헬라어 문장 검색 - Διοδορ́Λιβραρψ́10́52́

(디오도로스 시켈로스, Library, book xvii, chapter 93)

ἅμα δὲ τούτοισ πραττομένοισ ἧκεν Ἡφαιστίων μετὰ τῆσ συναπεσταλμένησ δυνάμεωσ πολλὴν τῆσ Ἰνδικῆσ καταπεπολεμηκώσ. τοῦτον μὲν οὖν διὰ τὰσ ἀνδραγαθίασ ἐπῄνεσεν· αὐτὸσ δὲ εἰσ τὴν Φηγέωσ δυναστείαν ἐμβαλὼν καὶ τῶν ἐγχωρίων ἀσμένωσ τὴν τῶν Μακεδόνων παρουσίαν προσδεξαμένων καὶ τοῦ Φηγέωσ μετὰ δώρων πολλῶν ἀπαντήσαντοσ τήν τε βασιλείαν ἔχειν συνεχώρησε καὶ ξενισθεὶσ μετὰ τῆσ δυνάμεωσ ἐπὶ δύο ἡμέρασ λαμπρῶσ ἐπὶ τὸν Ὕφασιν ποταμὸν προῆγεν, οὗ τὸ μὲν πλάτοσ ἦν σταδίων ἑπτά, τὸ δὲ βάθοσ ἓξ ὀργυιῶν, τὸ δὲ ῥεῦμα σφοδρὸν καὶ δυσδιάβατον. ἀκούσασ δὲ τοῦ Φηγέωσ περὶ τῆσ πέραν τοῦ ποταμοῦ χώρασ ὅτι δώδεκα μὲν ἡμερῶν ἔχει δίοδον ἔρημον, μετὰ δὲ ταύτην εἶναι ποταμὸν τὸν ὀνομαζόμενον Γάγγην, τὸ μὲν πλάτοσ τριάκοντα καὶ δυεῖν σταδίων, τὸ δὲ βάθοσ μέγιστον τῶν κατὰ τὴν Ἰνδικήν, πέραν δὲ τούτου κατοικεῖν τό τε τῶν Ταβραισίων καὶ Γανδαριδῶν ἔθνοσ, τούτων δὲ βασιλεύειν Ξανδράμην, ἔχοντα δισμυρίουσ μὲν ἱππεῖσ, πεζῶν δὲ εἴκοσι μυριάδασ, ἁρ́ματα δὲ δισχίλια, ἐλέφαντασ δὲ πολεμικῶσ κεκοσμημένουσ τετρακισχιλίουσ, ἀπιστήσασ δὲ τοῖσ λεγομένοισ προσεκαλέσατο τὸν Πῶρον καὶ περὶ τῶν προσαγγελλομένων τἀκριβὲσ διεπυνθάνετο.

ὁ δὲ τἄλλα μὲν ὑπάρχειν ἅπαντα ἀληθῆ διεβεβαιοῦτο, τὸν δὲ βασιλέα τῶν Γανδαριδῶν ἔφησεν εὐτελῆ παντελῶσ εἶναι καὶ ἄδοξον ὡσ ἂν κουρέωσ υἱὸν νομιζόμενον εἶναι.

εὐπρεπῆ γὰρ ὄντα τὸν τούτου πατέρα μεγάλωσ ὑπὸ τῆσ βασιλίσσησ ἀγαπηθῆναι καὶ τοῦ βασιλέωσ διὰ τῆσ γυναικὸσ δολοφονηθέντοσ εἰσ τοῦτον περιστῆναι τὴν βασιλείαν. ὁ δ’ Ἀλέξανδροσ, καίπερ ὁρῶν δυσεπίτευκτον τὴν ἐπὶ τοὺσ Γανδαρίδασ στρατείαν οὖσαν, ὅμωσ οὐκ ἀφίστατο τῆσ φιλοτιμίασ, ἀλλὰ πιστεύων ταῖσ τῶν Μακεδόνων ἀρεταῖσ καὶ τοῖσ χρησμοῖσ ἐλπίδασ εἶχε κρατήσειν τῶν βαρβάρων·

τὴν μὲν γὰρ Πυθίαν ἀνίκητον αὐτὸν ὠνομακέναι, τὸν δ’ Ἄμμωνα συγκεχωρηκέναι τὴν ἁπάσησ τῆσ γῆσ ἐξουσίαν. ὁρῶν δὲ τοὺσ στρατιώτασ ταῖσ συνεχέσι στρατείαισ καταπεπονημένουσ καὶ σχεδὸν ὀκταετῆ χρόνον ἐν πόνοισ καὶ κινδύνοισ τεταλαιπωρηκότασ ὑπέλαβεν ἀναγκαῖον εἶναι τὰ πλήθη τοῖσ ἁρμόζουσι λόγοισ προτρέψασθαι πρὸσ τὴν ἐπὶ τοὺσ Γανδαρίδασ στρατείαν.

