헬라어 문장 검색 - Διοδορ́Βιβλιοτ́5́81́

(디오도로스 시켈로스, Bibliotheca Historica, book 5, chapter 80)

τούτων δ’ ἡμῖν διευκρινημένων λείπεται περὶ τῶν ἐπιμιχθέντων ἐθνῶν τοῖσ Κρησὶ διελθεῖν. ὅτι μὲν οὖν πρῶτοι κατῴκησαν τὴν νῆσον οἱ προσαγορευθέντεσ μὲν Ἐτεόκρητεσ, δοκοῦντεσ δ’ ὑπάρχειν αὐτόχθονεσ, προειρήκαμεν· μετὰ δὲ τούτουσ πολλαῖσ γενεαῖσ ὕστερον Πελασγοὶ πλανώμενοι διὰ τὰσ συνεχεῖσ στρατείασ καὶ μεταναστάσεισ καταντήσαντεσ εἰσ τὴν Κρήτην μέροσ τῆσ νήσου κατῴκησαν. τρίτον δὲ γένοσ φασὶ τῶν Δωριέων παραβαλεῖν εἰσ τὴν νῆσον ἡγουμένου Τεκτάμου τοῦ Δώρου·

τούτου δὲ τοῦ λαοῦ μέροσ τὸ μὲν πλέον ἀθροισθῆναι λέγουσιν ἐκ τῶν περὶ τὸν Ὄλυμπον τόπων, τὸ δέ τι μέροσ ἐκ τῶν κατὰ τὴν Λακωνικὴν Ἀχαιῶν διὰ τὸ τὴν ἀφορμὴν τὸν Δῶρον ἐκ τῶν περὶ Μαλέαν τόπων ποιῆσαι. τέταρτον δὲ γένοσ συμμιγῆναί φασιν εἰσ τὴν Κρήτην μιγάδων βαρβάρων τῶν διὰ τὸν χρόνον ἐξομοιωθέντων τῇ διαλέκτῳ τοῖσ ἐγχωρίοισ Ἕλλησι. μετὰ δὲ ταῦτα τοὺσ περὶ Μίνω καὶ Ῥαδάμανθυν ἰσχύσαντασ ὑπὸ μίαν ἀγαγεῖν συντέλειαν τὰ ἔθνη τὰ κατὰ τὴν νῆσον.

τὸ δὲ τελευταῖον μετὰ τὴν κάθοδον τῶν Ἡρακλειδῶν Ἀργεῖοι καὶ Λακεδαιμόνιοι πέμποντεσ ἀποικίασ ἄλλασ τέ τινασ νήσουσ ἔκτισαν καὶ ταύτησ τῆσ νήσου κατακτησάμενοι πόλεισ τινὰσ ᾤκησαν ἐν αὐταῖσ· περὶ ὧν τὰ κατὰ μέροσ ἐν τοῖσ ἰδίοισ χρόνοισ ἀναγράψομεν. ἐπεὶ δὲ τῶν τὰ Κρητικὰ γεγραφότων οἱ πλεῖστοι διαφωνοῦσι πρὸσ ἀλλήλουσ, οὐ χρὴ θαυμάζειν ἐὰν μὴ πᾶσιν ὁμολογούμενα λέγωμεν·

τοῖσ γὰρ τὰ πιθανώτερα λέγουσι καὶ μάλιστα πιστευομένοισ ἐπηκολουθήσαμεν, ἃ μὲν Ἐπιμενίδῃ τῷ θεολόγῳ προσσχόντεσ, ἃ δὲ Δωσιάδῃ καὶ Σωσικράτει καὶ Λαοσθενίδᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 80

(디오도로스 시켈로스, Bibliotheca Historica, book 5, chapter 80)

상위

목록

SEARCH

MENU NAVIGATION