헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 28

(디오니시오스, Antiquitates Romanae, Books VII-IX, book 7, chapter 28)

ἡ μὲν ὑπὲρ τῆσ σιτοδείασ ἀπολογία πάνυ βραχεῖά ἐστιν, ὦ δημόται, καὶ οὐκ ἄλλουσ τινὰσ παρεξόμεθα ὧν ἂν λέγωμεν ἢ ὑμᾶσ μάρτυρασ. τήν τε γὰρ ἀφορίαν τῶν σιτικῶν καρπῶν ἐπίστασθε δήπου καὶ αὐτοὶ διὰ τὸν ἐκλειφθέντα σπόρον γενομένην· τήν τ’ ἄλλην καταφθορὰν τῆσ χώρασ οὐ παρ’ ἑτέρων ὑμᾶσ δεῖ μαθεῖν, ἀφ’ ἧσ αἰτίασ συνέβη,. καὶ ὡσ τελευτῶσα ἡ πλείστη τε καὶ ἀρίστη γὴ πάντων ἐσπάνικε καρπῶν τε καὶ ἀνδραπόδων καὶ βοσκημάτων τὰ μὲν ὑπὸ τῶν πολεμίων διαρπαζομένη, τὰ δ’ ὑμῖν μὴ ἐπιχορηγοῦσα τοσούτοισ οὖσι καὶ μηδεμίαν ἄλλην ἀποστροφὴν ἔχουσιν. ὥστ’ οὐκ ἐξ ὧν οἱ δημαγωγοὶ διαβάλλουσιν, ἀλλ’ ἐξ ὧν αὐτοὶ ἴστε, τὸν λιμὸν ἡγούμενοι γεγονέναι παύσασθε προσάπτοντεσ ἐπιβουλὴν ἡμετέραν τῷ πάθει καὶ δἰ ὀργῆσ ἔχοντεσ ἡμᾶσ οὐθὲν ἀδικοῦντασ.

αἱ δ’ ἀποστολαὶ τῶν κληρούχων ἐκ τοῦ ἀναγκαίου ἐγένοντο, κοινῇ δόξαν ὑμῖν ἅπασι διὰ φυλακῆσ ἔχειν χωρία εἰσ πόλεμον ἐπιτήδεια, καὶ μεγάλα ὤνησαν ἐν καιρῷ σφόδρα ἀναγκαίῳ γενόμεναι τούσ τ’ ἐξιόντασ καὶ τοὺσ ὑπολειπομένουσ ὑμῶν.

οἱ μὲν γὰρ ἀφθονωτέρων εὐποροῦσιν ἐκεῖ τῶν ἐπιτηδείων· οἱ δ’ ἐνθάδε ὑπομείναντεσ ἧττον σπανίζουσι τῆσ ἀγορᾶσ·

ἥ τ’ ἰσομοιρία τῆσ τύχησ ἧσ μετέσχομεν ὑμῖν τοῖσ δημοτικοῖσ οἱ πατρίκιοι κλήρῳ ποιησάμενοι τὴν ἔξοδον, οὐ ψέγεται.