헬라어 텍스트

Herodotus, The Histories, book 9, chapter 45

(헤로도토스, The Histories, book 9, chapter 45)

οἳ δὲ ἐπεὶ ταῦτα ἤκουσαν, αὐτίκα εἵποντο ἐσ τὰσ φυλακάσ· ἀπικομένοισι δὲ ἔλεγε Ἀλέξανδροσ τάδε. "ἄνδρεσ Ἀθηναῖοι, παραθήκην ὑμῖν τὰ ἔπεα τάδε τίθεμαι, ἀπόρρητα ποιεύμενοσ πρὸσ μηδένα λέγειν ὑμέασ ἄλλον ἢ Παυσανίην, μή με καὶ διαφθείρητε· οὐ γὰρ ἂν ἔλεγον, εἰ μὴ μεγάλωσ ἐκηδόμην συναπάσησ τῆσ Ἑλλάδοσ. αὐτόσ τε γὰρ Ἕλλην γένοσ εἰμὶ τὠρχαῖον καὶ ἀντ’ ἐλευθέρησ δεδουλωμένην οὐκ ἂν ἐθέλοιμι ὁρᾶν τὴν Ἑλλάδα.

λέγω δὲ ὦν ὅτι Μαρδονίῳ τε καὶ τῇ στρατιῇ τὰ σφάγια οὐ δύναται καταθύμια γενέσθαι· πάλαι γὰρ ἂν ἐμάχεσθε. νῦν δέ οἱ δέδοκται τὰ μὲν σφάγια ἐᾶν χαίρειν, ἅμ’ ἡμέρῃ δὲ διαφωσκούσῃ συμβολὴν ποιέεσθαι· καταρρώδηκε γὰρ μὴ πλεῦνεσ συλλεχθῆτε, ὡσ ἐγὼ εἰκάζω. πρὸσ ταῦτα ἑτοιμάζεσθε. ἢν δὲ ἄρα ὑπερβάληται τὴν συμβολὴν Μαρδόνιοσ καὶ μὴ ποιέηται, λιπαρέετε μένοντεσ· ὀλιγέων γάρ σφι ἡμερέων λείπεται σιτία. ἢν δὲ ὑμῖν ὁ πόλεμοσ ὅδε κατὰ νόον τελευτήσῃ, μνησθῆναι τινὰ χρὴ καὶ ἐμεῦ ἐλευθερώσιοσ πέρι, ὃσ Ἑλλήνων εἵνεκα οὕτω ἔργον παράβολον ἔργασμαι ὑπὸ προθυμίησ, ἐθέλων ὑμῖν δηλῶσαι τὴν διάνοιαν τὴν Μαρδονίου, ἵνα μὴ ἐπιπέσωσι ὑμῖν ἐξαίφνησ οἱ βάρβαροι μὴ προσδεκομένοισί κω.

εἰμὶ δὲ Ἀλέξανδροσ ὁ Μακεδών. " ὃ μὲν ταῦτα εἴπασ ἀπήλαυνε ὀπίσω ἐσ τὸ στρατόπεδον καὶ τὴν ἑωυτοῦ τάξιν.