸν πόλεμον παρασκευὴν καὶ οὐχ ἥκιστα τῆσ ἵππου τὸ πλῆθοσ καὶ ὁμοῦ τῷ ἀριθμῷ τὴν ἐσ τοὺσ ἀγῶνασ τῶν τε ἵππων καὶ αὐτῶν μελέτην τῶν ἱππέων, ἀποστέλλουσιν ἐσ Δελφοὺσ αἰτοῦντεσ τὸν θεὸν ἐκφυγεῖν τὸν ἐπιόντα κίνδυνον·

καὶ αὐτοῖσ ἀφίκετο μάντευμα· συμβαλέω θνητόν τε καὶ ἀθάνατον μαχέσασθαι,νίκην δ’ ἀμφοτέροισ δώσω, θνητῷ δέ νυ μᾶλλον. ταῦτα ὡσ ἐπύθοντο οἱ Φωκεῖσ, λογάδασ τριακοσίουσ καὶ Γέλωνα ἐπ’ αὐτοῖσ ἄρχοντα ἀποστέλλουσιν ἐσ τοὺσ πολεμίουσ ἄρτι ἀρχομένησ νυκτόσ, προστάξαντέσ σφισι κατοπτεῦσαί τε τὰ τῶν Θεσσαλῶν ὅντινα ἀφανέστατον δύναιντο τρόπον καὶ αὖθισ ἐσ τὸ στράτευμα ἐπανήκειν κατὰ τῶν ὁδῶν τὴν μάλιστα ἄγνωστον, μηδὲ ἑκόντασ μάχησ ἄρχειν.

οὗτοι ὑπὸ τῶν Θεσσαλῶν οἱ λογάδεσ ἀπώλοντο ἀθρόοι καὶ αὐτοὶ καὶ ὁ ἡγούμενόσ σφισι Γέλων, συμπατούμενοί τε ὑπὸ τῶν ἵππων καὶ ὑπὸ τῶν ἀνδρῶν φονευόμενοι. κατάπληξιν τοῖσ ἐπὶ <τοῦ> στρατοπέδου τῶν Φωκέων τηλικαύτην ἐνεποίησεν, ὥστε καὶ τὰσ γυναῖκασ καὶ παῖδασ καὶ ὅσα τῶν κτημάτων ἄγειν ἦν σφίσιν ἢ φέρειν, ἔτι δὲ καὶ ἐσθῆτα καὶ χρυσόν τε καὶ ἄργυρον καὶ τὰ ἀγάλματα τῶν θεῶν ἐσ ταὐτὸ συλλέξαντεσ πυρὰν ὡσ μεγίστην ἐποίησαν, καὶ ἐπ’ αὐτοῖσ ἀριθμὸν τριάκοντα ἄνδρασ ἀπολείπουσι·

προσετέτακτο δὲ τοῖσ ἀνδράσιν, εἰ ἡττᾶσθαι τοὺσ Φωκέασ συμβαίνοι τῇ μάχῃ, τότε δὴ προαποσφάξαι μὲν τὰσ γυναῖκάσ τε καὶ παῖδασ καὶ ὡσ ἱερεῖα ἀναθέντασ ταῦτά τε καὶ τὰ χρήματα ἐπὶ τὴν πυρὰν καὶ ἐνέντασ πῦρ οὕτωσ ἤδη διαφθαρῆναι καὶ αὐτοὺσ ἤτοι ὑπ’ ἀλλήλων ἢ ἐσ τὴν ἵππον τῶν Θεσσαλῶν ἐσπίπτοντασ.

ἀντὶ τούτου μὲν ἅπαντα τὰ ἀνάλγητα βουλεύματα ἀπόνοια ὑπὸ Ἑλλήνων ὀνομάζεται Φωκική, τότε δὲ οἱ Φωκεῖσ ἐποιοῦντο αὐτίκα ἐπὶ τοὺσ Θεσσαλοὺσ ἔξοδον· στρατηγοὶ δὲ ἦσάν σφισι Ῥοῖόσ τε Ἀμβροσσεὺσ καὶ Υἁμπολίτησ Δαϊφάντησ, οὗτοσ μὲν δὴ ἐπὶ τῇ ἵππῳ, δυνάμεωσ δὲ τῆσ πεζῆσ ὁ Ἀμβροσσεύσ.

