헬라어 문장 검색 - Διοδορ́Λιβραρψ́10́36́

(디오도로스 시켈로스, Library, book xvii, chapter 67)

μετὰ δὲ ταῦτα τὴν μὲν Δαρείου μητέρα καὶ τὰσ θυγατέρασ καὶ τὸν υἱὸν ἀπέλιπεν ἐν Σούσοισ καὶ παρακατέστησε τοὺσ διδάξοντασ τὴν Ἑλληνικὴν διάλεκτον, αὐτὸσ δὲ μετὰ τῆσ δυνάμεωσ ἀναζεύξασ τεταρταῖοσ ἐπὶ τὸν Τίγριν ποταμὸν ἀφίκετο. ὃσ ῥέων ἀπὸ τῆσ Οὐξίων ὀρεινῆσ τὸ μὲν πρῶτον φέρεται διὰ χώρασ τραχείασ καὶ χαράδραισ μεγάλαισ διειλημμένησ ἐπὶ σταδίουσ χιλίουσ, ἔπειτα διαρρεῖ χώραν πεδιάδα, πραϋνόμενοσ αἰεὶ μᾶλλον, καὶ διελθὼν σταδίουσ ἑξακοσίουσ ἐξίησιν εἰσ τὴν κατὰ Πέρσασ θάλασσαν.

διαβὰσ δὲ τὸν Τίγριν προῆγεν ἐπὶ τὴν Οὐξίων χώραν,οὖσαν πάμφορον καὶ δαψιλέσιν ὕδασι διαρρεομένην καὶ πολλοὺσ καὶ παντοδαποὺσ ἐκφέρουσαν καρπούσ·

διὸ καὶ τῆσ ὡρίμου ξηραινομένησ ὀπώρασ παντοδαπὰ πλάσματα χρήσιμα πρὸσ ἀπόλαυσιν οἱ τὸν Τίγριν πλέοντεσ ἔμποροι κατάγουσιν εἰσ τὴν Βαβυλωνίαν. καταλαβὼν δὲ τὰσ παρόδουσ φυλαττομένασ ὑπὸ Μαδέτου, συγγενοῦσ μὲν ὄντοσ Δαρείου, δύναμιν δὲ ἔχοντοσ ἀξιόλογον, κατεσκέψατο τὴν ὀχυρότητα τῶν τόπων.

ἀπαροδεύτων δ’ ὄντων κρημνῶν τῶν ἐγχωρίων τισ ἀνήρ, Οὔξιοσ μὲν τὸ γένοσ, ἔμπειροσ δὲ τῶν τόπων, ἐπηγγείλατο τῷ βασιλεῖ διά τινοσ στενῆσ ἀτραποῦ καὶ παραβόλου ἄξειν τοὺσ στρατιώτασ, ὥστε ὑπερδεξίουσ γενέσθαι τῶν πολεμίων. ὁ δ’ Ἀλέξανδροσ προσδεξάμενοσ τοὺσ λόγουσ τούτῳ μὲν συναπέστειλε τοὺσ ἱκανοὺσ στρατιώτασ, αὐτὸσ δὲ τὴν δίοδον κατασκευάσασ ἐφ’ ὧν ἦν ἐνδεχόμενον ἐκ διαδοχῆσ προσέβαλε τοῖσ ἐπὶ τῶν παρόδων ἐφεστηκόσιν.

ἐνεργῶσ δὲ τοῦ κινδύνου συνεστῶτοσ καὶ τῶν βαρβάρων περισπωμένων περὶ τὸν ἀγῶνα παραδόξωσ οἱ πεμφθέντεσ ἐφάνησαν ὑπερδέξιοι τοῖσ τὴν πάροδον φυλάττουσι. καταπλαγέντων δὲ τῶν βαρβάρων καὶ πρὸσ φυγὴν ὁρμησάντων ἐγκρατὴσ ἐγένετο τῆσ διεξόδου καὶ ταχέωσ πασῶν τῶν κατὰ τὴν Οὐξιανὴν πόλεων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 67

(디오도로스 시켈로스, Library, book xvii, chapter 67)

상위

목록

SEARCH

MENU NAVIGATION