πολλὴ μὲν γὰρ φθορὰ τῶν στρατιωτῶν ἐγεγόνει καὶ λύσισ οὐδεμία τῶν πολέμων ἠλπίζετο·

καὶ τῶν μὲν ἵππων διὰ τὴν συνέχειαν τῆσ ὁδοιπορίασ τὰσ ὁπλὰσ ὑποτετρῖφθαι συνέβαινε, τῶν δὲ ὅπλων τὰ πλεῖστα κατεξάνθαι καὶ τὸν μὲν Ἑλληνικὸν ἱματισμὸν ἐκλελοιπέναι, συναναγκάζεσθαι δὲ βαρβαρικοῖσ ὑφάσμασι χρῆσθαι, συντεμόντασ τὰ τῶν Ἰνδῶν περιβλήματα. κατὰ τύχην δὲ καὶ χειμῶνεσ ἄγριοι κατερράγησαν ἐφ’ ἡμέρασ ἑβδομήκοντα καὶ βρονταὶ συνεχεῖσ καὶ κεραυνοὶ κατέσκηπτον.

ἃ δὴ λογιζόμενοσ ἐναντιοῦσθαι ταῖσ ἰδίαισ ἐπιβολαῖσ μίαν εἶχεν ἐλπίδα τῆσ ἐπιθυμίασ, εἰ τοὺσ στρατιώτασ διὰ τῆσ εὐεργεσίασ εἰσ εὔνοιαν μεγάλην προαγάγοιτο. διόπερ λεηλατεῖν μὲν αὐτοῖσ συνεχώρησε τὴν πολεμίαν χώραν, γέμουσαν παντοίασ ὠφελείασ·

ἐν αἷσ δ’ ἡμέραισ ἡ δύναμισ περὶ τὴν προνομὴν ἠσχολεῖτο, συναγαγὼν τὰσ γυναῖκασ τῶν στρατιωτῶν καὶ τοὺσ ἐξ αὐτῶν γεγονότασ παῖδασ ταύταισ μὲν συνεστήσατο κατὰ μῆνα διδόναι σῖτον, τοῖσ δὲ παισὶν ἐπιφορὰσ ταγματικὰσ ἀπένειμε κατὰ τοὺσ τῶν πατέρων συλλογισμούσ. ὡσ δ’ ἐπανῆλθον οἱ στρατιῶται πολλῶν πλῆθοσ ἀγαθῶν ἐκ τῆσ προνομῆσ εὑρηκότεσ συνῆγε πάντασ εἰσ ἐκκλησίαν.

διελθὼν δὲ λόγον πεφροντισμένον περὶ τῆσ ἐπὶ τοὺσ Γανδαρίδασ στρατείασ καὶ τῶν Μακεδόνων οὐδαμῶσ συγκαταθεμένων ἀπέστη τῆσ ἐπιβολῆσ. κρίνασ δ’ ἐπὶ ταύτησ τοὺσ ὁρ́ουσ θέσθαι τῆσ στρατείασ πρῶτον μὲν τῶν δώδεκα θεῶν βωμοὺσ πεντήκοντα πηχῶν ᾠκοδόμησεν, ἔπειτα τριπλασίαν τῆσ προϋπαρχούσησ στρατοπεδείαν περιβαλόμενοσ ὤρυξε τάφρον τὸ μὲν πλάτοσ πεντήκοντα ποδῶν, τὸ δὲ βάθοσ τεσσαράκοντα·

τὴν δ’ ἀναβολὴν ἐντὸσ τῆσ τάφρου σωρεύσασ τεῖχοσ ἀξιόλογον ᾠκοδόμησε. προσέταξε δὲ τοῖσ μὲν πεζοῖσ κατασκηνώσεισ ἑκάστῳ δύο στιβάδασ πενταπήχεισ ἐχούσασ οἰκοδομῆσαι, τοῖσ δ’ ἱππεῦσι πρὸσ ταύταισ καὶ δύο φάτνασ τῶν εἰθισμένων διπλασίασ, ἀκολούθωσ δὲ καὶ τἄλλα τὰ καταλείπεσθαι μέλλοντα τοῖσ μεγέθεσιν αὐξῆσαι.

ταῦτα δὲ πράττειν ἤμελλεν, ἅμα μὲν ἡρωικὴν βουλόμενοσ ποιήσασθαι στρατοπεδείαν, ἅμα δὲ τοῖσ ἐγχωρίοισ ἀπολιπεῖν σημεῖα μεγάλων ἀνδρῶν, ἀποφαίνοντα ῥώμασ σωμάτων ὑπερφυεῖσ. ἀπὸ δὲ τούτων γενόμενοσ μετὰ πάσησ τῆσ δυνάμεωσ ταῖσ αὐταῖσ ὁδοῖσ πορευθεὶσ ἀνέκαμψεν ἐπὶ τὸν Ἀκεσίνην ποταμόν·

καταλαβὼν δὲ τὰ σκάφη νεναυπηγημένα καὶ ταῦτα καταρτίσασ ἕτερα προσεναυπηγήσατο. κατὰ δὲ τοῦτον τὸν χρόνον ἧκον ἐκ τῆσ Ἑλλάδοσ σύμμαχοι καὶ μισθοφόροι διὰ τῶν στρατηγῶν ἠγμένοι, πεζοὶ μὲν πλείουσ τρισμυρίων, ἱππεῖσ δ’ οὐ πολὺ λείποντεσ τῶν ἑξακισχιλίων, ἐκομίσθησαν δὲ καὶ πανοπλίαι διαπρεπεῖσ πεζοῖσ μὲν δισμυρίοισ καὶ πεντακισχιλίοισ, φαρμάκων δ’ ἰατρικῶν ἑκατὸν τάλαντα.

