호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ τοῖσ ὕστερον χρόνοισ ἐπὶ τοσοῦτον ἔλαβε τὸ ἱερὸν αὔξησιν τῆσ Ἡμιθέασ, ὥστε μὴ μόνον παρὰ τοῖσ ἐγχωρίοισ καὶ τοῖσ περιοίκοισ τιμᾶσθαι διαφερόντωσ, ἀλλὰ καὶ τοὺσ μακρὰν οἰκοῦντασ εἰσ αὐτὸ φιλοτίμωσ φοιτᾶν, καὶ θυσίαισ τε μεγαλοπρεπέσι καὶ ἀναθήμασιν ἀξιολόγοισ τιμᾶν, τὸ δὲ μέγιστον, Πέρσασ ἡγουμένουσ τῆσ Ἀσίασ καὶ πάντα τὰ τῶν Ἑλλήνων ἱερὰ συλῶντασ μόνου τοῦ τῆσ Ἡμιθέασ τεμένουσ ἀποσχέσθαι, τούσ τε λῃστὰσ τοὺσ πάντα διαρπάζοντασ μόνον τοῦτο ἀφεῖναι παντελῶσ ἄσυλον, καίπερ ἀτείχιστον ὑπάρχον καὶ ἀκίνδυνον ἔχον τὴν ἁρπαγήν. αἰτίαν δὲ τῆσ ἐπὶ πλέον αὐξήσεωσ φέρουσι τὴν κοινὴν εἰσ ἀνθρώπουσ εὐεργεσίαν·
τοῖσ τε γὰρ κάμνουσι κατὰ τοὺσ ὕπνουσ ἐφισταμένην φανερῶσ διδόναι τὴν θεραπείαν καὶ πολλοὺσ τοῖσ ἀπεγνωσμένοισ πάθεσι συνεχομένουσ ὑγιασθῆναι· πρὸσ δὲ τούτοισ τὰσ δυστοκούσασ τῶν γυναικῶν τῆσ ἐν ταῖσ ὠδῖσι ταλαιπωρίασ καὶ κινδύνων ἀπαλλάττειν τὴν θεόν. διὸ καὶ πολλῶν ἐκ παλαιῶν χρόνων σεσωσμένων πεπλήρωται τὸ τέμενοσ ἀναθημάτων, καὶ ταῦτα οὔθ’ ὑπὸ φυλάκων οὔθ’ ὑπὸ τείχουσ ὀχυροῦ φυλαττόμενα, ἀλλ’ ὑπὸ τῆσ συνήθουσ δεισιδαιμονίασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기