헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 3

(디오니시오스, Antiquitates Romanae, Books VII-IX, book 7, chapter 3)

τῶν ἄλλων βαρβάρων ἐπεχείρησαν ἀνελεῖν οὐδεμίαν ἔχοντεσ εἰπεῖν πρόφασιν τοῦ μίσουσ δικαίαν ὅτι μὴ τὴν εὐδαιμονίαν τῆσ πόλεωσ. ἦν γὰρ Κύμη κατ’ ἐκείνουσ τοὺσ χρόνουσ περιβόητοσ ἀνὰ τὴν Ἰταλίαν ὅλην πλούτου τε καὶ δυνάμεωσ ἕνεκα καὶ τῶν ἄλλων ἀγαθῶν γῆν τε κατέχουσα τῆσ Καμπανῶν πεδιάδοσ τὴν πολυκαρποτάτην καὶ λιμένων κρατοῦσα τῶν περὶ Μισηνὸν ἐπικαιροτάτων.

τούτοισ ἐπιβουλεύσαντεσ τοῖσ ἀγαθοῖσ οἱ βάρβαροι στρατεύουσιν ἐπ’ αὐτήν, πεζοὶ μὲν οὐκ ἐλάττουσ πεντήκοντα μυριάδων, ἱππεῖσ δὲ δυεῖν χιλιάδων ἀποδέοντεσ εἶναι δισμύριοι. ἐστρατοπεδευκόσι δ’ αὐτοῖσ οὐ μακρὰν ἀπὸ τῆσ πόλεωσ τέρασ γίνεται θαυμαστόν, οἱο͂ν ἐν οὐδενὶ χρόνῳ μνημονεύεται γενόμενον οὔθ’ Ἑλλάδοσ οὔτε βαρβάρου γῆσ οὐδαμόθι. οἱ γὰρ παρὰ τὰ στρατόπεδα ῥέοντεσ αὐτῶν ποταμοί, Οὐολτοῦρνοσ ὄνομα θατέρῳ, τῷ δ’ ἑτέρῳ Γλάνισ, ἀφέντεσ τὰσ κατὰ φύσιν ὁδοὺσ ἀνέστρεψαν τὰ νάματα καὶ μέχρι πολλοῦ διετέλεσαν ἀπὸ τῶν στομάτων ἀναχωροῦντεσ ἐπὶ τὰσ πηγάσ.

τοῦτο καταμαθόντεσ οἱ Κυμαῖοι τότ’ ἐθάρρησαν ὁμόσε τοῖσ βαρβάροισ χωρεῖν ὡσ τοῦ δαιμονίου ταπεινὰ μὲν τἀκείνων μετέωρα θήσοντοσ, ὑψηλὰ δὲ τὰ δοκοῦντα εἶναι σφῶν ταπεινά.

νείμαντεσ δὲ τὴν ἐν ἀκμῇ δύναμιν ἅπασαν τριχῇ, μιᾷ μὲν τὴν πόλιν ἐφρούρουν, τῇ δ’ ἑτέρᾳ τὰσ ναῦσ εἶχον ἐν φυλακῇ, τῇ δὲ τρίτῃ πρὸ τοῦ τείχουσ ταξάμενοι τοὺσ ἐπιόντασ ἐδέχοντο. τούτων ἱππεῖσ μὲν ἦσαν ἑξακόσιοι, πεζοὶ δὲ τετρακισχίλιοι καὶ πεντἀκόσιοι·

καὶ οὕτωσ ὄντεσ τὸν ἀριθμὸν ὀλίγοι τὰσ τοσαύτασ ὑπέστησαν μυριάδασ.