헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 7)

οὓσ συνεργοὺσ καὶ συναγωνιστὰσ λαβὼν καὶ ἃ δεήσει πράττειν ἑκάστοισ ὑποθέμενοσ τοῖσ τ’ αἰχμαλώτοισ, οὓσ ἐπήγετο, προῖκα δοὺσ τὴν ἐλευθερίαν, ἵνα καὶ τὴν ἐκείνων εὔνοιαν προσλάβῃ, κατέπλει κεκοσμημέναισ ταῖσ ναυσὶν εἰσ τοὺσ τῶν Κυμαίων λιμένασ. οἱ δὲ τῶν στρατευομένων πατέρεσ τε καὶ μητέρεσ καὶ πᾶσα ἡ ἄλλη συγγένεια, παιδία τε καὶ γαμεταὶ γυναῖκεσ, ὑπήντων ἐξιοῦσιν αὐτοῖσ μετὰ δακρύων περιπλεκόμενοι καὶ καταφιλοῦντεσ καὶ ταῖσ ἡδίσταισ ἕκαστον ἀνακαλούμενοι προσηγορίαισ.

καὶ ἡ ἄλλη δὲ πληθὺσ ἡ κατὰ τὴν πόλιν ἅπασα χαρᾷ καὶ κρότῳ δεξιουμένη τὸν ἡγεμόνα προὔπεμπεν εἰσ οἶκον ἀπιόντα.

ἐφ’ οἷσ οἱ προεστηκότεσ τῆσ πόλεωσ ἀνιώμενοι, μάλιστα δ’ οἱ τὴν στρατηγίαν αὐτῷ παραδόντεσ καὶ τἆλλα τὰ πρὸσ τὸν ὄλεθρον μηχανησάμενοι, πονηροὺσ ὑπὲρ τοῦ μέλλοντοσ εἶχον διαλογισμούσ. ὁ δὲ διαλιπὼν ὀλίγασ τινὰσ ἡμέρασ, ἐν αἷσ τὰσ εὐχὰσ ἀπεδίδου τοῖσ θεοῖσ καὶ τὰσ ὑστεριζούσασ ὁλκάδασ ἀνεδέχετο, ἐπειδὴ καιρὸσ ἦν, ἔφη βούλεσθαι τὰ πραχθέντα κατὰ τὸν ἀγῶνα πρὸσ τὴν βουλὴν ἀπαγγεῖλαι καὶ τὰ ἐκ τοῦ πολέμου λάφυρα ἀποδεῖξαι.

ὁ μὲν ἐδημηγόρει παρελθὼν καὶ πάντα τὰ γενόμενα κατὰ τὴν μάχην διεξῄει, οἱ δὲ παρασκευασθέντεσ ὑπ’ αὐτοῦ συνεργοὶ τῆσ ἐπιθέσεωσ ἔχοντεσ ὑπὸ τοῖσ ἱματίοισ ξίφη κατὰ πλῆθοσ εἰσδραμόντεσ εἰσ τὸ βουλευτήριον ἀποσφάττουσιν ἅπαντασ τοὺσ ἀριστοκρατικούσ.

φυγὴ δ’ ἐγένετο μετὰ τοῦτο τῶν κατ’ ἀγορὰν καὶ δρόμοσ, τῶν μὲν ἐπὶ τὰσ οἰκίασ, τῶν δ’ ἔξω τῆσ πόλεωσ, πλὴν τῶν συνειδότων τὴν ἐπίθεσιν·

οὗτοι δὲ τὴν ἄκραν καὶ τὰ νεώρια καὶ τοὺσ ἐρυμνοὺσ τόπουσ τῆσ πόλεωσ κατελάμβανον. τῇ δ’ ἐπιούσῃ νυκτὶ λύσασ ἐκ τῶν δεσμωτηρίων τοὺσ ἐπιθανατίουσ πολλοὺσ ὄντασ καὶ καθοπλίσασ ἅμα τοῖσ ἄλλοισ φίλοισ, ἐν οἷσ ἦσαν καὶ οἱ τῶν Τυρρηνῶν αἰχμάλωτοι, φυλακὴν ἐκ τούτων καθίσταται περὶ τὸ σῶμα. ὑπ’ αὐτῶν, τοῖσ δ’ ἄλλοισ πολίταισ ἐλευθερίαν φέρων παρεῖναι καὶ ἰσηγορίαν καὶ ἄλλα πολλὰ ἀγαθά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 7

(디오니시오스, Antiquitates Romanae, Books VII-IX, book 7, chapter 7)

상위

목록

SEARCH

MENU NAVIGATION