헬라어 문장 검색 - Διοδορ́Βιβλιοτ́5́53́

(디오도로스 시켈로스, Bibliotheca Historica, book 5, chapter 52)

μυθολογοῦσι δὲ Νάξιοι περὶ τοῦ θεοῦ τούτου, φάσκοντεσ παρ’ αὐτοῖσ τραφῆναι , καὶ διὰ τοῦτο τὴν νῆσον αὐτῷ γεγονέναι προσφιλεστάτην καὶ ὑπό τινων Διονυσιάδα καλεῖσθαι. τὸν γὰρ Δία κατὰ τὸν παραδεδομένον μῦθον, τότε κεραυνωθείσησ Σεμέλησ πρὸ τοῦ τεκεῖν, τὸ βρέφοσ λαβόντα καὶ ἐρράψαντα εἰσ τὸν μηρόν, ὡσ ὁ τέλειοσ τῆσ γενέσεωσ χρόνοσ ἦλθε, βουλόμενον λαθεῖν τὴν Ἥραν, ἐξελεῖν τὸ βρέφοσ ἐν τῇ νῦν Νάξῳ, καὶ δοῦναι τρέφειν ταῖσ ἐγχωρίοισ Νύμφαισ Φιλίᾳ καὶ Κορωνίδι καὶ Κλείδῃ·

κεραυνῶσαι δὲ τὴν Σεμέλην πρὸ τοῦ τεκεῖν, ὅπωσ μὴ ἐκ θνητῆσ, ἀλλ’ ἐκ δυεῖν ἀθανάτων ὑπάρξασ εὐθὺσ ἐκ γενετῆσ ἀθάνατοσ ᾖ. διὰ δὲ τὴν εἰσ τὸν Διόνυσον εὐεργεσίαν ἐν τῇ τροφῇ τὰσ χάριτασ ἀπολαβεῖν τοὺσ ἐγχωρίουσ·

ἐπιδοῦναι γὰρ τὴν νῆσον εἰσ εὐδαιμονίαν, καὶ ναυτικάσ τε δυνάμεισ ἀξιολόγουσ συστήσασθαι καὶ ἀπὸ Ξέρξου πρώτουσ ἀποστάντασ ἀπὸ τοῦ ναυτικοῦ συγκαταναυμαχῆσαι τὸν βάρβαρον, καὶ τῆσ ἐν Πλαταιαῖσ παρατάξεωσ οὐκ ἀσήμωσ μετασχεῖν. εἶναι δὲ καὶ περὶ τὴν τοῦ οἴνου ἰδιότητα διάφορόν τι παρ’ αὐτοῖσ καὶ μηνῦον τὴν τοῦ θεοῦ πρὸσ τὴν νῆσον οἰκειότητα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 52

(디오도로스 시켈로스, Bibliotheca Historica, book 5, chapter 52)

상위

목록

SEARCH

MENU NAVIGATION