헬라어 문장 검색 - Διοδορ́Βιβλιοτ́5́69́

(디오도로스 시켈로스, Bibliotheca Historica, book 5, chapter 68)

Κρόνου δὲ καὶ Ῥέασ λέγεται γενέσθαι τήν τε Ἑστίαν καὶ Δήμητραν καὶ Ἥραν, ἔτι δὲ Δία καὶ Ποσειδῶνα καὶ Αἵδην. τούτων δὲ λέγεται τὴν μὲν Ἑστίαν τὴν τῶν οἰκιῶν κατασκευὴν εὑρεῖν, καὶ διὰ τὴν εὐεργεσίαν ταύτην παρὰ πᾶσι σχεδὸν ἀνθρώποισ ἐν πάσαισ οἰκίαισ καθιδρυθῆναι, τιμῶν καὶ θυσιῶν τυγχάνουσαν· Δήμητραν δέ, τοῦ σίτου φυομένου μὲν ὡσ ἔτυχε μετὰ τῆσ ἄλλησ βοτάνησ, ἀγνοουμένου δὲ παρ’ ἀνθρώποισ, πρώτην συγκομίσαι καὶ τὴν κατεργασίαν αὐτοῦ καὶ φυλακὴν ἐπινοῆσαι καὶ σπείρειν καταδεῖξαι. εὑρεῖν μὲν οὖν αὐτὴν τὸν σῖτον πρὸ τοῦ γεννῆσαι τὴν θυγατέρα Φερσεφόνην, μετὰ δὲ τὴν ταύτησ γένεσιν καὶ τὴν ὑπὸ Πλούτωνοσ ἁρπαγὴν ἐμπρῆσαι πάντα τὸν καρπὸν διά τε τὴν ἔχθραν τὴν πρὸσ τὸν Δία καὶ τὴν ἐπὶ τῇ θυγατρὶ λύπην.

μετὰ δὲ τὴν εὑρ́εσιν τῆσ Φερσεφόνησ διαλλαγῆναί τε τῷ Διὶ καὶ τῷ Τριπτολέμῳ ἀποδοῦναι τὸν τοῦ σίτου σπόρον, ᾧ συντάξαι πᾶσιν ἀνθρώποισ μεταδοῦναι τῆσ τε δωρεᾶσ καὶ τὰ περὶ τὴν ἐργασίαν τοῦ σπόρου διδάξαι. λέγουσι δέ τινεσ ὅτι καὶ νόμουσ εἰσηγήσατο, καθ’ οὓσ ἀλλήλοισ τὸ δίκαιον διδόναι συνειθίσθησαν ἄνθρωποι, καὶ τὴν παραδοῦσαν αὐτοῖσ θεὰν θεσμοφόρον ἀπὸ τούτων προσηγόρευσαν.

μεγίστων γὰρ ἀγαθῶν ἀνθρώποισ αἰτίαν γενομένην ἐπιφανεστάτων τυχεῖν τιμῶν καὶ θυσιῶν, ἔτι δ’ ἑορτῶν καὶ πανηγύρεων μεγαλοπρεπῶν, οὐ παρ’ Ἕλλησι μόνον, ἀλλὰ καὶ παρὰ πᾶσι σχεδὸν τοῖσ βαρβάροισ, ὅσοι τῆσ τροφῆσ ταύτησ ἐκοινώνησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 68

(디오도로스 시켈로스, Bibliotheca Historica, book 5, chapter 68)

상위

목록

SEARCH

MENU NAVIGATION