헬라어 문장 검색 - Διοδορ́Βιβλιοτ́5́58́

(디오도로스 시켈로스, Bibliotheca Historica, book 5, chapter 57)

οἱ δ’ Ἡλιάδαι διάφοροι γενηθέντεσ τῶν ἄλλων ἐν παιδείᾳ διήνεγκαν καὶ μάλιστ’ ἐν ἀστρολογίᾳ. εἰσηγήσαντο δὲ καὶ περὶ τῆσ ναυτιλίασ πολλὰ καὶ τὰ περὶ τὰσ ὡρ́ασ διέταξαν. εὐφυέστατοσ δὲ γενόμενοσ Τενάγησ ὑπὸ τῶν ἀδελφῶν διὰ φθόνον ἀνῃρέθη·

γνωσθείσησ δὲ τῆσ ἐπιβουλῆσ οἱ μετασχόντεσ τοῦ φόνου πάντεσ ἔφυγον. τούτων δὲ Μάκαρ μὲν εἰσ Λέσβον ἀφίκετο, Κάνδαλοσ δὲ εἰσ τὴν Κῶ· ἀκτὶσ δ’ εἰσ Αἴγυπτον ἀπάρασ ἔκτισε τὴν Ἡλιούπολιν ὀνομαζομένην, ἀπὸ τοῦ πατρὸσ θέμενοσ τὴν προσηγορίαν· οἱ δ’ Αἰγύπτιοι ἔμαθον παρ’ αὐτοῦ τὰ περὶ τὴν ἀστρολογίαν θεωρήματα. ὕστερον δὲ παρὰ τοῖσ Ἕλλησι γενομένου κατακλυσμοῦ, καὶ διὰ τὴν ἐπομβρίαν τῶν πλείστων ἀνθρώπων ἀπολομένων, ὁμοίωσ τούτοισ καὶ τὰ διὰ τῶν γραμμάτων ὑπομνήματα συνέβη φθαρῆναι·

δἰ ἣν αἰτίαν οἱ Αἰγύπτιοι καιρὸν εὔθετον λαβόντεσ ἐξιδιοποιήσαντο τὰ περὶ τῆσ ἀστρολογίασ, καὶ τῶν Ἑλλήνων διὰ τὴν ἄγνοιαν μηκέτι τῶν γραμμάτων ἀντιποιουμένων ἐνίσχυσεν, ὡσ αὐτοὶ πρῶτοι τὴν τῶν ἄστρων εὑρ́εσιν ἐποιήσαντο.

ὁμοίωσ δὲ καὶ Ἀθηναῖοι κτίσαντεσ ἐν Αἰγύπτῳ πόλιν τὴν ὀνομαζομένην Σάιν, τῆσ ὁμοίασ ἔτυχον ἀγνοίασ διὰ τὸν κατακλυσμόν.

δι’ ἃσ αἰτίασ πολλαῖσ ὕστερον γενεαῖσ Κάδμοσ ὁ Ἀγήνοροσ ἐκ τῆσ Φοινίκησ πρῶτοσ ὑπελήφθη κομίσαι γράμματα εἰσ τὴν Ἑλλάδα· καὶ ἀπ’ ἐκείνου τὸ λοιπὸν οἱ Ἕλληνεσ ἔδοξαν ἀεί τι προσευρίσκειν περὶ τῶν γραμμάτων, κοινῆσ τινοσ ἀγνοίασ κατεχούσησ τοὺσ Ἕλληνασ. Τριόπασ δὲ πλεύσασ εἰσ τὴν Καρίαν κατέσχεν ἀκρωτήριον τὸ ἀπ’ ἐκείνου Τριόπιον κληθέν.

οἱ δὲ λοιποὶ τοῦ Ἡλίου παῖδεσ διὰ τὸ μὴ μετασχεῖν τοῦ φόνου κατέμειναν ἐν τῇ Ῥόδῳ, καὶ κατῴκησαν ἐν τῇ Ιἀλυσίᾳ κτίσαντεσ πόλιν Ἀχαϊάν. ὧν ὁ πρεσβύτεροσ Ὄχιμοσ βασιλεύων ἔγημε μίαν τῶν ἐγχωρίων Νυμφῶν Ἡγητορίαν, ἐξ ἧσ ἐγέννησε θυγατέρα Κυδίππην τὴν μετὰ ταῦτα Κυρβίαν μετονομασθεῖσαν·

ἣν γήμασ Κέρκαφοσ ἀδελφὸσ διεδέξατο τὴν βασιλείαν. μετὰ δὲ τὴν τούτου τελευτὴν διεδέξαντο τὴν ἀρχὴν υἱοὶ τρεῖσ, Λίνδοσ, Ιἄλυσοσ, Κάμειροσ·

ἐπὶ δὲ τούτων γενομένησ μεγάλησ πλημυρίδοσ, ἐπικλυσθεῖσα ἡ Κύρβη ἔρημοσ ἐγένετο, αὐτοὶ δὲ διείλοντο τὴν χώραν, καὶ ἕκαστοσ ἑαυτοῦ πόλιν ὁμώνυμον ἔκτισε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 57

(디오도로스 시켈로스, Bibliotheca Historica, book 5, chapter 57)

상위

목록

SEARCH

MENU NAVIGATION