ταῦτα μὲν οὖν διέδωκε τοῖσ στρατιώταισ. τῆσ δὲ ναυτικῆσ παρασκευῆσ συντελεσθείσησ καὶ διακοσίων μὲν ἀφράκτων ἡτοιμασμένων, ὀκτακοσίων δὲ ὑπηρετικῶν τὰσ μὲν παρὰ τὸν ποταμὸν κτισθείσασ πόλεισ ὠνόμασε τὴν μὲν διὰ τὸ τῷ πολέμῳ κρατῆσαι Νίκαιαν, τὴν δ’ ἀπὸ τοῦ τελευτήσαντοσ ἵππου κατὰ τὴν πρὸσ Πῶρον μάχην Βουκεφάλαν.

αὐτὸσ δὲ μετὰ τῶν φίλων ἐμβὰσ εἰσ τὰσ ναῦσ τὸν διὰ τοῦ ποταμοῦ πλοῦν ἐπὶ τὸν Ὠκεανὸν τὸν κατὰ μεσημβρίαν ἐποιεῖτο.

τὸ δὲ πολὺ μέροσ τῆσ δυνάμεωσ παρὰ τὸν ποταμὸν ὡδοιπόρει, προηγουμένου Κρατεροῦ καὶ Ἡφαιστίωνοσ. ὡσ δ’ ἦλθον ἐπὶ τὴν Ἀκεσίνου καὶ Ὑδάσπου συμβολήν, ἐκβιβάσασ τοὺσ στρατιώτασ προῆγεν ἐπὶ τοὺσ ὀνομαζομένουσ Σίβουσ. τούτουσ δέ φασιν ἀπογόνουσ εἶναι τῶν μεθ’ Ἡρακλέουσ ἐπὶ τὴν Αὄρνον πέτραν στρατευσάντων καὶ τῆσ μὲν πολιορκίασ ἀποτυχόντων, ἐν τούτῳ δὲ τῷ τόπῳ κατοικισθέντων ὑφ’ Ἡρακλέουσ.

τοῦ δ’ Ἀλεξάνδρου καταστρατοπεδεύσαντοσ πλησίον ἐπιφανεστάτησ πόλεωσ προῆλθον οἱ δόξῃ πρωτεύοντεσ τῶν πολιτῶν. ἐντυχόντεσ δὲ τῷ βασιλεῖ καὶ τὴν συγγένειαν ἀνανεωσάμενοι πάντα ποιήσειν ἔφασαν μετὰ προθυμίασ ὡσ ἂν συγγενεῖσ ὄντεσ καὶ δῶρα προσεκόμισαν μεγαλοπρεπῆ. ὁ δὲ Ἀλέξανδροσ ἀποδεξάμενοσ αὐτῶν τὴν εὔνοιαν καὶ τὰσ πόλεισ ἀποδείξασ ἐλευθέρασ προῆγεν ἐπὶ τὰ συνορίζοντα τῶν ἐθνῶν.

καταλαβὼν δὲ τοὺσ ὀνομαζομένουσ Ἀγαλασσεῖσ ἠθροικότασ πεζοὺσ μὲν τετρακισμυρίουσ, ἱππεῖσ δὲ τρισχιλίουσ, συνάψασ αὐτοῖσ μάχην καὶ νικήσασ τοὺσ μὲν πλείστουσ κατέκοψεν, τοὺσ δὲ λοιποὺσ συμφυγόντασ εἰσ τὰσ πλησίον πόλεισ ἐκπολιορκήσασ ἐξηνδραποδίσατο. τῶν δὲ ἄλλων ἐγχωρίων συναθροισθέντων δισμυρίουσ μὲν καταφυγόντασ εἰσ πόλιν μεγάλην κατὰ κράτοσ εἷλε, τῶν δ’ Ἰνδῶν διαφραξάντων τοὺσ στενωποὺσ καὶ ἀπὸ τῶν οἰκιῶν μαχομένων εὐρώστωσ βιαζόμενοσ ἀπέβαλε τῶν Μακεδόνων οὐκ ὀλίγουσ.

διὰ δὲ τὴν ὀργὴν ἐμπρήσασ τὴν πόλιν συγκατέκαυσε τοὺσ πλείστουσ·

τῶν δ’ ὑπολειπομένων εἰσ τρισχιλίουσ συμφυγόντασ εἰσ τὴν ἀκρόπολιν καὶ μεθ’ ἱκετηριῶν δεηθέντασ ἀπέλυσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 93

(디오도로스 시켈로스, Library, book xvii, chapter 93)

상위

목록

SEARCH

MENU NAVIGATION