헬라어 문장 검색 - Διοδορ́Βιβλιοτ́5́42́

(디오도로스 시켈로스, Bibliotheca Historica, book 5, chapter 41)

ἐπεὶ δὲ περὶ τῆσ πρὸσ ἑσπέραν κεκλιμένησ χώρασ καὶ τῆσ πρὸσ τὰσ ἄρκτουσ νενευκυίασ, ἔτι δὲ τῶν κατὰ τὸν ὠκεανὸν νήσων διεξήλθομεν, ἐν μέρει διέξιμεν περὶ τῶν κατὰ τὴν μεσημβρίαν νήσων τῶν ἐν ὠκεανῷ τῆσ Ἀραβίασ τῆσ πρὸσ ἀνατολὴν κεκλιμένησ καὶ προσοριζούσησ τῇ καλουμένῃ Κεδρωσίᾳ. ἡ μὲν γὰρ χώρα πολλαῖσ κώμαισ καὶ πόλεσιν ἀξιολόγοισ κατοικεῖται, καὶ τούτων αἱ μὲν ἐπὶ χωμάτων ἀξιολόγων κεῖνται, αἱ δ’ ἐπὶ γεωλόφων ἢ πεδίων καθίδρυνται·

ἔχουσι δ’ αὐτῶν αἱ μέγισται βασίλεια κατεσκευασμένα πολυτελῶσ, πλῆθοσ οἰκητόρων ἔχοντα καὶ κτήσεισ ἱκανάσ. πᾶσα δ’ αὐτῶν ἡ χώρα γέμει θρεμμάτων παντοδαπῶν, καρποφοροῦσα καὶ νομὰσ ἀφθόνουσ παρεχομένη τοῖσ βοσκήμασι·

ποταμοί τε πολλοὶ διαρρέοντεσ ἐν αὐτῇ πολλὴν ἀρδεύουσι χώραν, συνεργοῦντεσ πρὸσ τελείαν αὔξησιν τῶν καρπῶν. διὸ καὶ τῆσ Ἀραβίασ ἡ πρωτεύουσα τῇ ἀρετῇ προσηγορίαν ἔλαβεν οἰκείαν, εὐδαίμων ὀνομασθεῖσα. ταύτησ δὲ κατὰ τὰσ ἐσχατιὰσ τῆσ παρωκεανίτιδοσ χώρασ κατ’ ἀντικρὺ νῆσοι κεῖνται πλείουσ, ὧν τρεῖσ εἰσιν ἄξιαι τῆσ ἱστορικῆσ ἀναγραφῆσ, μία μὲν ἡ προσαγορευομένη Ιἑρά, καθ’ ἣν οὐκ ἔξεστι τοὺσ τετελευτηκότασ θάπτειν, ἑτέρα δὲ πλησίον ταύτησ, ἀπέχουσα σταδίουσ ἑπτά, εἰσ ἣν κομίζουσι τὰ σώματα τῶν ἀποθανόντων ταφῆσ ἀξιοῦντεσ.

ἡ δ’ οὖν Ιἑρὰ τῶν μὲν ἄλλων καρπῶν ἄμοιρόσ ἐστι, φέρει δὲ λιβανωτοῦ τοσοῦτο πλῆθοσ, ὥστε διαρκεῖν καθ’ ὅλην τὴν οἰκουμένην πρὸσ τὰσ τῶν θεῶν τιμάσ· ἔχει δὲ καὶ σμύρνησ πλῆθοσ διάφορον καὶ τῶν ἄλλων θυμιαμάτων παντοδαπὰσ φύσεισ, παρεχομένασ πολλὴν εὐωδίαν. ἡ δὲ φύσισ ἐστὶ τοῦ λιβανωτοῦ καὶ ἡ κατασκευὴ τοιάδε·

δένδρον ἐστὶ τῷ μὲν μεγέθει μικρόν, τῇ δὲ προσόψει τῇ ἀκάνθῃ τῇ Αἰγυπτίᾳ τῇ λευκῇ παρεμφερέσ, τὰ δὲ φύλλα τοῦ δένδρου ὅμοια τῇ ὀνομαζομένῃ ἰτέᾳ, καὶ τὸ ἄνθοσ ἐπ’ αὐτῷ φύεται χρυσοειδέσ, ὁ δὲ λιβανωτὸσ γινόμενοσ ἐξ αὐτοῦ ὀπίζεται ὡσ ἂν δάκρυον. τὸ δὲ τῆσ σμύρνησ δένδρον ὅμοιόν ἐστι τῇ σχίνῳ, τὸ δὲ φύλλον ἔχει λεπτότερον καὶ πυκνότερον.

ὀπίζεται δὲ περισκαφείσησ τῆσ γῆσ ἀπὸ τῶν ῥιζῶν, καὶ ὅσα μὲν αὐτῶν ἐν ἀγαθῇ γῇ πέφυκεν, ἐκ τούτων γίνεται δὶσ τοῦ ἐνιαυτοῦ, ἐάροσ καὶ θέρουσ· καὶ ὁ μὲν πυρρὸσ ἐαρινὸσ ὑπάρχει διὰ τὰσ δρόσουσ, ὁ δὲ λευκὸσ θερινόσ ἐστι. τοῦ δὲ παλιούρου συλλέγουσι τὸν καρπόν, καὶ χρῶνται βρωτοῖσ καὶ ποτοῖσ καὶ πρὸσ τὰσ κοιλίασ τὰσ ῥεούσασ φαρμάκῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 41

(디오도로스 시켈로스, Bibliotheca Historica, book 5, chapter 41)

상위

목록

SEARCH

MENU NAVIGATION