헬라어 문장 검색 - Διοδορ́Βιβλιοτ́5́56́

(디오도로스 시켈로스, Bibliotheca Historica, book 5, chapter 55)

τὴν δὲ νῆσον τὴν ὀνομαζομένην Ῥόδον πρῶτοι κατῴκησαν οἱ προσαγορευόμενοι Τελχῖνεσ· οὗτοι δ’ ἦσαν υἱοὶ μὲν Θαλάττησ, ὡσ ὁ μῦθοσ παραδέδωκε, μυθολογοῦνται δὲ μετὰ Καφείρασ τῆσ Ὠκεανοῦ θυγατρὸσ ἐκθρέψαι Ποσειδῶνα, Ῥέασ αὐτοῖσ παρακαταθεμένησ τὸ βρέφοσ. γενέσθαι δ’ αὐτοὺσ καὶ τεχνῶν τινων εὑρετὰσ καὶ ἄλλων τῶν χρησίμων εἰσ τὸν βίον τῶν ἀνθρώπων εἰσηγητάσ.

ἀγάλματά τε θεῶν πρῶτοι κατασκευάσαι λέγονται, καί τινα τῶν ἀρχαίων ἀφιδρυμάτων ἀπ’ ἐκείνων ἐπωνομάσθαι· παρὰ μὲν γὰρ Λινδίοισ Ἀπόλλωνα Τελχίνιον προσαγορευθῆναι, παρὰ δὲ Ιἀλυσίοισ Ἥραν καὶ Νύμφασ Τελχινίασ, παρὰ δὲ Καμειρεῦσιν Ἥραν Τελχινίαν. λέγονται δ’ οὗτοι καὶ γόητεσ γεγονέναι καὶ παράγειν ὅτε βούλοιντο νέφη τε καὶ ὄμβρουσ καὶ χαλάζασ, ὁμοίωσ δὲ καὶ χιόνα ἐφέλκεσθαι·

ταῦτα δὲ καθάπερ καὶ τοὺσ μάγουσ ποιεῖν ἱστοροῦσιν. ἀλλάττεσθαι δὲ καὶ τὰσ ἰδίασ μορφάσ, καὶ εἶναι φθονεροὺσ ἐν τῇ διδασκαλίᾳ τῶν τεχνῶν. Ποσειδῶνα δὲ ἀνδρωθέντα ἐρασθῆναι Ἁλίασ τῆσ τῶν Τελχίνων ἀδελφῆσ, καὶ μιχθέντα γεννῆσαι παῖδασ ἓξ μὲν ἄρρενασ, μίαν δὲ θυγατέρα Ῥόδον, ἀφ’ ἧσ τὴν νῆσον ὀνομασθῆναι.

γενέσθαι δὲ κατὰ τὸν καιρὸν τοῦτον ἐν τοῖσ πρὸσ ἑώ μέρεσι τῆσ νήσου τοὺσ κληθέντασ γίγαντασ·

ὅτε δὴ καὶ Ζεὺσ λέγεται καταπεπολεμηκὼσ Τιτᾶνασ ἐρασθῆναι μιᾶσ τῶν νυμφῶν Ἱμαλίασ ὀνομαζομένησ, καὶ τρεῖσ ἐξ αὐτῆσ τεκνῶσαι παῖδασ, Σπαρταῖον, Κρόνιον, Κύτον. κατὰ δὲ τὴν τούτων ἡλικίαν φασὶν Ἀφροδίτην ἐκ Κυθήρων κομιζομένην εἰσ Κύπρον καὶ προσορμιζομένην τῇ νήσῳ κωλυθῆναι ὑπὸ τῶν Ποσειδῶνοσ υἱῶν, ὄντων ὑπερηφάνων καὶ ὑβριστῶν·

τῆσ δὲ θεοῦ διὰ τὴν ὀργὴν ἐμβαλούσησ αὐτοῖσ μανίαν, μιγῆναι αὐτοὺσ βίᾳ τῇ μητρὶ καὶ πολλὰ κακὰ δρᾶν τοὺσ ἐγχωρίουσ. Ποσειδῶνα δὲ τὸ γεγονὸσ αἰσθόμενον τοὺσ υἱοὺσ κρύψαι κατὰ γῆσ διὰ τὴν πεπραγμένην αἰσχύνην, οὓσ κληθῆναι προσηῴουσ δαίμονασ·

ἁλίαν δὲ ῥίψασαν ἑαυτὴν εἰσ τὴν θάλατταν Λευκοθέαν ὀνομασθῆναι καὶ τιμῆσ ἀθανάτου τυχεῖν παρὰ τοῖσ ἐγχωρίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 55

(디오도로스 시켈로스, Bibliotheca Historica, book 5, chapter 55)

상위

목록

SEARCH

MENU NAVIGATION