헬라어 문장 검색 - Διοδορ́Λιβραρψ́10́66́

(디오도로스 시켈로스, Library, book xvii, chapter 114)

ἀπολύσασ δὲ τὰσ πρεσβείασ περὶ τὴν ταφὴν ἐγίνετο τοῦ Ἡφαιστίωνοσ. τοσαύτην δὲ σπουδὴν ἐποιήσατο πρὸσ τὴν τῆσ ἐκφορᾶσ ἐπιμέλειαν ὥστε μὴ μόνον τὰσ προγεγενημένασ παρ’ ἀνθρώποισ ταφὰσ ὑπερβαλέσθαι, ἀλλὰ καὶ τοῖσ ἐσομένοισ μηδεμίαν ὑπέρθεσιν καταλιπεῖν. καὶ γὰρ ἠγάπησεν αὐτὸν μάλιστα τῶν ἐν στοργῇ φίλων δοξαζομένων καὶ μετὰ τὴν τελευτὴν ἐτίμησεν αὐτὸν ἀνυπερβλήτωσ. ζῶντα μὲν γὰρ προετίμησε πάντων τῶν φίλων, καίπερ Κρατεροῦ φιλίαν ἔχοντοσ ἐνάμιλλον. ἐπεὶ γάρ τισ τῶν ἑταίρων εἶπεν μηδὲν καταδεέστερον Ἡφαιστίωνοσ τὸν Κρατερὸν στέργεσθαι, ἐπεφθέγξατο Κρατερὸν μὲν γὰρ εἶναι φιλοβασιλέα, Ἡφαιστίωνα δὲ φιλαλέξανδρον.

τῆσ δὲ Δαρείου μητρὸσ κατὰ τὴν πρώτην ἔντευξιν διὰ τὴν ἄγνοιαν προσκυνούσησ τὸν Ἡφαιστίωνα ὡσ ὄντα βασιλέα καὶ μετὰ τὴν ἐπίγνωσιν διατρεπομένησ εἶπεν, μηδὲν φροντίσῃσ, ὦ μῆτερ· καὶ γὰρ καὶ οὗτοσ Ἀλέξανδροσ. καθόλου γὰρ ὁ Ἡφαιστίων τοσαύτησ ἐξουσίασ καὶ φιλικῆσ ἐκοινώνει παρρησίασ ὡσ τῆσ Ὀλυμπιάδοσ ἀλλοτρίωσ ἐχούσησ πρὸσ αὐτὸν διὰ τὸν φθόνον καὶ κατὰ τὰσ ἐπιστολὰσ ἐπιτιμώσησ αὐτῷ σκληρότερον καὶ ἀπειλούσησ τά τε ἄλλα γράψαι πρὸσ αὐτὴν ἐπιπληκτικῶσ καὶ κατὰ τὴν ἐπιστολὴν ἐπὶ τελευτῆσ θεῖναι ταῦτα.

"καὶ πρὸσ ἡμᾶσ παύου διαβαλλομένη καὶ μὴ χαλέπαινε μηδὲ ἀπείλει· "εἰ δὲ μή, μετρίωσ ἡμῖν μελήσει· "οἶδασ γὰρ ὅτι Ἀλέξανδροσ κρείττων ἁπάντων. ὁ δ’ οὖν βασιλεὺσ τὰ πρὸσ τὴν ἐκφορὰν παρασκευαζόμενοσ ταῖσ μὲν πλησίον πόλεσι προσέταξε κατὰ δύναμιν συμβάλλεσθαι πρὸσ τὸν τῆσ ἐκφορᾶσ κόσμον, πᾶσι δὲ τοῖσ κατὰ τὴν Ἀσίαν οἰκοῦσι προσέταξεν τὸ παρὰ τοῖσ Πέρσαισ ἱερὸν πῦρ καλούμενον ἐπιμελῶσ σβέσαι, μέχρι ἂν τελέσῃ τὴν ἐκφοράν·

τοῦτο δὲ εἰώθασιν οἱ Πέρσαι ποιεῖν κατὰ τὰσ τῶν βασιλέων τελευτάσ. τὸ δὲ πλῆθοσ χαλεπὸν οἰωνὸν ἐτίθετο τὸ πρόσταγμα καὶ τὸ θεῖον ὑπελάμβανον προσημαίνειν τὸν τοῦ βασιλέωσ θάνατον.

ἐγένετο δὲ καὶ ἄλλα σημεῖα παράδοξα προδηλοῦντα τὴν Ἀλεξάνδρου τελευτήν, περὶ ὧν μικρὸν ὕστερον ἐροῦμεν, ὅταν τὸν περὶ τῆσ ἐκφορᾶσ λόγον ἀποδῶμεν. τῶν γὰρ ἡγεμόνων καὶ φίλων ἕκαστοσ στοχαζόμενοσ τῆσ τοῦ βασιλέωσ ἀρεσκείασ κατεσκεύαζεν εἴδωλα δι’ ἐλέφαντοσ καὶ χρυσοῦ καὶ τῶν ἄλλων τῶν θαυμαζομένων παρ’ ἀνθρώποισ, αὐτὸσ δὲ τοὺσ ἀρχιτέκτονασ ἀθροίσασ καὶ λεπτουργῶν πλῆθοσ τοῦ μὲν τείχουσ καθεῖλεν ἐπὶ δέκα σταδίουσ, τὴν δ’ ὀπτὴν πλίνθον ἀναλεξάμενοσ καὶ τὸν δεχόμενον τὴν πυρὰν τόπον ὁμαλὸν κατασκευάσασ ᾠκοδόμησε τετράπλευρον πυράν, σταδιαίασ οὔσησ ἑκάστησ πλευρᾶσ.

