헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 52)

ὡσ δὲ καὶ τοῦτο, περὶ οὗ νυνὶ πρόκειται σκοπεῖν ὅμοιόν ἐστι τοῖσ ἄλλοισ ἐγχειρήμασιν αὐτοῦ τοῖσ ἀδίκοισ καὶ παρανόμοισ, καὶ οὐχ, οἱο͂ν ὁ δήμαρχοσ ἐξαπατῶν ὑμᾶσ ἐπειρᾶτο ἀποφαίνειν, δίκαιον καὶ μέτριον, μάθετε οἱ μήπω σαφῶσ εἰδότεσ. ὁ μὲν οὖν νόμοσ ὁ περὶ τῶν δικαστηρίων τῶν δημοτικῶν, ᾧ Δέκιοσ ἐκρατύνατο μάλιστα, οὐ καθ’ ὑμῶν ἐγράφη τῶν πατρικίων, ἀλλ’ ὑπὲρ ἀσφαλείασ τῶν κατισχυομένων δημοτικῶν, ὡσ αὐτόσ τε δηλοῖ γραφὰσ ἔχων οὐκ ἀμφιβόλουσ, καὶ ὑμεῖσ τοῦτο πάντεσ ἀεὶ λέγετε καλῶσ ἐπιστάμενοι.

μέγα δὲ τούτου σημεῖόν ἐστιν, ὃ καὶ παντὸσ ἀμφισβητουμένου δικαίου κριτήριον εἶναι δοκεῖ κράτιστον, ὁ χρόνοσ ἐννεακαιδεκέτησ ἤδη γεγονώσ, ἐξ οὗ ὁ νόμοσ οὗτοσ ἐτέθη·

ἐν ᾧ παντὶ Δέκιοσ οὐκ ἂν ἔχοι δεῖξαι δίκην οὐδεμίαν οὔτε δημοσίαν κατ’ οὐδενὸσ τῶν πατρικίων ἐν τῷ νόμῳ δεδικασμένην, οὔτ’ ἰδίαν· εἰ δὲ φήσει, δειξάτω καὶ μηθὲν ἔτι δεόμεθα λόγου. αἱ δ’ ὁμολογίαι, καθ’ ἃσ διελύσασθε πρὸσ τοὺσ δημότασ αἱ νεωστὶ γενόμεναι·

χρὴ γὰρ καὶ περὶ τούτων ὑμᾶσ μαθεῖν, ἐπειδὴ πονηρὸσ ἐξηγητὴσ ὁ δήμαρχοσ αὐτῶν ἐγένετο·

δύο ταῦτα συγχωρήματα περιέχουσιν· ἀφεῖσθαι τοὺσ δημοτικοὺσ τῶν χρεῶν, καὶ τὴν ἀρχὴν τήνδε ἀποδείκνυσθαι καθ’ ἕκαστον ἐνιαυτὸν ἐπικουρίασ ἕνεκα τῶν κατισχυομένων καὶ κωλύσεωσ, ἄλλο δὲ παρὰ ταῦτ’ οὐδέν. μέγιστον δ’ ὑμῖν γενέσθω τεκμήριον, ὅτι οὔθ’ ὁ νόμοσ οὔθ’ αἱ συνθῆκαι κατ’ ἀνδρὸσ πατρικίου δικάζειν τῷ δήμῳ δεδώκασιν ἐξουσίαν, ὃ ποιεῖ νῦν αὐτὸσ ὁ δῆμοσ.

