헬라어 문장 검색 - ΗεροδόΤηεΗιστ́9́081́

(헤로도토스, The Histories, book 9, chapter 79)

ὃ μὲν δοκέων χαρίζεσθαι ἔλεγε τάδε, ὃ δ’ ἀνταμείβετο τοῖσιδε. "ὦ ξεῖνε Αἰγινῆτα, τὸ μὲν εὐνοέειν τε καὶ προορᾶν ἄγαμαί σευ, γνώμησ μέντοι ἡμάρτηκασ χρηστῆσ· ἐξαείρασ γάρ με ὑψοῦ καὶ τὴν πάτρην καὶ τὸ ἔργον, ἐσ τὸ μηδὲν κατέβαλεσ παραινέων νεκρῷ λυμαίνεσθαι, καὶ ἢν ταῦτα ποιέω, φὰσ ἄμεινόν με ἀκούσεσθαι· τὰ πρέπει μᾶλλον βαρβάροισι ποιέειν ἤ περ Ἕλλησι· καὶ ἐκείνοισι δὲ ἐπιφθονέομεν.

ἐγὼ δ’ ὦν τούτου εἵνεκα μήτε Αἰγινήτῃσι ἅδοιμι μήτε τοῖσι ταῦτα ἀρέσκεται, ἀποχρᾷ δέ μοι Σπαρτιήτῃσι ἀρεσκόμενον ὅσια μὲν ποιέειν, ὅσια δὲ καὶ λέγειν. Λεωνίδῃ δέ, τῷ με κελεύεισ τιμωρῆσαι, φημὶ μεγάλωσ τετιμωρῆσθαι, ψυχῇσί τε τῇσι τῶνδε ἀναριθμήτοισι τετίμηται αὐτόσ τε καὶ οἱ ἄλλοι οἱ ἐν Θερμοπύλῃσι τελευτήσαντεσ. σὺ μέντοι ἔτι ἔχων λόγον τοιόνδε μήτε προσέλθῃσ ἔμοιγε μήτε συμβουλεύσῃσ, χάριν τε ἴσθι ἐὼν ἀπαθήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 9, chapter 79

(헤로도토스, The Histories, book 9, chapter 79)

상위

목록

SEARCH

MENU NAVIGATION