헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 73)

λοιπὸν δ’ ἔτι μοι καὶ περὶ τῶν ἀγώνων, οὓσ μετὰ τὴν πομπὴν ἐπετέλουν, ὀλίγα διελθεῖν. πρῶτοσ ὁ τῶν τεθρίππων τε καὶ συνωρίδων καὶ τῶν ἀζεύκτων ἵππων ἐγίνετο δρόμοσ, ὡσ παρ’ Ἕλλησι τὸ ἀρχαῖον Ὀλυμπίασί τε καὶ μέχρι τοῦ παρόντοσ. ἐν δὲ ταῖσ ἱππικαῖσ ἁμίλλαισ ἐπιτηδεύματα δύο τῶν πάνυ παλαιῶν ὡσ ἐξ ἀρχῆσ ἐνομοθετήθη φυλαττόμενα ὑπὸ Ῥωμαίων μέχρι τῶν κατ’ ἐμὲ διάκειται χρόνων, τό τε περὶ τὰ τρίπωλα τῶν ἁρμάτων, ὃ παρ’ Ἕλλησι μὲν ἐκλέλοιπεν, ἀρχαῖον ὄν ἐπιτήδευμα καὶ ἡρωικόν, ᾧ ποιεῖ τοὺσ Ἕλληνασ Ὅμηροσ ἐν ταῖσ μάχαισ χρωμένουσ·

δυσὶ γὰρ ἵπποισ ἐζευγμένοισ, ὃν τρόπον ζεύγνυται συνωρίσ, τρίτοσ παρείπετο σειραῖοσ ἵπποσ ῥυτῆρι συνεχόμενοσ, ὃν ἀπὸ τοῦ παρῃωρῆσθαί τε καὶ μὴ συνεζεῦχθαι παρῄορον ἐκάλουν οἱ παλαιοί·

ἕτερον δὲ παρ’ ὀλίγαισ ἔτι φυλαττόμενον πόλεσιν Ἑλληνίσιν ἐν ἱερουργίαισ τισὶν ἀρχαϊκαῖσ, ὁ τῶν παρεμβεβηκότων τοῖσ ἁρ́μασι δρόμοσ.

ὅταν γὰρ τέλοσ αἱ τῶν ἱππέων ἅμιλλαι λάβωνται, ἀποπηδῶντεσ ἀπὸ τῶν ἁρμάτων οἱ παροχούμενοι τοῖσ ἡνιόχοισ, οὓσ οἱ ποιηταὶ μὲν παραβάτασ, Ἀθηναῖοι δὲ καλοῦσιν ἀποβάτασ, τὸν σταδιαῖον ἁμιλλῶνται δρόμον αὐτοὶ πρὸσ ἀλλήλουσ.

τελεσθέντων δὲ τῶν ἱππικῶν δρόμων οἱ τοῖσ ἑαυτῶν σώμασιν ἀγωνιζόμενοι τότ’ εἰσῄεσαν δρομεῖσ τε καὶ πύκται καὶ παλαισταί. τρία γὰρ ἀθλήματα παρὰ τοῖσ ἀρχαίοισ Ἕλλησι ταῦτ’ ἦν, ὡσ Ὅμηροσ ἐπὶ τῇ Πατρόκλου δηλοῖ ταφῇ.

ἐν δὲ τοῖσ διὰ μέσου τῶν ἀθλημάτων χρόνοισ Ἑλληνικώτατον καὶ κράτιστον ἁπάντων ἐθῶν ἀπεδείκνυντο, στεφανώσεισ καὶ ἀναρρήσεισ ποιούμενοι τιμῶν, αἷσ ἐτίμων τοὺσ ἑαυτῶν εὐεργέτασ, ὡσ Ἀθήνησιν ἐν ταῖσ Διονυσιακαῖσ ἐγίνετο θυσίαισ, καὶ σκύλων, ὅσων ἐκ πολέμων λάβοιεν, ἐπιδείξεισ τοῖσ εἰσ θέαν συνεληλυθόσιν.

ἀλλὰ γὰρ ὑπὲρ μὲν τούτων οὔτε μηθένα ποιήσασθαι λόγον ἀπαιτούσησ τῆσ ὑποθέσεωσ καλῶσ εἶχεν, οὔτε μηκύνειν πέρα τοῦ δέοντοσ ἡρ́μοττε.

καιρὸσ δ’ ἐπὶ τὴν ἀπολειπομένην διήγησιν ἐπανάγειν.

ὡσ γὰρ δὴ τὰ περὶ τὸν ἀπαχθέντα ἐπὶ τιμωρίαν ὑπὸ τοῦ δεσπότου καὶ προηγησάμενον τῆσ πομπῆσ ἔμαθεν ἡ βουλὴ παρὰ τοῦ τὸ πραχθὲν ἀνανεωσαμένου, τοῦτον ὑπολαβοῦσα ὑπὸ τοῦ θεοῦ λέγεσθαι τὸν οὐ καλὸν ἔπαρχον τῶν ὀρχηστῶν, ὥσπερ ἔφην, ἀναζητήσασα τὸν τῷ θεράποντι λωβησάμενον καὶ ζημίαν ἐπιβαλοῦσα, ἧσ ἄξιοσ ἦν, ἑτέραν ἐψηφίσατο τῷ θεῷ πομπὴν ἐπιτελεσθῆναι καὶ ἀγῶνασ ἐξ ἀρχῆσ ἑτέρουσ ἀπὸ διπλασίων χρημάτων ἢ πρότερον ἐγένοντο. καὶ τὰ μὲν ἐπὶ τούτων συντελεσθέντα τῶν ὑπάτων τοιάδε ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 73

(디오니시오스, Antiquitates Romanae, Books VII-IX, book 7, chapter 73)

상위

목록

SEARCH

MENU NAVIGATION