ὁ δὲ χώραν <ἐν> τοῖσ ἄρχουσιν ἔχων τὴν μεγίστην μάντισ ἦν <Τελλίασ> ὁ Ἠλεῖοσ, καὶ ἐσ τὸν Τελλίαν τοῖσ Φωκεῦσι τῆσ σωτηρίασ ἀπέκειντο αἱ ἐλπίδεσ. ὡσ δὲ ἐσ χεῖρασ συνῄεσαν, ἐνταῦθα τοῖσ Φωκεῦσιν ἐγίνετο ἐν ὀφθαλμοῖσ τὰ ἐσ τὰσ γυναῖκασ καὶ ἐσ τὰ τέκνα δόξαντα, τήν τε σωτηρίαν οὐκ ἐν βεβαίῳ σφίσιν ἑώρων σαλεύουσαν καὶ τούτων ἕνεκα ἐσ παντοῖα ἀφικνοῦντο τολμήματα·

προσγενομένου δὲ καὶ τοῦ ἐκ θεῶν εὐμενοῦσ νίκην τῶν τότε ἀνείλοντο ἐπιφανεστάτην. τό τε λόγιον τὸ γεγενημένον τοῖσ Φωκεῦσι παρὰ τοῦ Ἀπόλλωνοσ καὶ τοῖσ πᾶσιν Ἕλλησιν ἐγνώσθη·

τὸ γὰρ σύνθημα κατὰ τὰ αὐτὰ ὑπὸ τῶν στρατηγούντων ἐδίδοτο ἐν ταῖσ μάχαισ Θεσσαλοῖσ μὲν Ἀθηνᾶσ Ἰτωνίασ, τοῖσ δὲ ὁ ἐπώνυμοσ Φῶκοσ. ἀπὸ τούτου δὲ τοῦ ἔργου καὶ ἀναθήματα οἱ Φωκεῖσ ἀπέστειλαν ἐσ Δελφοὺσ Ἀπόλλωνα καὶ Τελλίαν τότε τὸν μάντιν καὶ ὅσοι μαχομένοισ ἄλλοι σφίσιν ἐστρατήγησαν, σὺν δὲ αὐτοῖσ καὶ ἡρ́ωασ τῶν ἐπιχωρίων· ἔργα δὲ αἱ εἰκόνεσ Ἀριστομέδοντόσ εἰσιν Ἀργείου. εὑρέθη δὲ καὶ ὕστερον τοῖσ Φωκεῦσιν οὐκ ἀποδέον σοφίᾳ τῶν προτέρων.

ὡσ γὰρ δὴ τὰ στρατόπεδα ἀντεκάθητο περὶ τὴν ἐσ τὴν Φωκίδα ἐσβολήν, λογάδεσ Φωκέων πεντακόσιοι φυλάσσοντεσ πλήρη τὸν κύκλον τῆσ σελήνησ ἐπιχειροῦσιν ἐν τῇ νυκτὶ τοῖσ Θεσσαλοῖσ, αὐτοί τε ἀληλιμμένοι γύψῳ καὶ ἐνδεδυκότεσ ὅπλα λευκὰ ἐπὶ τῇ γύψῳ. ἐνταῦθα ἐξεργασθῆναι φόνον τῶν Θεσσαλῶν λέγεται πλεῖστον, θειότερόν τι ἡγουμένων ἢ κατὰ ἔφοδον πολεμίων τὸ ἐν τῇ νυκτὶ συμβαῖνον. ὁ δὲ Ἠλεῖοσ ἦν Τελλίασ ὃσ καὶ ταῦτα τοῖσ Φωκεῦσιν ἐμηχανήσατο ἐσ τοὺσ Θεσσαλούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Φωκικά, Λοκρῶν Ὀζόλων, chapter 1

(파우사니아스, Description of Greece, Φωκικά, Λοκρῶν Ὀζόλων, chapter 1)

상위

목록

SEARCH

MENU NAVIGATION