헬라어 문장 검색 - Λυξιαν́Διαλογί06́

(루키아노스, Dialogi mortuorum, Τερψίων καὶ Πλούτων.)

Τοῦτο, ὦ Πλούτων, δίκαιον, ἐμὲ μὲν τεθνάναι τριάκοντα ἔτη γεγονότα, τὸν δὲ ὑπὲρ τὰ ἐνενήκοντα γέροντα Θούκριτον ζῆν ἔτι; Δικαιότατον μὲν οὖν, ὦ Τερψίων, εἴ γε ο μὲν ζῇ μηδένα εὐχόμενοσ ἀποθανεῖν τῶν φίλων, σὺ δὲ παρὰ πάντα τὸν χρόνον ἐπεβούλευεσ αὐτῷ περιμένων τὸν κλῆρον.

Οὐ γὰρ ἐχρῆν γέροντα ὄντα καὶ μηκέτι χρήσασθαι τῷ πλούτῳ αὐτὸν δυνάμενον ἀπελθεῖν τοῦ βίου παραχωρήσαντα τοῖσ νέοισ; Καινά, ὦ Τερψίων, νομοθετεῖσ, τὸν μηκέτι τῷ πλούτῳ χρήσασθαι δυνάμενον πρὸσ ἡδονὴν ἀποθνήσκειν· τὸ δὲ ἄλλωσ ἡ Μοῖρα καὶ ἡ φύσισ διέταξεν. Οὐκοῦν ταύτησ αἰτιῶμαι τῆσ διατάξεωσ·

ἐχρῆν γὰρ τὸ πρᾶγμα ἑξῆσ πωσ γίνεσθαι, τὸν πρεσβύτερον πρότερον καὶ μετὰ τοῦτον ὅστισ καὶ τῇ ἡλικίᾳ μετ̓ αὐτόν, ἀναστρέφεσθαι δὲ μηδαμῶσ, μηδὲ ζῆν μὲν τὸν ὑπέργηρων ὀδόντασ τρεῖσ ἔτι λοιποὺσ ἔχοντα, μόγισ ὁρῶντα, οἰκέταισ τέτταρσιν ἐπικεκυφότα, κορύζησ μὲν τὴν ῥῖνα, λήμησ δὲ τοὺσ ὀφθαλμοὺσ μεστὸν ὄντα, οὐδὲν ἔτι ἡδὺ εἰδότα, ἔμψυχόν τινα τάφον ὑπὸ τῶν νέων καταγελώμενον, ἀποθνήσκειν δὲ καλλίστουσ καὶ ἐρρωμενεστάτουσ νεανίσκουσ· ἄνω γὰρ ποταμῶν τοῦτό γε·

ἢ τὸ τελευταῖον εἰδέναι ἐχρῆν, πότε καὶ τεθνήξεται τῶν γερόντων ἕκαστοσ, ἵνα μὴ μάτην ἂν ἐνίουσ ἐθεράπευον. δὲ τὸ τῆσ παροιμίασ, ἡ ἅμαξα τὸν βοῦν πολλάκισ ἐκφέρει.

Ταῦτα μέν, ὦ Τερψίων, πολὺ συνετωτερα γίνεται ἤπερ σοὶ δοκεῖ.

καὶ ὑμεῖσ δὲ τί παθόντεσ ἀλλοτρίοισ ἐπιχαίνετε καὶ τοῖσ ἀτέκνοισ τῶν γερόντων ἐσποιεῖτε φέροντεσ αὑτούσ; τοιγαροῦν γέλωτα ὀφλισκάνετε πρὸ ἐκείνων κατορυττόμενοι, καὶ τὸ πρᾶγμα τοῖσ πολλοῖσ ἥδιστον γίνεται· ὅσῳ γὰρ ὑμεῖσ ἐκείνουσ ἀποθανεῖν εὔχεσθε, τοσούτῳ ἅπασιν ἡδὺ προαποθανεῖν ὑμᾶσ αὐτῶν.

καινὴν γάρ τινα ταύτην τεχνην ἐπινενοήκατε γραῶν καὶ γερόντων ἐρῶντεσ, καὶ μάλιστα εἰ ἄτεκνοι εἰε͂ν, οἱ δὲ ἔντεκνοι ὑμῖν ἀνέραστοι. καίτοι πολλοὶ ἤδη τῶν ἐρωμένων συνέντεσ ὑμῶν τὴν πανουργίαν τοῦ ἔρωτοσ, ἢν καὶ τύχωσι παῖδασ ἔχοντεσ, μισεῖν αὐτοὺσ πλάττονται, ὡσ καὶ αὐτοὶ ἐραστὰσ ἔχωσιν· εἶτα ἐν ταῖσ διαθήκαισ ἀπεκλείσθησαν μὲν οἱ πάλαι δορυφορήσαντεσ, ὁ δὲ παῖσ καὶ ἡ φύσισ, ὥσπερ ἐστὶ δίκαιον, κρατοῦσι πάντων, οἱ δὲ ὑποπρίουσι τοὺσ ὀδόντασ ἀποσμυγέντεσ.

Ἀληθῆ ταῦτα φήσ·

ἐμοῦ γοῦν Θούκριτοσ πόσα κατέφαγεν ἀεὶ τεθνήξεσθαι δοκῶν καὶ ὁπότε ἐσίοιμι ὑποστένων καὶ μύχιόν τι καθάπερ ἐξ ᾠοῦ νεοττὸσ ἀτελὴσ ὑποκρώζων, ὥστ̓ ἔγωγε ὅσον αὐτίκα οἰόμενοσ ἐπιβήσειν αὐτὸν τῆσ σοροῦ ἔπεμπόν τε πολλά, ὡσ μὴ ὑπερβάλλοιντό με οἱ ἀντερασταὶ τῇ μεγαλοδωρεᾷ, καὶ τὰ πολλὰ ὑπὸ φροντίδων ἄγρυπνοσ ἐκείμην ἀριθμῶν ἕκαστα καὶ διατάττων. ταῦτα γοῦν μοι καὶ τοῦ ἀποθανεῖν αἴτια γεγένηται, ἀγρυπνία καὶ φροντίδεσ·

ὁ δὲ τοσοῦτόν μοι δέλεαρ καταπιὼν ἐφειστήκει θαπτομένῳ πρῴην ἐπιγελῶν. Εὖ γε, ὦ Θούκριτε, ζώοισ ἐπὶ μήκιστον πλουτῶν ἅμα καὶ τῶν τοιούτων καταγελῶν, μηδὲ πρότερόν γε σὺ ἀποθάνοισ ἢ προπέμψασ πάντασ τοὺσ κόλακασ.

Τοῦτο μέν, ὦ Πλούτων, καὶ ἐμοὶ ἥδιστον ἤδη, εἰ καὶ Χαροιάδησ προτεθνήξεται Θουκρίτου. Θάρρει, ὦ Τερψίων· καὶ Φείδων γὰρ καὶ Μέλανθοσ καὶ ὅλωσ ἅπαντεσ προελεύσονται αὐτοῦ ὑπὸ ταῖσ αὐταῖσ φροντίσιν. Ἐπαινῶ ταῦτα.

ζώοισ ἐπὶ μήκιστον, ὦ Θουκριτε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Τερψίων καὶ Πλούτων.

(루키아노스, Dialogi mortuorum, Τερψίων καὶ Πλούτων.)

상위

목록

SEARCH

MENU NAVIGATION