헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 8)

ταῦτ’ εἰπὼν καὶ θαυμαστῶν ἅπαντασ ἐμπλήσασ ἐλπίδων τοὺσ δημοτικοὺσ δύο τὰ κάκιστα τῶν ἐν ἀνθρώποισ καθίσταται πολιτευμάτων, οἷσ ἅπασα χρῆται προοιμίοισ τυραννίσ, γῆσ ἀναδασμὸν καὶ χρεῶν ἄφεσιν· τούτων δὲ τὴν ἐπιμέλειαν αὐτὸσ ἀμφοτέρων ὑπισχνεῖται ποιήσεσθαι στρατηγὸσ ἀποδειχθεὶσ αὐτοκράτωρ, ἑώσ ἐν ἀσφαλεῖ τὰ κοινὰ γένηται καὶ δημοκρατικὴν καταστήσωνται πολιτείαν. ἀσμένωσ δὲ τοῦ δημοτικοῦ καὶ πονηροῦ πλήθουσ τὴν ἁρπαγὴν τῶν ἀλλοτρίων δεξαμένου λαβὼν τὴν αὐτοκράτορα ἀρχὴν αὐτὸσ παρ’ ἑαυτοῦ ἕτερον ἐπιφέρει βούλευμα, δι’ οὗ παρακρουσάμενοσ αὐτοὺσ ἁπάντων ἀφείλετο τὴν ἐλευθερίαν.

σκηψάμενοσ γὰρ ὑποπτεύειν ταραχὰσ καὶ ἐπαναστάσεισ ἐκ τῶν πλουσίων εἰσ τοὺσ δημοτικοὺσ διὰ τὸν ἀναδασμὸν τῆσ γῆσ καὶ τὰσ τῶν δανείων ἀφέσεισ, ἵνα μὴ γένοιτο πόλεμοσ ἐμφύλιοσ μηδὲ φόνοι πολιτικοί, μίαν εὑρίσκειν ἔφη πρὶν εἰσ τὰ δεινὰ ἐλθεῖν φυλακήν, εἰ τὰ ὅπλα προενέγκαντεσ ἐκ τῶν οἰκιῶν ἅπαντεσ τοῖσ θεοῖσ καθιερώσειαν, ἵνα κατὰ τῶν ἔξωθεν ἐπιόντων πολεμίων ἔχοιεν αὐτοῖσ, ὅταν ἀνάγκη τισ καταλάβῃ, χρῆσθαι καὶ μὴ καθ’ ἑαυτῶν, κεῖσθαι δ’ αὐτὰ τέωσ παρὰ τοῖσ θεοῖσ ἐν καλῷ.

ὡσ δὲ καὶ τοῦτ’ ἐπείσθησαν, αὐθημερὸν ἁπάντων παρελόμενοσ Κυμαίων τὰ ὅπλα ταῖσ ἑξῆσ ἡμέραισ ἔρευναν ἐποιεῖτο τῶν οἰκιῶν, ἐν αἷσ πολλοὺσ καὶ ἀγαθοὺσ ἀποκτείνασ τῶν πολιτῶν, ὡσ οὐχ ἅπαντα τοῖσ θεοῖσ ἀποδείξαντασ τὰ ὅπλα, μετὰ ταῦτα φυλακαῖσ τρισὶ κρατύνεται τὴν τυραννίδα·

ὧν ἦν μία μὲν ἐκ τῶν ῥυπαρωτάτων πολιτῶν, μεθ’ ὧν κατέλυσε τὴν ἀριστοκρατικὴν πολιτείαν, ἑτέρα δ’ ἐκ τῶν ἀνοσιωτάτων δούλων, οὓσ αὐτὸσ ἠλευθέρωσεν ἀποκτείναντασ τοὺσ αὑτῶν δεσπότασ, τρίτη δὲ μισθοφόροσ ἐκ τῶν ἀγριωτάτων βαρβάρων· οὗτοι δισχιλίων οὐκ ἐλάττουσ ἦσαν καὶ τὰ πολέμια μακρῷ τῶν ἄλλων ἀμείνουσ.

ὧν δ’ ἀπέκτεινεν ἀνδρῶν τὰσ εἰκόνασ ἀνελὼν ἐκ παντὸσ ἱεροῦ καὶ βεβήλου τόπου, φέρων εἰσ τοὺσ αὐτοὺσ τόπουσ τὰσ ἰδίασ ἀντ’ ἐκείνων ἀνέστησεν·

οἰκίασ δ’ αὐτῶν καὶ κλήρουσ καὶ τὴν λοιπὴν ὕπαρξιν ἀναλαβών, ἐξελόμενοσ χρυσὸν καὶ ἄργυρον καὶ εἴ τι ἄλλο τυραννίδοσ ἦν ἄξιον κτῆμα, τὰ λοιπὰ τοῖσ συγκατασκευάσασι τὴν ἀρχὴν ἐχαρίσατο, πλείστασ δὲ καὶ μεγίστασ δωρεὰσ τοῖσ ἀποκτείνασι τοὺσ ἑαυτῶν δεσπότασ ἐδίδου· οἱ δ’ ἠξίουν ἔτι καὶ γυναιξὶ τῶν δεσποτῶν καὶ θυγατράσι συνοικεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 8

(디오니시오스, Antiquitates Romanae, Books VII-IX, book 7, chapter 8)

상위

목록

SEARCH

MENU NAVIGATION