헬라어 문장 검색 - Διοδορ́Λιβραρψ́10́07́

(디오도로스 시켈로스, Library, book xvii, chapter 17)

ἐπ’ ἄρχοντοσ δ’ Ἀθήνησι Κτησικλέουσ Ῥωμαῖοι μὲν ὑπάτουσ κατέστησαν Γάιον Σουλπίκιον καὶ Λεύκιον Παπίριον. Ἀλέξανδροσ δὲ μετὰ τῆσ δυνάμεωσ πορευθεὶσ ἐπὶ τὸν Ἑλλήσποντον διεβίβασε τὴν δύναμιν ἐκ τῆσ Εὐρώπησ εἰσ τὴν Ἀσίαν. αὐτὸσ δὲ μακραῖσ ναυσὶν ἑξήκοντα καταπλεύσασ πρὸσ τὴν Τρῳάδα χώραν πρῶτοσ τῶν Μακεδόνων ἀπὸ τῆσ νεὼσ ἠκόντισε μὲν τὸ δόρυ, πήξασ δ’ εἰσ τὴν γῆν καὶ αὐτὸσ ἀπὸ τῆσ νεὼσ ἀφαλλόμενοσ παρὰ τῶν θεῶν ἀπεφαίνετο τὴν Ἀσίαν δέχεσθαι δορίκτητον.

καὶ τοὺσ μὲν τάφουσ τῶν ἡρώων Ἀχιλλέωσ τε καὶ Αἰάντοσ καὶ τῶν ἄλλων ἐναγίσμασι καὶ τοῖσ ἄλλοισ τοῖσ πρὸσ εὐδοξίαν ἀνήκουσιν ἐτίμησεν, αὐτὸσ δὲ τὸν ἐξετασμὸν τῆσ ἀκολουθούσησ δυνάμεωσ ἀκριβῶσ ἐποιήσατο.

εὑρέθησαν δὲ πεζοὶ Μακεδόνεσ μὲν μύριοι καὶ δισχίλιοι, σύμμαχοι δὲ ἑπτακισχίλιοι, μισθοφόροι δὲ πεντακισχίλιοι, καὶ τούτων ἁπάντων Παρμενίων εἶχε τὴν ἡγεμονίαν. Ὀδρύσαι δὲ καὶ Τριβαλλοὶ καὶ Ἰλλυριοὶ συνηκολούθουν ἑπτακισχίλιοι, τοξοτῶν δὲ καὶ τῶν Ἀγριάνων καλουμένων χίλιοι, ὥστε τοὺσ ἅπαντασ εἶναι πεζοὺσ τρισμυρίουσ καὶ δισχιλίουσ.

ἱππεῖσ δ’ ὑπῆρχον Μακεδόνεσ μὲν χίλιοι καὶ ὀκτακόσιοι, Φιλώτου τοῦ Παρμενίωνοσ ἡγουμένου, Θετταλοὶ δὲ χίλιοι καὶ ὀκτακόσιοι, ὧν ἡγεῖτο Κάλλασ ὁ Ἁρπάλου, τῶν δ’ ἄλλων Ἑλλήνων οἱ πάντεσ ἑξακόσιοι, ὧν ἡγεῖτο Ἐρίγυιοσ, Θρᾷκεσ δὲ πρόδρομοι καὶ Παίονεσ ἐννακόσιοι, Κάσανδρον ἔχοντεσ ἡγεμόνα, ὥστε τοὺσ σύμπαντασ ὑπάρχειν ἱππεῖσ τετρακισχιλίουσ καὶ πεντακοσίουσ. οἱ μὲν οὖν μετ’ Ἀλεξάνδρου διαβάντεσ εἰσ τὴν Ἀσίαν τοσοῦτοι τὸ πλῆθοσ ἦσαν. οἱ δ’ ἐπὶ τῆσ Εὐρώπησ ἀπολελειμμένοι στρατιῶται, ὧν Ἀντίπατροσ εἶχε τὴν ἡγεμονίαν, πεζοὶ μὲν ὑπῆρχον μύριοι καὶ δισχίλιοι, ἱππεῖσ δὲ χίλιοι καὶ πεντακόσιοι.

τοῦ δὲ βασιλέωσ ἀναζεύξαντοσ ἐκ τῆσ Τρῳάδοσ καὶ καταντήσαντοσ πρὸσ τὸ τέμενοσ τῆσ Ἀθηνᾶσ ὁ μὲν θύτησ Ἀλέξανδροσ κατανοήσασ πρὸ τοῦ νεὼ κειμένην εἰκόνα χαμαὶ τοῦ Φρυγίασ ποτὲ σατραπεύσαντοσ Ἀριοβαρζάνου καί τινων οἰωνῶν αἰσίων ἄλλων ἐπιγενομένων προσῆλθε τῷ βασιλεῖ καὶ νικήσειν αὐτὸν ἱππομαχίᾳ μεγάλῃ διεβεβαιοῦτο καὶ μάλιστ’, ἂν τύχῃ περὶ τὴν Φρυγίαν ἀγωνισάμενοσ.

προσετίθει δὲ καὶ διότι ταῖσ ἰδίαισ χερσὶν ἀποκτενεῖ μαχόμενοσ ἐν παρατάξει στρατηγὸν ἐπιφανῆ τῶν πολεμίων·

ταῦτα γὰρ αὐτῷ προσημαίνειν τοὺσ θεοὺσ καὶ μάλιστα τὴν Ἀθηνᾶν, ἣν καὶ συνεργήσειν ἐν τοῖσ εὐημερήμασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 17

(디오도로스 시켈로스, Library, book xvii, chapter 17)

상위

목록

SEARCH

MENU NAVIGATION