헬라어 문장 검색 - Διοδορ́Βιβλιοτ́5́85́

(디오도로스 시켈로스, Bibliotheca Historica, book 5, chapter 84)

ἐπεὶ δὲ περὶ τῶν ἀξιολογωτάτων νήσων διήλθομεν, περὶ τῶν ἐλαττόνων ἀναγράψομεν. τῶν γὰρ Κυκλάδων νήσων τὸ παλαιὸν ἐρήμων οὐσῶν Μίνωσ ὁ Διὸσ καὶ Εὐρώπησ, βασιλεύων τῆσ Κρήτησ καὶ μεγάλασ δυνάμεισ ἔχων πεζάσ τε καὶ ναυτικάσ, ἐθαλαττοκράτει καὶ πολλὰσ ἀποικίασ ἐξαπέστειλεν ἐκ τῆσ Κρήτησ, τῶν δὲ Κυκλάδων νήσων τὰσ πλείουσ κατῴκισε καὶ τοῖσ λαοῖσ κατεκληρούχησεν, οὐκ ὀλίγην δὲ καὶ τῆσ Ἀσίασ τῆσ παραθαλαττίου κατέσχε. διόπερ ἐν ταῖσ νήσοισ ἅμα καὶ κατὰ τὴν Ἀσίαν τὰσ ἐπωνυμίασ ἔχουσι Κρητῶν λιμένεσ καὶ Μινῷαι καλούμεναι.

ὁ δὲ Μίνωσ ἐπὶ πολὺ τῇ δυναστείᾳ προκόπτων, καὶ τὸν ἀδελφὸν Ῥαδάμανθυν ἔχων πάρεδρον τῇ βασιλείᾳ, τούτῳ μὲν ἐφθόνησεν ἐπὶ δικαιοσύνῃ θαυμαζομένῳ, βουλόμενοσ δ’ αὐτὸν ἐκποδὼν ποιήσασθαι εἰσ τὰσ ἐσχατιὰσ τῆσ ὑπ’ αὐτὸν τεταγμένησ χώρασ ἐξέπεμψεν. ὁ δὲ Ῥαδάμανθυσ διατρίβων εἰσ τὰσ νήσουσ τὰσ κατ’ ἀντικρὺ τῆσ Ιὠνίασ καὶ Καρίασ κειμένασ Ἔρυθρον μὲν κτίστην ἐποίησε τῆσ ἐπωνύμου πόλεωσ κατὰ τὴν Ἀσίαν, Οἰνοπίωνα δὲ τὸν Ἀριάδνησ τῆσ Μίνω υἱὸν κύριον τῆσ Χίου κατέστησε.

ταῦτα μὲν οὖν ἐπράχθη πρὸ τῶν Τρωικῶν·

μετὰ δὲ τὴν Τροίασ ἅλωσιν Κᾶρεσ αὐξηθέντεσ ἐπὶ πλέον ἐθαλαττοκράτησαν, καὶ τῶν Κυκλάδων νήσων κρατήσαντεσ τινὰσ μὲν ἰδίᾳ κατέσχον καὶ τοὺσ ἐν αὐταῖσ κατοικοῦντασ Κρῆτασ ἐξέβαλον, τινὰσ δὲ κοινῇ μετὰ τῶν προενοικούντων Κρητῶν κατῴκησαν. ὕστερον δὲ τῶν Ἑλλήνων αὐξηθέντων συνέβη τὰσ πλείουσ τῶν Κυκλάδων νήσων οἰκισθῆναι καὶ τοὺσ βαρβάρουσ Κᾶρασ ἐξ αὐτῶν ἐκπεσεῖν· περὶ ὧν τὰ κατὰ μέροσ ἐν τοῖσ οἰκείοισ χρόνοισ ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 84

(디오도로스 시켈로스, Bibliotheca Historica, book 5, chapter 84)

상위

목록

SEARCH

MENU NAVIGATION