헬라어 문장 검색 - Διοδορ́Βιβλιοτ́5́63́

(디오도로스 시켈로스, Bibliotheca Historica, book 5, chapter 62)

ἔστι δ’ ἐν Καστάβῳ τῆσ Χερρονήσου ἱερὸν ἅγιον Ἡμιθέασ, ἧσ τὴν περιπέτειαν οὐκ ἄξιον παραλιπεῖν. πολλοὶ μὲν οὖν καὶ ποικίλοι λόγοι περὶ ταύτησ παραδέδονται· τὸν δ’ ἐπικρατοῦντα καὶ συμφωνούμενον παρὰ τοῖσ ἐγχωρίοισ διέξιμεν. Σταφύλου γὰρ καὶ Χρυσοθέμιδόσ φασι γενέσθαι τρεῖσ θυγατέρασ, Μολπαδίαν καὶ Ῥοιὼ καὶ Παρθένον ὄνομα. καὶ τῇ μὲν Ῥοιοῖ τὸν Ἀπόλλωνα μιγέντα ἔγκυον ποιῆσαι· τὸν δὲ πατέρα αὐτῆσ ὡσ ὑπ’ ἀνθρώπου τῆσ φθορᾶσ γεγενημένησ ὀργισθῆναι, καὶ διὰ τοῦτο τὴν θυγατέρα εἰσ λάρνακα συγκλείσαντα βαλεῖν εἰσ τὴν θάλατταν. προσενεχθείσησ δὲ τῆσ λάρνακοσ τῇ Δήλῳ τεκεῖν ἄρρενα, καὶ προσαγορεῦσαι τὸ παιδίον Ἄνιον.

τὴν δὲ Ῥοιὼ παραδόξωσ σωθεῖσαν ἀναθεῖναι τὸ βρέφοσ ἐπὶ τὸν βωμὸν τοῦ Ἀπόλλωνοσ, καὶ ἐπεύξασθαι τῷ θεῷ, εἰ ἔστιν ἐξ ἐκείνου, σώζειν αὐτό. τὸν δ’ Ἀπόλλωνα μυθολογοῦσι τότε μὲν κρύψαι τὸ παιδίον, ὕστερον δὲ φροντίσαντα τῆσ τροφῆσ διδάξαι τὴν μαντικήν, καί τινασ αὐτῷ περιτιθέναι μεγάλασ τιμάσ. τὰσ δὲ τῆσ φθαρείσησ ἀδελφὰσ Μολπαδίαν καὶ Παρθένον φυλαττούσασ τὸν τοῦ πατρὸσ οἶνον, προσφάτωσ κατ’ ἀνθρώπουσ εὑρημένον, εἰσ ὕπνον κατενεχθῆναι·

καθ’ ὃν δὴ καιρὸν τὰσ τρεφομένασ παρ’ αὐτοῖσ ὗσ εἰσελθεῖν, καὶ τόν τε ἔχοντα τὸν οἶνον κέραμον συντρῖψαι καὶ τὸν οἶνον διαφθεῖραι. τὰσ δὲ παρθένουσ μαθούσασ τὸ γεγονόσ, καὶ φοβηθείσασ τὸ ἀπότομον τοῦ πατρόσ, φυγεῖν ἐπὶ τὸν αἰγιαλὸν καὶ ἀπό τινων πετρῶν ὑψηλῶν ἑαυτὰσ ῥῖψαι. Ἀπόλλωνα δὲ διὰ τὴν οἰκειότητα τὴν πρὸσ τὴν ἀδελφὴν ὑπολαβόντα τὰσ κόρασ εἰσ τὰσ ἐν Χερρονήσῳ πόλεισ καταστῆσαι.

καὶ τὴν μὲν ὀνομαζομένην Παρθένον ἐποίησεν ἐν Βουβαστῷ τῆσ Χερρονήσου τιμὰσ ἔχειν καὶ τέμενοσ, Μολπαδίαν δὲ εἰσ Κάσταβον ἐλθοῦσαν διὰ τὴν ἀπὸ τοῦ θεοῦ γενομένην ἐπιφάνειαν Ἡμιθέαν ὠνομάσθαι καὶ τιμᾶσθαι παρὰ πᾶσι τοῖσ ἐν Χερρονήσῳ. ἐν δὲ ταῖσ θυσίαισ αὐτῆσ διὰ τὸ συμβὰν περὶ τὸν οἶνον πάθοσ τὰσ μὲν σπονδὰσ μελικράτῳ ποιοῦσι, τὸν δ’ ἁψάμενον ἢ φαγόντα ὑὸσ οὐ νόμιμον προσελθεῖν πρὸσ τὸ τέμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 62

(디오도로스 시켈로스, Bibliotheca Historica, book 5, chapter 62)

상위

목록

SEARCH

MENU NAVIGATION