헬라어 문장 검색 - Διοδορ́Βιβλιοτ́5́57́

(디오도로스 시켈로스, Bibliotheca Historica, book 5, chapter 56)

χρόνῳ δ’ ὕστερον προαισθομένουσ τοὺσ Τελχῖνασ τὸν μέλλοντα γίνεσθαι κατακλυσμὸν ἐκλιπεῖν τὴν νῆσον καὶ διασπαρῆναι. λύκον δ’ ἐκ τούτων παραγενόμενον εἰσ τὴν Λυκίαν Ἀπόλλωνοσ Λυκίου ἱερὸν ἱδρύσασθαι παρὰ τὸν Ξάνθον ποταμόν. τοῦ δὲ κατακλυσμοῦ γενομένου τοὺσ μὲν ἄλλουσ διαφθαρῆναι, τῆσ δὲ νήσου διὰ τὴν ἐπομβρίαν ἐπιπολασάντων τῶν ὑγρῶν λιμνάσαι τοὺσ ἐπιπέδουσ τόπουσ, ὀλίγουσ δ’ εἰσ τὰ μετέωρα τῆσ νήσου συμφυγόντασ διασωθῆναι·

ἐν οἷσ ὑπάρχειν καὶ τοὺσ Διὸσ παῖδασ. ἥλιον δὲ κατὰ μὲν τὸν μῦθον ἐρασθέντα τῆσ Ῥόδου τήν τε νῆσον ἀπ’ αὐτῆσ ὀνομάσαι Ῥόδον καὶ τὸ ἐπιπολάζον ὕδωρ ἀφανίσαι·

ὁ δ’ ἀληθὴσ λόγοσ ὅτι κατὰ τὴν ἐξ ἀρχῆσ σύστασιν τῆσ νήσου πηλώδουσ οὔσησ ἔτι καὶ μαλακῆσ, τὸν ἥλιον ἀναξηράναντα τὴν πολλὴν ὑγρότητα ζωογονῆσαι τὴν γῆν, καὶ γενέσθαι τοὺσ κληθέντασ ἀπ’ αὐτοῦ Ἡλιάδασ, ἑπτὰ τὸν ἀριθμόν, καὶ ἄλλουσ ὁμοίωσ λαοὺσ αὐτόχθονασ. ἀκολούθωσ δὲ τούτοισ νομισθῆναι τὴν νῆσον ἱερὰν Ἡλίου καὶ τοὺσ μετὰ ταῦτα γενομένουσ Ῥοδίουσ διατελέσαι περιττότερον τῶν ἄλλων θεῶν τιμῶντασ τὸν Ἥλιον ὡσ ἀρχηγὸν τοῦ γένουσ αὐτῶν.

εἶναι δὲ τοὺσ ἑπτὰ υἱοὺσ Ὄχιμον, Κέρκαφον, Μάκαρα, Ἀκτῖνα, Τενάγην, Τριόπαν, Κάνδαλον, θυγατέρα δὲ μίαν, Ἠλεκτρυώνην, ἣν ἔτι παρθένον οὖσαν μεταλλάξαι τὸν βίον καὶ τιμῶν τυχεῖν παρὰ Ῥοδίοισ ἡρωικῶν.

ἀνδρωθεῖσι δὲ τοῖσ Ἡλιάδαισ εἰπεῖν τὸν Ἥλιον, ὅτι οἵτινεσ ἂν Ἀθηνᾷ θύσωσι πρῶτοι, παρ’ ἑαυτοῖσ ἕξουσι τὴν θεόν· τὸ δ’ αὐτὸ λέγεται διασαφῆσαι τοῖσ τὴν Ἀττικὴν κατοικοῦσι. διὸ καί φασι τοὺσ μὲν Ἡλιάδασ διὰ τὴν σπουδὴν ἐπιλαθομένουσ ἐνεγκεῖν πῦρ ἐπιθεῖναι τὰ θύματα, τὸν δὲ τότε βασιλεύοντα τῶν Ἀθηναίων Κέκροπα ἐπὶ τοῦ πυρὸσ θῦσαι ὕστερον.

διόπερ φασὶ διαμένειν μέχρι τοῦ νῦν τὸ κατὰ τὴν θυσίαν ἴδιον ἐν τῇ Ῥόδῳ, καὶ τὴν θεὸν ἐν αὐτῇ καθιδρῦσθαι.

περὶ μὲν οὖν τῶν ἀρχαιολογουμένων παρὰ Ῥοδίοισ οὕτω τινὲσ μυθολογοῦσιν· ἐν οἷσ ἐστι καὶ Ζήνων ὁ τὰ περὶ ταύτησ συνταξάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 56

(디오도로스 시켈로스, Bibliotheca Historica, book 5, chapter 56)

상위

목록

SEARCH

MENU NAVIGATION