헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 5)

εἰκοστῷ δ’ ὕστερον ἔτει τῆσ πρὸσ τοὺσ βαρβάρουσ μάχησ ἦλθον ὡσ τοὺσ Κυμαίουσ Ἀρικηνῶν πρέσβεισ σὺν ἱκετηρίαισ ἀξιοῦντεσ αὐτοὺσ βοηθῆσαι σφίσιν ὑπὸ Τυρρηνῶν πολεμουμένοισ. μετὰ γὰρ τὰσ διαλλαγάσ, ἃσ ἐποιήσατο πρὸσ τὴν Ῥωμαίων πόλιν ὁ βασιλεὺσ τῶν Τυρρηνῶν Πορσίνασ, τὸν υἱὸν Ἄρροντα δοὺσ τὴν ἡμίσειαν τῆσ στρατιᾶσ ἔπεμψεν ἰδίαν ἀρχὴν κτήσασθαι βουλόμενον, ὡσ ἐν τοῖσ πρὸ τούτου δεδήλωκα λόγοισ· ὃσ ἐπολιόρκει τότε τοὺσ Ἀρικηνοὺσ καταπεφευγότασ εἰσ τὸ τεῖχοσ καὶ οὐ διὰ μακροῦ λιμῷ τὴν πόλιν αἱρήσειν ᾤετο. ταύτησ τῆσ πρεσβείασ ἀφικομένησ οἱ προεστηκότεσ τῆσ ἀριστοκρατίασ μισοῦντεσ τὸν Ἀριστόδημον καὶ δεδιότεσ, μή τι κακὸν ἐξεργάσηται περὶ τὴν πολιτείαν, κάλλιστον ὑπέλαβον εἰληφέναι καιρὸν ἐκποδὼν αὐτὸν ποιήσασθαι σὺν εὐσχήμονι προφάσει.

πείσαντεσ δὴ τὸν δῆμον ἀποστεῖλαι Ἀρικηνοῖσ δισχιλίουσ ἄνδρασ ἐπὶ συμμαχίαν, καὶ στρατηγὸν ἀποδείξαντεσ τὸν Ἀριστόδημον ὡσ δὴ τὰ πολέμια λαμπρόν, τὰ μετὰ ταῦτ’ ἔπραττον, ἐξ ὧν ἢ κατακοπήσεσθαι μαχόμενον ὑπὸ τῶν Τυρρηνῶν αὐτὸν ὑπελάμβανον ἢ κατὰ πέλαγοσ διαφθαρήσεσθαι.

γενόμενοι γὰρ ὑπὸ τῆσ βουλῆσ κύριοι καταλέξαι τοὺσ ἐπὶ τὴν συμμαχίαν ἐξελευσομένουσ τῶν μὲν ἐπισήμων καὶ λόγου ἀξίων οὐδένα κατέγραψαν, ἐπιλέξαντεσ δὲ τοὺσ ἀπορωτάτουσ τε καὶ πονηροτάτουσ τῶν δημοτικῶν, ἐξ ὧν ἀεί τινασ ὑπώπτευον νεωτερισμούσ, ἐκ τούτων συνεπλήρωσαν τὸν ἀπόστολον·

καὶ ναῦσ δέκα παλαιὰσ κάκιστα πλεούσασ καθελκύσαντεσ, ὧν ἐτριηράρχουν οἱ πενέστατοι Κυμαίων, εἰσ ταύτασ αὐτοὺσ ἐνεβίβασαν θάνατον ἀπειλήσαντεσ, ἐάν τισ ἀπολειφθῇ τῆσ στρατείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 5

(디오니시오스, Antiquitates Romanae, Books VII-IX, book 7, chapter 5)

상위

목록

SEARCH

MENU NAVIGATION