헬라어 문장 검색 - Διοδορ́Βιβλιοτ́5́48́

(디오도로스 시켈로스, Bibliotheca Historica, book 5, chapter 47)

περὶ δὲ τῶν κατὰ τὴν Ἑλλάδα καὶ τὸ Αἰγαῖον πέλαγοσ κειμένων νῦν διέξιμεν, τὴν ἀρχὴν ἀπὸ τῆσ Σαμοθρᾴκησ ποιησάμενοι. ταύτην γὰρ τὴν νῆσον ἔνιοι μέν φασι τὸ παλαιὸν Σάμον ὀνομασθῆναι, τῆσ δὲ νῦν Σάμου κτισθείσησ διὰ τὴν ὁμωνυμίαν ἀπὸ τῆσ παρακειμένησ τῇ παλαιᾷ Σάμῳ Θρᾴκησ Σαμοθρᾴκην ὀνομασθῆναι. ᾤκησαν δ’ αὐτὴν αὐτόχθονεσ ἄνθρωποι·

διὸ καὶ περὶ τῶν πρώτων γενομένων παρ’ αὐτοῖσ ἀνθρώπων καὶ ἡγεμόνων οὐδεὶσ παραδέδοται λόγοσ. ἔνιοι δέ φασι τὸ παλαιὸν Σαόννησον καλουμένην διὰ τοὺσ ἀποικισθέντασ ἔκ τε Σάμου καὶ Θρᾴκησ Σαμοθρᾴκην ὀνομασθῆναι. ἐσχήκασι δὲ παλαιὰν ἰδίαν διάλεκτον οἱ αὐτόχθονεσ, ἧσ πολλὰ ἐν ταῖσ θυσίαισ μέχρι τοῦ νῦν τηρεῖται.

οἱ δὲ Σαμόθρᾳκεσ ἱστοροῦσι πρὸ τῶν παρὰ τοῖσ ἄλλοισ γενομένων κατακλυσμῶν ἕτερον ἐκεῖ μέγαν γενέσθαι, τὸ μὲν πρῶτον τοῦ περὶ τὰσ Κυανέασ στόματοσ ῥαγέντοσ, μετὰ δὲ ταῦτα τοῦ Ἑλλησπόντου. τὸ γὰρ ἐν τῷ Πόντῳ πέλαγοσ λίμνησ ἔχον τάξιν μέχρι τοσούτου πεπληρῶσθαι διὰ τῶν εἰσρεόντων ποταμῶν, μέχρι ὅτου διὰ τὸ πλῆθοσ παρεκχυθὲν τὸ ῥεῦμα λάβρωσ ἐξέπεσεν εἰσ τὸν Ἑλλήσποντον καὶ πολλὴν μὲν τῆσ Ἀσίασ τῆσ παρὰ θάλατταν ἐπέκλυσεν, οὐκ ὀλίγην δὲ καὶ τῆσ ἐπιπέδου γῆσ ἐν τῇ Σαμοθρᾴκῃ θάλατταν ἐποίησε·

καὶ διὰ τοῦτ’ ἐν τοῖσ μεταγενεστέροισ καιροῖσ ἐνίουσ τῶν ἁλιέων ἀνεσπακέναι τοῖσ δικτύοισ λίθινα κιονόκρανα, ὡσ καὶ πόλεων κατακεκλυσμένων. τοὺσ δὲ περιληφθέντασ προσαναδραμεῖν εἰσ τοὺσ ὑψηλοτέρουσ τῆσ νήσου τόπουσ·

τῆσ δὲ θαλάττησ ἀναβαινούσησ ἀεὶ μᾶλλον, εὔξασθαι τοῖσ θεοῖσ τοὺσ ἐγχωρίουσ, καὶ διασωθέντασ κύκλῳ περὶ ὅλην τὴν νῆσον ὁρ́ουσ θέσθαι τῆσ σωτηρίασ, καὶ βωμοὺσ ἱδρύσασθαι, ἐφ’ ὧν μέχρι τοῦ νῦν θύειν· ὥστ’ εἶναι φανερὸν ὅτι πρὸ τοῦ κατακλυσμοῦ κατῴκουν τὴν Σαμοθρᾴκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 47

(디오도로스 시켈로스, Bibliotheca Historica, book 5, chapter 47)

상위

목록

SEARCH

MENU NAVIGATION