헬라어 문장 검색 - Διοδορ́Βιβλιοτ́5́43́

(디오도로스 시켈로스, Bibliotheca Historica, book 5, chapter 42)

διῄρηται δὲ τοῖσ ἐγχωρίοισ ἡ χώρα, καὶ ταύτησ ὁ βασιλεὺσ λαμβάνει τὴν κρατίστην, καὶ τῶν καρπῶν τῶν γινομένων ἐν τῇ νήσῳ δεκάτην λαμβάνει. τὸ δὲ πλάτοσ τῆσ νήσου φασὶν εἶναι σταδίων ὡσ διακοσίων. κατοικοῦσι δὲ τὴν νῆσον οἱ καλούμενοι Παγχαῖοι, καὶ τόν τε λιβανωτὸν καὶ τὴν σμύρναν κομίζουσιν εἰσ τὸ πέραν καὶ πωλοῦσι τοῖσ τῶν Ἀράβων ἐμπόροισ, παρ’ ὧν ἄλλοι τὰ φορτία ὠνούμενοι διακομίζουσιν εἰσ τὴν Φοινίκην καὶ Κοίλην Συρίαν, ἔτι δ’ Αἴγυπτον, τὸ δὲ τελευταῖον ἐκ τούτων τῶν τόπων ἔμποροι διακομίζουσιν εἰσ πᾶσαν τὴν οἰκουμένην.

ἔστι δὲ καὶ ἄλλη νῆσοσ μεγάλη, τῆσ προειρημένησ ἀπέχουσα σταδίουσ τριάκοντα, εἰσ τὸ πρὸσ ἑώ μέροσ τοῦ ὠκεανοῦ κειμένη, τῷ μήκει πολλῶν τινων σταδίων·

ἀπὸ γὰρ τοῦ πρὸσ ἀνατολὰσ ἀνήκοντοσ ἀκρωτηρίου φασὶ θεωρεῖσθαι τὴν Ἰνδικὴν ἀέριον διὰ τὸ μέγεθοσ τοῦ διαστήματοσ. ἔχει δ’ ἡ Παγχαία κατ’ αὐτὴν πολλὰ τῆσ ἱστορικῆσ ἀναγραφῆσ ἄξια.

κατοικοῦσι δ’ αὐτὴν αὐτόχθονεσ μὲν οἱ Παγχαῖοι λεγόμενοι, ἐπήλυδεσ δ’ Ὠκεανῖται καὶ Ἰνδοὶ καὶ Σκύθαι καὶ Κρῆτεσ. πόλισ δ’ ἔστιν ἀξιόλογοσ ἐν αὐτῇ, προσαγορευομένη μὲν Πανάρα, εὐδαιμονίᾳ δὲ διαφέρουσα.

οἱ δὲ ταύτην οἰκοῦντεσ καλοῦνται μὲν ἱκέται τοῦ Διὸσ τοῦ Τριφυλίου, μόνοι δ’ εἰσὶ τῶν τὴν Παγχαίαν χώραν οἰκούντων αὐτόνομοι καὶ ἀβασίλευτοι. ἄρχοντασ δὲ καθιστᾶσι κατ’ ἐνιαυτὸν τρεῖσ· οὗτοι δὲ θανάτου μὲν οὐκ εἰσὶ κύριοι, τὰ δὲ λοιπὰ πάντα διακρίνουσι· καὶ αὐτοὶ δὲ οὗτοι τὰ μέγιστα ἐπὶ τοὺσ ἱερεῖσ ἀναφέρουσιν. ἀπὸ δὲ ταύτησ τῆσ πόλεωσ ἀπέχει σταδίουσ ὡσ ἑξήκοντα ἱερὸν Διὸσ Τριφυλίου, κείμενον μὲν ἐν χώρᾳ πεδιάδι, θαυμαζόμενον δὲ μάλιστα διά τε τὴν ἀρχαιότητα καὶ τὴν πολυτέλειαν τῆσ κατασκευῆσ καὶ τὴν τῶν τόπων εὐφυϊάν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 42

(디오도로스 시켈로스, Bibliotheca Historica, book 5, chapter 42)

상위

목록

SEARCH

MENU NAVIGATION