εἰσ τριάκοντα δὲ δόμουσ διελόμενοσ τὸν τόπον καὶ καταστρώσασ τὰσ ὀροφὰσ φοινίκων στελέχεσι τετράγωνον ἐποίησε πᾶν τὸ κατασκεύασμα.

μετὰ δὲ ταῦτα περιετίθει τῷ περιβόλῳ παντὶ κόσμον, οὗ τὴν μὲν κρηπῖδα χρυσαῖ πεντηρικαὶ πρῷραι συνεπλήρουν, οὖσαι τὸν ἀριθμὸν διακόσιαι τεσσαράκοντα, ἐπὶ δὲ τῶν ἐπωτίδων ἔχουσαι δύο μὲν τοξότασ εἰσ γόνυ κεκαθικότασ τετραπήχεισ, ἀνδριάντασ δὲ πενταπήχεισ καθωπλισμένουσ, τοὺσ δὲ μεταξὺ τόπουσ φοινικίδεσ ἀνεπλήρουν πιληταί. ὑπεράνω δὲ τούτων τὴν δευτέραν ἐπανεῖχον χώραν δᾷδεσ πεντεκαιδεκαπήχεισ, κατὰ μὲν τὴν λαβὴν ἔχουσαι χρυσοῦσ στεφάνουσ, κατὰ δὲ τὴν ἐκφλόγωσιν ἀετοὺσ διαπεπετακότασ τὰσ πτέρυγασ καὶ κάτω νεύοντασ, παρὰ δὲ τὰσ βάσεισ δράκοντασ ἀφορῶντασ τοὺσ ἀετούσ.

κατὰ δὲ τὴν τρίτην περιφορὰν κατεσκεύαστο ζῴων παντοδαπῶν πλῆθοσ κυνηγουμένων. ἔπειτα ἡ μὲν τετάρτη χώρα κενταυρομαχίαν χρυσῆν εἶχεν, ἡ δὲ πέμπτη λέοντασ καὶ ταύρουσ ἐναλλὰξ χρυσοῦσ.

τὸ δ’ ἀνώτερον μέροσ ἐπεπλήρωτο Μακεδονικῶν καὶ βαρβαρικῶν ὅπλων, ὧν μὲν τὰσ ἀνδραγαθίασ, ὧν δὲ τὰσ ἥττασ σημαινόντων. ἐπὶ πᾶσι δὲ ἐφειστήκεισαν Σειρῆνεσ διάκοιλοι καὶ δυνάμεναι λεληθότωσ δέξασθαι τοὺσ ἐν αὐταῖσ ὄντασ καὶ ᾄδοντασ ἐπικήδιον θρῆνον τῷ τετελευτηκότι. τὸ δ’ ὕψοσ ἦν ὅλου τοῦ κατασκευάσματοσ πήχεισ πλείουσ τῶν ἑκατὸν τριάκοντα.

καθόλου δὲ τῶν τε ἡγεμόνων καὶ τῶν στρατιωτῶν ἁπάντων καὶ τῶν πρέσβεων, ἔτι δὲ τῶν ἐγχωρίων φιλοτιμηθέντων εἰσ τὸν τῆσ ἐκφορᾶσ κόσμον φασὶ τὸ πλῆθοσ τῶν ἀναλωθέντων χρημάτων γεγονέναι πλείω τῶν μυρίων καὶ δισχιλίων ταλάντων. ἀκολούθωσ δὲ ταύτῃ τῇ μεγαλοπρεπείᾳ καὶ τῶν ἄλλων γενομένων κατὰ τὴν ἐκφορὰν τιμῶν τὸ τελευταῖον προσέταξεν ἅπασι θύειν Ἡφαιστίωνι θεῷ παρέδρῳ·

καὶ γὰρ κατὰ τύχην ἧκεν εἷσ τῶν φίλων Φίλιπποσ, χρησμὸν φέρων παρ’ Ἄμμωνοσ θύειν Ἡφαιστίωνι θεῷ. διόπερ γενόμενοσ περιχαρὴσ ἐπὶ τῷ καὶ τὸν θεὸν κεκυρωκέναι τὴν αὐτοῦ γνώμην πρῶτοσ τὴν θυσίαν ἐπετέλεσεν καὶ τὸ πλῆθοσ λαμπρῶσ ὑπεδέξατο, μύρια τὸν ἀριθμὸν θύσασ ἱερεῖα παντοδαπά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 114

(디오도로스 시켈로스, Library, book xvii, chapter 114)

상위

목록

SEARCH

MENU NAVIGATION