헬라어 문장 검색 - Διοδορ́Βιβλιοτ́5́75́

(디오도로스 시켈로스, Bibliotheca Historica, book 5, chapter 74)

ταῖσ δὲ Μούσαισ δοθῆναι παρὰ τοῦ πατρὸσ τὴν τῶν γραμμάτων εὑρ́εσιν καὶ τὴν τῶν ἐπῶν σύνθεσιν τὴν προσαγορευομένην ποιητικήν. πρὸσ δὲ τοὺσ λέγοντασ, ὅτι Σύροι μὲν εὑρεταὶ τῶν γραμμάτων εἰσί, παρὰ δὲ τούτων Φοίνικεσ μαθόντεσ τοῖσ Ἕλλησι παραδεδώκασιν, οὗτοι δ’ εἰσὶν οἱ μετὰ Κάδμου πλεύσαντεσ εἰσ τὴν Εὐρώπην, καὶ διὰ τοῦτο τοὺσ Ἕλληνασ τὰ γράμματα Φοινίκεια προσαγορεύειν, φασὶ τοὺσ Φοίνικασ οὐκ ἐξ ἀρχῆσ εὑρεῖν, ἀλλὰ τοὺσ τύπουσ τῶν γραμμάτων μεταθεῖναι μόνον, καὶ τῇ τε γραφῇ ταύτῃ τοὺσ πλείστουσ τῶν ἀνθρώπων χρήσασθαι καὶ διὰ τοῦτο τυχεῖν τῆσ προειρημένησ προσηγορίασ. Ἥφαιστον δὲ λέγουσιν εὑρετὴν γενέσθαι τῆσ περὶ τὸν σίδηρον ἐργασίασ ἁπάσησ καὶ τῆσ περὶ τὸν χαλκὸν καὶ χρυσὸν καὶ ἄργυρον καὶ τῶν ἄλλων ὅσα τὴν ἐκ τοῦ πυρὸσ ἐργασίαν ἐπιδέχεται, καὶ τὰσ ἄλλασ δὲ χρείασ τὰσ τοῦ πυρὸσ ἁπάσασ προσεξευρεῖν καὶ παραδοῦναι τοῖσ τε τὰσ τέχνασ ἐργαζομένοισ καὶ τοῖσ ἄλλοισ ἅπασιν ἀνθρώποισ·

διόπερ οἱ τῶν τεχνῶν τούτων δημιουργοὶ τὰσ εὐχὰσ καὶ θυσίασ τούτῳ τῷ θεῷ μάλιστα ποιοῦσι, καὶ τὸ πῦρ οὗτοί τε καὶ πάντεσ ἄνθρωποι προσαγορεύουσιν Ἥφαιστον, εἰσ μνήμην καὶ τιμὴν ἀθάνατον τιθέμενοι τὴν ἐξ ἀρχῆσ τῷ κοινῷ βίῳ δεδομένην εὐεργεσίαν.

τὸν Ἄρην δὲ μυθολογοῦσι πρῶτον κατασκευάσαι πανοπλίαν καὶ στρατιώτασ καθοπλίσαι καὶ τὴν ἐν ταῖσ μάχαισ ἐναγώνιον ἐνέργειαν εἰσηγήσασθαι, φονεύοντα τοὺσ ἀπειθοῦντασ τοῖσ θεοῖσ.

Ἀπόλλωνα δὲ τῆσ κιθάρασ εὑρετὴν ἀναγορεύουσι καὶ τῆσ κατ’ αὐτὴν μουσικῆσ·

ἔτι δὲ τὴν ἰατρικὴν ἐπιστήμην ἐξενεγκεῖν διὰ τῆσ μαντικῆσ τέχνησ γινομένην, δι’ ἧσ τὸ παλαιὸν συνέβαινε θεραπείασ τυγχάνειν τοὺσ ἀρρωστοῦντασ· εὑρετὴν δὲ καὶ τοῦ τόξου γενόμενον διδάξαι τοὺσ ἐγχωρίουσ τὰ περὶ τὴν τοξείαν, ἀφ’ ἧσ αἰτίασ μάλιστα παρὰ τοῖσ Κρησὶν ἐζηλῶσθαι τὴν τοξικὴν καὶ τὸ τόξον Κρητικὸν ὀνομασθῆναι. Ἀπόλλωνοσ δὲ καὶ Κορωνίδοσ Ἀσκληπιὸν γενηθέντα, καὶ πολλὰ παρὰ τοῦ πατρὸσ τῶν εἰσ ἰατρικὴν μαθόντα, προσεξευρεῖν τήν τε χειρουργίαν καὶ τὰσ τῶν φαρμάκων σκευασίασ καὶ ῥιζῶν δυνάμεισ, καὶ καθόλου προβιβάσαι τὴν τέχνην ἐπὶ τοσοῦτον, ὥστε ὡσ ἀρχηγὸν αὐτῆσ καὶ κτίστην τιμᾶσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 74

(디오도로스 시켈로스, Bibliotheca Historica, book 5, chapter 74)

상위

목록

SEARCH

MENU NAVIGATION