헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 68)

ὀλίγαισ δ’ ὕστερον ἡμέραισ καθῆκε μὲν ὁ τῶν ἀρχαιρεσιῶν καιρόσ, ὕπατοι δ’ ἀπεδείχθησαν ὑπὸ τοῦ δήμου Κόιντοσ Σουλπίκιοσ Καμερῖνοσ καὶ Σέργιοσ Λάρκιοσ Φλαύιοσ τὸ δεύτερον. ταραχαὶ δέ τινεσ ἐνέπιπτον ἐκ δειμάτων δαιμονίων τῇ πόλει συχναί·

ὄψεισ τε γὰρ οὐκ εἰωθυῖαι ἐφαίνοντο πολλοῖσ, καὶ φωναὶ ἠκούοντο οὐδενὸσ ὄντοσ τοῦ φθεγγομένου, γοναί τ’ ἀνθρώπων καὶ βοσκημάτων πολὺ ἐκ τοῦ κατὰ φύσιν ἐκβεβηκυῖαι εἰσ τὸ ἄπιστόν τε καὶ τερατῶδεσ ἐφέροντο, χρησμοί τ’ ᾔδοντο ἐν πολλοῖσ χωρίοισ, καὶ θειασμοῖσ κάτοχοι γυναῖκεσ οἰκτρὰσ ἐμαντεύοντο καὶ δεινὰσ τῇ πόλει τύχασ. ἥψατο δέ τισ καὶ νόσοσ τοῦ πλήθουσ λοιμικὴ καὶ πολλὴν ἐποίησε βοσκημάτων φθοράν·

ἀνθρώπων μέντοι θάνατοσ οὐ πολὺσ ἐγένετο, ἀλλ’ ἄχρι νόσων τὸ δεινὸν ἐχώρησεν· τῶν πολιτῶν ἐξήλασαν τῆσ πατρίδοσ, τοῖσ δ’ οὐθὲν τῶν γινομένων θεοῦ ἔργον, ἀλλὰ τυχηρὰ καὶ ταῦτα καὶ τἆλλα πάντα ἀνθρώπεια εἶναι πάθη.

ἔπειθ’ ἧκέ τισ ἐπὶ τὸ συνέδριον τῆσ βουλῆσ ἄρρωστοσ ἐπὶ κλινιδίου κομιζόμενοσ, Τῖτοσ Λατίνιοσ ὄνομα, πρεσβύτερόσ τ’ ἀνὴρ καὶ οὐσίασ ἱκανῆσ κύριοσ, αὐτουργὸσ δὲ καὶ τὸν πλείω χρόνον τοῦ βίου ζῶν ἐν ἀγρῷ.

οὗτοσ εἰσ τὴν βουλὴν ἐνεχθεὶσ ἔφη δόξαι καθ’ ὕπνον ἐπιστάντα τὸν Καπιτώλιον Δία λέγειν αὐτῷ· ἴθι, Λατίνιε, καὶ λέγε τοῖσ πολίταισ, ὅτι μοι τῆσ νεωστὶ πομπῆσ τὸν ἡγούμενον ὀρχηστὴν οὐ καλὸν ἔδωκαν, ἵν’ ἀναθῶνται τὰσ ἑορτὰσ καὶ ἐξ ἀρχῆσ ἑτέρασ ἐπιτελέσωσιν· οὐ γὰρ δέδεγμαι ταύτασ. αὐτὸσ δ’ ἐκ τῶν ὕπνων ἔφησεν ἀνστὰσ παρ’ οὐδὲν ἡγήσασθαι τὸ ὄναρ, ἀλλ’ ἕν τι τῶν πολλῶν καὶ ἀπατηλῶν ὑπολαβεῖν.

ἔπειτ’ αὐτῷ πάλιν κατὰ τοὺσ ὕπνουσ ἐπιφανὲν ταὐτὸ εἴδωλον τοῦ θεοῦ χαλεπαίνειν τε καὶ ἀγανακτεῖν, ὅτι οὐκ ἀπήγγειλε πρὸσ τὴν βουλὴν τὰ κελευσθέντα, καὶ ἀπειλεῖν, εἰ μὴ τοῦτο δράσει διὰ ταχέων, ὅτι σὺν μεγάλῳ μαθήσεται κακῷ μὴ ὀλιγωρεῖν τῶν δαιμονίων. ἰδὼν δὲ καὶ τὸ δεύτερον ὄναρ, τὴν αὐτὴν ἔφη ποιήσασθαι περὶ αὐτοῦ δόξαν, καὶ ἅμα δι’ αἰσχύνησ τὸ πρᾶγμα λαβεῖν, ἀνὴρ αὐτουργὸσ καὶ γέρων ὀνείρατα πρὸσ τὴν βουλὴν ἐκφέρειν ὀττείασ καὶ δειμάτων μεστά, μὴ καὶ γέλωτα ὄφλῃ.

ὀλίγαισ δ’ ὕστερον ἡμέραισ τὸν υἱὸν αὐτοῦ νέον ὄντα καὶ καλὸν οὔτε ὑπὸ νόσων οὔτε ὑπ’ ἄλλησ τινὸσ αἰτίασ φανερᾶσ ἀναρπασθέντα αἰφνιδίωσ ἀποθανεῖν·

καὶ αὖθισ τὴν τοῦ θεοῦ ὄψιν φανεῖσαν ἐν τοῖσ ὕπνοισ δηλοῦν, ὅτι τῆσ ὑπεροψίασ καὶ τῆσ καταφρονήσεωσ τῶν αὐτοῦ λόγων τὴν μὲν ἤδη δέδωκε δίκην τὸν υἱὸν ἀφαιρεθείσ, τὰσ δ’ ὀλίγον ὕστερον δώσει. ταῦτα δ’ ἀκούσασ ἔφη καθ’ ἡδονὴν δέξασθαι τὸν λόγον, εἰ μέλλοι θάνατοσ αὐτῷ ἐλεύσεσθαι παρημεληκότι τοῦ βίου·

τὸν δὲ θεὸν οὐ ταύτην αὐτῷ προσθεῖναι τὴν τιμωρίαν, ἀλλ’ εἰσ ἅπαντα τὰ μέλη τοῦ σώματοσ ἀφορήτουσ καὶ δεινὰσ ἐμβαλεῖν ἀλγηδόνασ, ὥστε μηδὲν ἄρθρον ἄνευ κατατάσεωσ τῆσ ἐσχάτησ δύνασθαι κινεῖν.

τότε δὴ τοῖσ φίλοισ κοινωσάμενοσ τὰ συμβεβηκότα καὶ κελευσθεὶσ ὑπ’ ἐκείνων ἥκειν ἐπὶ τὴν βουλήν. διεξιὼν δὲ ταῦτα κατὰ μικρὸν ἐδόκει τῶν ἀλγηδόνων ἀπαλλάττεσθαι· καὶ ἐπειδὴ πάντα διεξῆλθεν ἀναστὰσ ἐκ τοῦ κλινιδίου καὶ τὸν θεὸν ἀναβοήσασ ἀπῄει τοῖσ ἑαυτοῦ ποσὶ διὰ τῆσ πόλεωσ οἴκαδε ὑγιήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 68

(디오니시오스, Antiquitates Romanae, Books VII-IX, book 7, chapter 68)

상위

목록

SEARCH

MENU NAVIGATION