헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 50)

τί οὖν ἐποίησεν ὁ χρηστὸσ ἡμῖν δῆμοσ, ἐπειδὴ καὶ ταύτην αὐτῷ συνεχωρήσατε τὴν ἀρχήν; οὐκ ἐταμιεύσατο τὴν τοσαύτην χάριν οὐδ’ ἔλαβεν αἰσχυνομένωσ αὐτὴν καὶ σωφρόνωσ, ἀλλ’ ὡσ δεδοικόσι τὴν ἰσχὺν αὐτοῦ καὶ κατεπτηχόσιν ἡμῖν . . . ἔπειτα ἱερὰν καὶ ἄσυλον ἔφη δεῖν ἀποδειχθῆναι τὴν ἀρχὴν ὁρ́κοισ ἐμπεδωθεῖσαν, κρείττω τιμὴν αἰτούμενοσ ἧσ δεδώκατε ὑμεῖσ τοῖσ ὑπάτοισ. ὑπεμείνατε καὶ τοῦτο καὶ στάντεσ ἐπὶ τῶν τομίων κατ’ ἐξωλείασ ἑαυτῶν τε καὶ τῶν ἀπογόνων ὠμόσατε.

τί οὖν ἐποίησε καὶ τούτου τυχών;

ἀντὶ τοῦ χάριτασ ὑμῖν εἰδέναι καὶ σώζειν τὸν πάτριον κόσμον τῆσ πολιτείασ, ἀρξάμενοσ ἀπὸ τούτων τῶν πλεονεξιῶν καὶ ταύταισ ταῖσ παρανομίαισ ἀφορμαῖσ τῶν ὕστερον χρησάμενοσ νόμουσ τ’ ἀπροβουλεύτουσ εἰσφέρει, καὶ τούτουσ ἐπιψηφίζει δίχα τῆσ ὑμετέρασ γνώμησ, καὶ οἷσ ἂν ὑμεῖσ ἐκφέρητε δόγμασιν οὐ προσέχει τὸν νοῦν, καὶ τῶν ὑπάτων ὡσ οὐκ ὀρθῶσ τὴν πόλιν ἐπιτροπευόντων κατηγόρει, καὶ τοῖσ ἐκβαίνουσι παρὰ τὰσ ὑμετέρασ συνθήκασ· πολλὰ δ’ ἐστίν, ὧν οὐ δύναται στοχάσασθαι λογισμὸσ ἀνθρώπινοσ·

οὐ τὴν τύχην, ὥσπερ ἐχρῆν, ἀλλὰ τὴν ὑμετέραν ἐπιγράφει διάνοιαν, ἐπιβουλεύεσθαί θ’ ὑφ’ ὑμῶν σκηπτόμενοσ καὶ δεδιέναι, μὴ τὴν ἐλευθερίαν ἀφέλησθε ἢ τῆσ πατρίδοσ ἐκβάλητε, αὐτὸσ ἐφ’ ὑμῖν ταῦτα μηχανώμενοσ διατελεῖ, καὶ τὸ μὴ παθεῖν ὃ δεδοικέναι φησίν, οὐκ ἄλλῳ τινὶ φυλαττόμενοσ δῆλόσ ἐστιν, ἢ τῷ δρᾶσαι φθάσασ. ἐδήλωσε δὲ τοῦτο πολλάκισ μὲν καὶ πρότερον καὶ ἐπὶ πολλῶν ὧν ἐξείργομαι μεμνῆσθαι κατὰ τὸ παρόν, μάλιστα δὲ Μάρκιον τουτονὶ τὸν φιλόπολιν ἄνδρα, οὔτε προγόνων ἀφανῶν ὄντα οὔτ’ αὐτὸν ἀρετῇ λειπόμενον οὐθενὸσ ἡμῶν, αἰτιασάμενοσ ἐπιβουλεύειν αὐτῷ καὶ πονηρὰσ ἐνθάδε γνώμασ λέγειν, ἄκριτον ἐπεχείρησεν ἀποκτεῖναι.

καὶ εἰ μὴ δεινὸν ἡγησάμενοι τὸ πρᾶγμα οἵ θ’ ὕπατοι καὶ ὑμῶν οἱ τὰ κρείττω φρονοῦντεσ συνεστράφητε καὶ τὴν παρανομίαν ἐπέσχετε αὐτῶν, ἐν μιᾷ τῇ τότε ἡμέρᾳ πάντ’ ἂν ἀφῃρέθητε, ὅσα οἱ πατέρεσ θ’ ὑμῖν σὺν πολλοῖσ κτησάμενοι πόνοισ κατέλιπον καὶ αὐτοὶ ὑμεῖσ οὐκ ἐλάττουσ ἀγῶνασ ἐκείνων ὑποστάντεσ ἔχετε, τὸ ἀξίωμα, τὴν ἡγεμονίαν, τὴν ἐλευθερίαν·

οἱ δὲ γενναιότεροι καὶ οὐκ ἀγαπήσαντεσ αὐτὸ τὸ ζῆν, εἰ μὴ μετὰ τούτων ἐμέλλετε τῶν ἀγαθῶν βιώσεσθαι, τὰσ ψυχὰσ ἂν πρότερον ἢ ταῦτ’ ἀφῃρέθητε, οἱ μὲν εὐθύσ, οἱ δ’ οὐκ εἰσ μακράν. τί γὰρ ἂν τὸ κωλῦσον ἦν οὕτωσ αἰσχρῶσ καὶ κακῶσ Μαρκίου τοῦδε ἀναρπασθέντοσ ὥσπερ ἐν ἐρημίᾳ κἀμὲ μετὰ τοῦτον ἀπολωλέναι διασπασθέντα ὑπὸ τῶν ἐχθρῶν, καὶ πάντασ, ὅσοι πώποτ’ ἠναντιώθησαν, καὶ τὸ λοιπὸν ἔμελλον ἐναντιώσεσθαι ταῖσ παρανόμοισ ἐπιθυμίαισ τοῦ δήμου;

τὰ μέλλοντα τεκμαίρεσθαι τοῖσ γεγονόσιν, ἀλλ’ ἀφ’ ἡμῶν ἀρξάμενοσ ἅπαν τὸ ἀντίπαλον καὶ μὴ εἶκον ὥσπερ χειμάρρουσ πολὺσ ἐμπεσὼν παρέσυρεν ἂν καὶ κατήνεγκεν, οὔτ’ εὐγενείασ φειδόμενοσ οὔτ’ ἀρετῆσ οὔθ’ ἡλικίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 50

(디오니시오스, Antiquitates Romanae, Books VII-IX, book 7, chapter 50)

상위

목록

SEARCH

MENU NAVIGATION