헬라어 문장 검색 - Λυξιαν́Διαλογί11́

(루키아노스, Dialogi mortuorum, Κράτησ καὶ Διογένησ.)

Μοίριχον τὸν πλούσιον ἐγίνωσκεσ, ὦ Διόγενεσ, τὸν πάνυ πλούσιον, τὸν ἐκ Κορίνθου, τὸν τὰσ πολλὰσ ὁλκάδασ ἔχοντα, οὗ ἀνεψιὸσ Ἀριστέασ, πλούσιοσ καὶ αὐτὸσ ὤν; ὃσ τὸ Ὁμηρικὸν ἐκεῖνο εἰώθει ἐπιλέγειν, ἤ μ̓ ἀνάειῤ ἢ ἐγὼ σέ. Τίνοσ ἕνεκα, ὦ Κράτησ; Ἐθεράπευον ἀλλήλουσ τοῦ κλήρου ἕνεκα ἑκάτεροσ ἡλικιῶται ὄντεσ, καὶ τὰσ διαθήκασ ἐσ τὸ φανερὸν ἐτίθεντο, Ἀριστέαν μὲν ὁ Μοίριχοσ, εἰ προαποθάνοι, δεσπότην ἀφιεὶσ τῶν ἑαυτοῦ πάντων, Μοίριχον δὲ ὁ Ἀριστέασ, εἰ προαπέλθοι αὐτοῦ.

ταῦτα μὲν ἐγέγραπτο, οἱ δ̓ ἐθεράπευον ὑπερβαλλόμενοι ἀλλήλουσ τῇ κολακείᾳ· καὶ οἱ μάντεισ, οἵ τε ἀπὸ τῶν ἄστρων τεκμαιρόμενοι τὸ μέλλον οἵ τε ἀπὸ τῶν ὀνειράτων, ὥσ γε Χαλδαίων παῖδεσ, ἀλλὰ καὶ ὁ Πύθιοσ αὐτὸσ ἄρτι μὲν Ἀριστέᾳ παρεῖχε τὸ κράτοσ, ἄρτι δὲ Μοιρίχῳ, καὶ τὰ τάλαντα ποτὲ μὲν ἐπ̓ ἐκεῖνον, νῦν δ̓ ἐπὶ τοῦτον ἔρρεπε. Τί οὖν πέρασ ἐγένετο, ὦ Κράτησ;

ἀκοῦσαι γὰρ ἄξιον. Ἄμφω τεθνᾶσιν ἐπὶ μιᾶσ ἡμέρασ, οἱ δὲ κλῆροι ἐσ Εὐνόμιον καὶ Θρασυκλέα περιῆλθον ἄμφω συγγενεῖσ ὄντασ οὐδὲ πώποτε προμαντευομένουσ οὕτω γενέσθαι ταῦτα· διαπλέοντεσ γὰρ ἀπὸ Σικυῶνοσ ἐσ Κίρραν κατὰ μέσον τὸν πόρον πλαγίῳ περιπεσόντεσ τῷ Ιἄπυγι ἀνετράπησαν.

Εὖ ἐποίησαν.

ἡμεῖσ δὲ ὁπότε ἐν τῷ βίῳ ἦμεν, οὐδὲν τοιοῦτον ἐνενοοῦμεν περὶ ἀλλήλων· οὔτε ἐγώ ποτε ηὐξάμην Ἀντισθένην ἀποθανεῖν, ὡσ κληρονομήσαιμι τῆσ βακτηρίασ αὐτοῦ ‐ εἶχε δὲ πάνυ καρτερὰν ἐκ κοτίνου ποιησάμενοσ ‐ οὔτε οἶμαι σὺ ὁ Κράτησ ἐπεθύμεισ κληρονομεῖν ἀποθανόντοσ ἐμοῦ τὰ κτήματα καὶ τὸν πίθον καὶ τὴν πήραν χοίνικασ δύο θέρμων ἔχουσαν. Οὐδὲν γάρ μοι τούτων ἔδει, ἀλλ̓ οὐδὲ σοί, ὦ Διόγενεσ· ἃ γὰρ ἐχρῆν, σύ τε Ἀντισθένουσ ἐκληρονόμησασ καὶ ἐγὼ σοῦ, πολλῷ μείζω καὶ σεμνότερα τῆσ Περσῶν ἀρχῆσ. Τίνα ταῦτα φήσ; Σοφίαν, αὐτάρκειαν, ἀλήθειαν, παρρησίαν, ἐλευθερίαν. τὸν πλοῦτον παρὰ Ἀντισθένουσ καὶ σοὶ ἔτι πλείω καταλιπών.

Ἀλλ̓ οἱ ἄλλοι ἠμέλουν τῶν τοιούτων κτημάτων καὶ οὐδεὶσ ἐθεράπευεν ἡμᾶσ κληρονομήσειν προσδοκῶν, ἐσ δὲ τὸ χρυσίον πάντεσ ἔβλεπον.

Εἰκότωσ· οὐ γὰρ εἶχον ἔνθα ἂν δέξαιντο τὰ τοιαῦτα παῤ ἡμῶν διερρυηκότεσ ὑπὸ τρυφῆσ, καθάπερ τὰ σαπρὰ τῶν βαλαντίων· ὥστε εἴ ποτε καὶ ἐμβάλοι τισ ἐσ αὐτοὺσ ἢ σοφίαν ἢ παρρησίαν ἢ ἀλήθεια, ἐξέπιπτεν εὐθὺσ καὶ διέρρει, τοῦ πυθμένοσ στέγειν οὐ δυναμένου, οἱο͂́ν τι πάσχουσιν αἱ τοῦ Δαναοῦ αὗται παρθένοι εἰσ τὸν τετρημένον πίθον ἐπαντλοῦσαι· τὸ δὲ χρυσίον ὀδοῦσι καὶ ὄνυξι καὶ πάσῃ μηχανῇ ἐφύλαττον. Οὐκοῦν ἡμεῖσ μὲν ἕξομεν κἀνταῦθα τὸν πλοῦτον, οἱ δὲ ὀβολὸν ἥξουσι κομίζοντεσ καὶ τοῦτον ἄχρι τοῦ πορθμέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Κράτησ καὶ Διογένησ.

(루키아노스, Dialogi mortuorum, Κράτησ καὶ Διογένησ.)

상위

목록

SEARCH

MENU NAVIGATION