αἰτεῖται γὰρ αὐτὸ παρ’ ὑμῶν τήμερον, ὡσ πρότερόν γ’ οὐκ ἔχων· οὐδεὶσ δ’ ἂν ἀξιώσειέ τι παρ’ ἄλλων λαμβάνειν, ὧν ἐστι νόμῳ κύριοσ. δίκαιον δὲ φύσεωσ ἀνομοθέτητον, ὦ βουλή, πῶσ ἂν εἰή τοῦτο·

καὶ γὰρ τοῦτο Δέκιοσ ὑμᾶσ ᾤετο δεῖν σκοπεῖν· μήθ’ ὅταν ἐπάγωσί τινα τῶν δημοτικῶν δίκην μήθ’ ὅταν αὐτοὶ κινδυνεύσωσι τοὺσ πατρικίουσ τὰ νείκη διαιτᾶν, ἀλλὰ τούτοισ μὲν ἀμφότερα ἐξεῖναι πλεονεκτεῖν, ἡμῖν δ’ οὐδετέρου τῶν δικαίων μετέχειν;

εἰ δέ τι Μάρκιοσ ἀδικεῖ τὸν δῆμον, καὶ ἄλλοσ τῶν πατρικίων ὁστισοῦν καὶ δίκαιόσ ἐστιν ἀποθανεῖν ἢ τῆσ πόλεωσ ἐκπεσεῖν, μὴ παρ’ αὐτοῖσ, ἀλλ’ ἐνθάδε κριθεὶσ διδότω δίκασ, ὥσπερ ἐστὶ νόμιμον.

εἰ μὴ ἄρα, ὦ Δέκιε, ὁ μὲν δῆμοσ ἴσοσ ἔσται δικαστὴσ καὶ οὐθὲν ἂν χαρίσαιτο αὑτῷ πρὸσ ἀνδρὸσ ἐχθροῦ τὴν ψῆφον ἐπιφέρων· οὗτοι δ’ εἰ γένοιντο τῆσ ψήφου κύριοι τὸν ἀδικοῦντα περὶ πλείονοσ ποιήσονται τῆσ ἀδικουμένησ ὑπ’ αὐτοῦ πόλεωσ, μέλλοντεσ ἀρὰν καὶ ἐπιορκίαν καὶ μῖσοσ μὲν παρ’ ἀνθρώπων, χόλον δὲ παρὰ θεῶν ἐκ τῆσ δίκησ ἀποίσεσθαι καὶ μετὰ πονηρῶν ἐλπίδων ζῆν. οὐκ ἀξιῶ ταῦτα περὶ τῆσ βουλῆσ ὑμᾶσ, ὦ δημόται, σκοπεῖν, ᾗ τιμὰσ καὶ ἀρχὰσ καὶ τὰ κράτιστα τῶν ἐν τῇ πόλει παραχωρεῖν ὁμολογεῖτε δι’ ἀρετήν, καὶ πολλὰσ χάριτασ εἰδέναι φατὲ τῆσ προθυμίασ, ἣν ἀπεδείξατο περὶ τὴν κάθοδον ὑμῶν.

μάχεται ταῦτ’ ἀλλήλοισ· καὶ οὐκ ἔχει λόγον, οὓσ ἐπαινεῖτε, τούτουσ φοβεῖσθαι καὶ ἅμα τοῖσ αὐτοῖσ περὶ μὲν τῶν μειζόνων ἐπιτρέπειν, περὶ δὲ τῶν ἄλλων ἀπιστεῖν.

τί δ’ οὐχὶ μιᾷ χρώμενοι γνώμῃ ἢ πάντα πιστεύετε αὐτοῖσ ἢ περὶ πάντων ἀπιστεῖτε; ἀλλὰ προβουλεῦσαι μὲν αὐτοὺσ τὰ δίκαια ἱκανοὺσ εἶναι νομίζετε, δικάσαι δὲ περὶ αὐτῶν τούτων ὧν προβουλεύουσιν οὐχ ἱκανούσ.

πολλὰ καὶ ἄλλα περὶ τῶν δικαίων εἶχον, ὦ βουλή, λέγειν, ἀλλὰ καὶ ταῦθ’ ἱκανά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 52

(디오니시오스, Antiquitates Romanae, Books VII-IX, book 7, chapter 52)

상위

목록

SEARCH

MENU NAVIGATION