헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 6)

ὁ δ’ Ἀριστόδημοσ τοσοῦτον εἰπὼν μόνον, ὡσ οὐ λέληθεν αὐτὸν ἡ διάνοια τῶν ἐχθρῶν, ὅτι λόγῳ μὲν ἐπὶ συμμαχίαν αὐτὸν ἀποστέλλουσιν, ἔργῳ δ’ εἰσ προὖπτον ὄλεθρον, δέχεται μὲν τὴν στρατηγίαν, ἀναχθεὶσ δ’ ἅμα τοῖσ πρέσβεσι τῶν Ἀρικηνῶν διὰ ταχέων καὶ τὸ μεταξὺ πέλαγοσ ἐπιπόνωσ καὶ κινδυνωδῶσ διανύσασ ὁρμίζεται κατὰ τοὺσ ἔγγιστα τῆσ Ἀρικείασ αἰγιαλούσ· καὶ καταλιπὼν ἐν ταῖσ ναυσὶ φυλακὴν ἀποχρῶσαν ἐν τῇ πρώτῃ νυκτὶ τὴν ἀπὸ θαλάσσησ ὁδὸν οὐ πολλὴν οὖσαν διανύσασ ἐπιφαίνεται τοῖσ Ἀρικηνοῖσ περὶ τὸν ὄρθρον ἀπροσδόκητοσ. θέμενοσ δὲ πλησίον αὐτῶν τὸν χάρακα καὶ τοὺσ καταπεφευγότασ εἰσ τὰ τείχη πείσασ προελθεῖν εἰσ ὕπαιθρον προὐκαλεῖτο τοὺσ Τυρρηνοὺσ εὐθὺσ εἰσ μάχην.

γενομένου δ’ ἐκ παρατάξεωσ ἀγῶνοσ καρτεροῦ οἱ μὲν Ἀρικηνοὶ βραχὺν πάνυ διαμείναντεσ χρόνον ἐνέκλιναν ἀθρόοι, καὶ γίνεται πάλιν εἰσ τὸ τεῖχοσ αὐτῶν φυγή· αὐτὸν λογάσι Κυμαίων ὀλίγοισ οὖσι πᾶν τὸ τοῦ πολέμου βάροσ ὑποστὰσ καὶ τὸν ἡγεμόνα τῶν Τυρρηνῶν αὐτοχειρίᾳ κτείνασ τρέπει τοὺσ ἄλλουσ εἰσ φυγὴν καὶ νίκην ἀναιρεῖται πασῶν λαμπροτάτην.

διαπραξάμενοσ δὲ ταῦτα καὶ τιμηθεὶσ ὑπὸ τῶν Ἀρικηνῶν πολλαῖσ δωρεαῖσ ἀπέπλει διὰ ταχέων αὐτὸσ ἄγγελοσ τοῖσ Κυμαίοισ τῆσ αὑτοῦ νίκησ βουλόμενοσ γενέσθαι·

εἵποντο δ’ αὐτῷ πολλαὶ πάνυ τῶν Ἀρικηνῶν ὁλκάδεσ τὰ λάφυρα καὶ τοὺσ αἰχμαλώτουσ τῶν Τυρρηνῶν ἄγουσαι. ὡσ δὲ πλησίον ἐγένοντο τῆσ Κύμησ, ὁρμίσασ τὰσ ναῦσ ἐκκλησίαν τοῦ στρατοῦ ποιεῖται, καὶ πολλὰ μὲν τῶν προεστηκότων τῆσ πόλεωσ κατηγορήσασ, πολλοὺσ δὲ τῶν ἀνδραγαθησάντων κατὰ τὴν μάχην ἐπαίνουσ διελθὼν ἀργύριόν τε διαδοὺσ αὐτοῖσ κατ’ ἄνδρα καὶ τὰσ παρὰ τῶν Ἀρικηνῶν δωρεὰσ εἰσ κοινὸν ἅπασι καταθεὶσ ἠξίου μεμνῆσθαι τῶν εὐεργεσιῶν, ἂν καταπλεύσωσιν εἰσ τὴν πατρίδα, καὶ ἄν τισ αὐτῷ ποτε συμβαίνῃ κίνδυνοσ ἐκ τῆσ ὀλιγαρχίασ ὡσ δύναμισ ἑκάστῳ βοηθεῖν.

ἁπάντων δὲ πολλὰσ ὁμολογούντων αὐτῷ χάριτασ εἰδέναι τῆσ τ’ ἀνελπίστου σωτηρίασ, ἣν δι’ ἐκεῖνον ἔσχον, καὶ τῆσ ἐπὶ τὰ οἰκεῖα οὐ σὺν κεναῖσ χερσὶν ἀφίξεωσ, καὶ τὰσ ἑαυτῶν ψυχὰσ θᾶττον ἢ τὴν ἐκείνου προήσεσθαι τοῖσ ἐχθροῖσ ἐπαγγειλαμένων, ἐπαινέσασ αὐτοὺσ ἀπέλυσε τὴν ἐκκλησίαν.

καὶ μετὰ τοῦτο καλῶν εἰσ τὴν αὑτοῦ σκηνὴν τοὺσ πονηροτάτουσ ἐξ αὐτῶν καὶ κατὰ χεῖρα γενναιοτάτουσ δωρεῶν τε δόσει καὶ λόγων φιλανθρωπίᾳ καὶ ταῖσ ἅπαντασ ἐξαπατώσαισ ἐλπίσι διαφθείρασ, ἑτοίμουσ ἔσχε συγκαταλῦσαι τὴν καθεστῶσαν πολιτείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 6

(디오니시오스, Antiquitates Romanae, Books VII-IX, book 7, chapter 6)

상위

목록

SEARCH

MENU NAVIGATION