헬라어 문장 검색 - Διοδορ́Βιβλιοτ́5́46́

(디오도로스 시켈로스, Bibliotheca Historica, book 5, chapter 45)

μετὰ δὲ τὸ ὄροσ τοῦτο καὶ κατὰ τὴν ἄλλην Παγχαιῖτιν χώραν ὑπάρχειν φασὶ ζῴων παντοδαπῶν πλῆθοσ· ἔχειν γὰρ αὐτὴν ἐλέφαντάσ τε πολλοὺσ καὶ λέοντασ καὶ παρδάλεισ καὶ δορκάδασ καὶ ἄλλα θηρία πλείω διάφορα ταῖσ τε προσόψεσι καὶ ταῖσ ἀλκαῖσ θαυμαστά. ἔχει δὲ ἡ νῆσοσ αὕτη καὶ πόλεισ τρεῖσ ἀξιολόγουσ, Ὑρακίαν καὶ Δαλίδα καὶ Ὠκεανίδα.

τὴν δὲ χώραν ὅλην εἶναι καρποφόρον, καὶ μάλιστα οἴνων παντοδαπῶν ἔχειν πλῆθοσ. εἶναι δὲ τοὺσ ἄνδρασ πολεμικοὺσ καὶ ἁρ́μασι χρῆσθαι κατὰ τὰσ μάχασ ἀρχαϊκῶσ.

τὴν δ’ ὅλην πολιτείαν ἔχουσι τριμερῆ, καὶ πρῶτον ὑπάρχει μέροσ παρ’ αὐτοῖσ τὸ τῶν ἱερέων, προσκειμένων αὐτοῖσ τῶν τεχνιτῶν, δευτέρα δὲ μερὶσ ὑπάρχει τῶν γεωργῶν, τρίτη δὲ τῶν στρατιωτῶν, προστιθεμένων τῶν νομέων. οἱ μὲν οὖν ἱερεῖσ τῶν ἁπάντων ἦσαν ἡγεμόνεσ, τάσ τε τῶν ἀμφισβητήσεων κρίσεισ ποιούμενοι καὶ τῶν ἄλλων τῶν δημοσίᾳ πραττομένων κύριοι·

οἱ δὲ γεωργοὶ τὴν γῆν ἐργαζόμενοι τοὺσ καρποὺσ ἀναφέρουσιν εἰσ τὸ κοινόν, καὶ ὅστισ ἂν αὐτῶν δοκῇ μάλιστα γεγεωργηκέναι, λαμβάνει γέρασ ἐξαίρετον ἐν τῇ διαιρέσει τῶν καρπῶν, κριθεὶσ ὑπὸ τῶν ἱερέων ὁ πρῶτοσ καὶ ὁ δεύτεροσ καὶ οἱ λοιποὶ μέχρι δέκα, προτροπῆσ ἕνεκα τῶν ἄλλων. παραπλησίωσ δὲ τούτοισ καὶ οἱ νομεῖσ τά τε ἱερεῖα καὶ τἄλλα παραδιδόασιν εἰσ τὸ δημόσιον, τὰ μὲν ἀριθμῷ, τὰ δὲ σταθμῷ, μετὰ πάσησ ἀκριβείασ.

καθόλου γὰρ οὐδὲν ἔστιν ἰδίᾳ κτήσασθαι πλὴν οἰκίασ καὶ κήπου, πάντα δὲ τὰ γεννήματα καὶ τὰσ προσόδουσ οἱ ἱερεῖσ παραλαμβάνοντεσ τὸ ἐπιβάλλον ἑκάστῳ δικαίωσ ἀπονέμουσι, τοῖσ δ’ ἱερεῦσι μόνοισ δίδοται διπλάσιον. χρῶνται δ’ ἐσθῆσι μὲν μαλακαῖσ διὰ τὸ παρ’ αὐτοῖσ πρόβατα ὑπάρχειν διαφέροντα τῶν ἄλλων διὰ τὴν μαλακότητα·

φοροῦσι δὲ καὶ κόσμον χρυσοῦν οὐ μόνον αἱ γυναῖκεσ, ἀλλὰ καὶ οἱ ἄνδρεσ, περὶ μὲν τοὺσ τραχήλουσ ἔχοντεσ στρεπτοὺσ κύκλουσ, περὶ δὲ τὰσ χεῖρασ ψέλια, ἐκ δὲ τῶν ὤτων παραπλησίωσ τοῖσ Πέρσαισ ἐξηρτημένουσ κρίκουσ. ὑποδέσεσι δὲ κοίλαισ χρῶνται καὶ τοῖσ χρώμασι πεποικιλμέναισ περιττότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 45

(디오도로스 시켈로스, Bibliotheca Historica, book 5, chapter 45)

상위

목록

SEARCH

MENU NAVIGATION