헬라어 문장 검색 - Διοδορ́Βιβλιοτ́5́47́

(디오도로스 시켈로스, Bibliotheca Historica, book 5, chapter 46)

οἱ δὲ στρατιῶται λαμβάνοντεσ τὰσ μεμερισμένασ συντάξεισ φυλάττουσι τὴν χώραν, διειληφότεσ ὀχυρώμασι καὶ παρεμβολαῖσ· ἔστι γάρ τι μέροσ τῆσ χώρασ ἔχον λῃστήρια θρασέων καὶ παρανόμων ἀνθρώπων, οἳ τοὺσ γεωργοὺσ ἐνεδρεύοντεσ πολεμοῦσι τούτουσ. αὐτοὶ δ’ οἱ ἱερεῖσ πολὺ τῶν ἄλλων ὑπερέχουσι τρυφῇ καὶ ταῖσ ἄλλαισ ταῖσ ἐν τῷ βίῳ καθαρειότησι καὶ πολυτελείαισ·

στολὰσ μὲν γὰρ ἔχουσι λινᾶσ, τῇ λεπτότητι καὶ μαλακότητι διαφόρουσ, ποτὲ δὲ καὶ τὰσ ἐκ τῶν μαλακωτάτων ἐρίων κατεσκευασμένασ ἐσθῆτασ φοροῦσι· πρὸσ δὲ τούτοισ μίτρασ ἔχουσι χρυσοϋφεῖσ· τὴν δ’ ὑπόδεσιν ἔχουσι σανδάλια ποικίλα φιλοτέχνωσ εἰργασμένα· χρυσοφοροῦσι δ’ ὁμοίωσ ταῖσ γυναιξὶ πλὴν τῶν ἐνωτίων. προσεδρεύουσι δὲ μάλιστα ταῖσ τῶν θεῶν θεραπείαισ καὶ τοῖσ περὶ τούτων ὕμνοισ τε καὶ ἐγκωμίοισ, μετ’ ᾠδῆσ τὰσ πράξεισ αὐτῶν καὶ τὰσ εἰσ ἀνθρώπουσ εὐεργεσίασ διαπορευόμενοι. μυθολογοῦσι δ’ οἱ ἱερεῖσ τὸ γένοσ αὐτοῖσ ἐκ Κρήτησ ὑπάρχειν, ὑπὸ Διὸσ ἠγμένοισ εἰσ τὴν Παγχαίαν, ὅτε κατ’ ἀνθρώπουσ ὢν ἐβασίλευε τῆσ οἰκουμένησ·

καὶ τούτων σημεῖα φέρουσι τῆσ διαλέκτου, δεικνύντεσ τὰ πολλὰ διαμένειν παρ’ αὑτοῖσ Κρητικῶσ ὀνομαζόμενα· τήν τε πρὸσ αὐτοὺσ οἰκειότητα καὶ φιλανθρωπίαν ἐκ προγόνων παρειληφέναι, τῆσ φήμησ ταύτησ τοῖσ ἐκγόνοισ παραδιδομένησ ἀεί. ἐδείκνυον δὲ καὶ ἀναγραφὰσ τούτων, ἃσ ἔφασαν τὸν Δία πεποιῆσθαι καθ’ ὃν καιρὸν ἔτι κατ’ ἀνθρώπουσ ὢν ἱδρύσατο τὸ ἱερόν. ἔχει δ’ ἡ χώρα μέταλλα δαψιλῆ χρυσοῦ τε καὶ ἀργύρου καὶ χαλκοῦ καὶ καττιτέρου καὶ σιδήρου·

καὶ τούτων οὐδὲν ἔστιν ἐξενεγκεῖν ἐκ τῆσ νήσου, τοῖσ δ’ ἱερεῦσιν οὐδ’ ἐξελθεῖν τὸ παράπαν ἐκ τῆσ καθιερωμένησ χώρασ· τὸν δ’ ἐξελθόντα ἐξουσίαν ἔχει ὁ περιτυχὼν ἀποκτεῖναι. ἀναθήματα δὲ χρυσᾶ καὶ ἀργυρᾶ πολλὰ καὶ μεγάλα τοῖσ θεοῖσ ἀνάκειται, σεσωρευκότοσ τοῦ χρόνου τὸ πλῆθοσ τῶν καθιερωμένων ἀναθημάτων.

τά τε θυρώματα τοῦ ναοῦ θαυμαστὰσ ἔχει τὰσ κατασκευὰσ ἐξ ἀργύρου καὶ χρυσοῦ καὶ ἐλέφαντοσ, ἔτι δὲ θύασ δεδημιουργημένασ.

ἡ δὲ κλίνη τοῦ θεοῦ τὸ μὲν μῆκοσ ὑπάρχει πηχῶν ἕξ, τὸ δὲ πλάτοσ τεττάρων, χρυσῆ δ’ ὅλη καὶ τῇ κατὰ μέροσ ἐργασίᾳ φιλοτέχνωσ κατεσκευασμένη. παραπλήσιοσ δὲ καὶ ἡ τράπεζα τοῦ θεοῦ καὶ τῷ μεγέθει καὶ τῇ λοιπῇ πολυτελείᾳ παράκειται πλησίον τῆσ κλίνησ.

κατὰ μέσην δὲ τὴν κλίνην ἕστηκε στήλη χρυσῆ μεγάλη, γράμματα ἔχουσα τὰ παρ’ Αἰγυπτίοισ ἱερὰ καλούμενα, δἰ ὧν ἦσαν αἱ πράξεισ Οὐρανοῦ τε καὶ Διὸσ ἀναγεγραμμέναι, καὶ μετὰ ταύτασ αἱ Ἀρτέμιδοσ καὶ Ἀπόλλωνοσ ὑφ’ Ἑρμοῦ προσαναγεγραμμέναι. περὶ μὲν οὖν τῶν κατ’ ἀντικρὺ τῆσ Ἀραβίασ ἐν ὠκεανῷ νήσων ἀρκεσθησόμεθα τοῖσ ῥηθεῖσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 46

(디오도로스 시켈로스, Bibliotheca Historica, book 5, chapter 46)

상위

목록

SEARCH

MENU NAVIGATION